صباح اليوم التالينبدوه من عند شقة ماجد و يسرى
طلعت تمشي ع روس اصابعها شوي شوي لعند وصلت وسط الحوش كان ماجد مش موجود استغربت
دورت في كل مكان مش موجود دارت روتينها و بدت توتي في الفطور بس مش موجود
قررت تتصل بيه اصلا ما فيش حل غير هكي
اتصلت
مرة واثنين و ثلاثةماجد كان مقعمز في المزرعة قدام الورد اللي زرعه هو وياها و يعطس 🤧: مازال خليك هكي لعند نهبلك يا يسرى توا يبانلك
ناض يشوف في الشاهي اللي حاطه ع النار
يسرى : وين مشي هذا اوووف ... ننزل نسأل لوطى و خلاص
لبست و نزلت
في شقة محمود كان يلبس ع شان يمشي للمحل : تبي شي كلميني
امل : نبيك تعقل يا محمود و اللي صار اول امس معش يتكرر فكر فيا انا و الصغار
محمود باس ع راسها : حاضر من عيوني خلاص عاد مغامرة و تمت مش ديما عاد الواحد حياته بتمشي خط مستقيم
امل بتهديد : و علاش ! في احلى من الاستقامة
محمود : ما فيش احلى منك هيا سلامات
امل : سلام ❤️❤️❤️
نزل بسرعة من فوق و هي كملت ضمان الحوش متاعها ع شان تنزل
يسرى خشت عليهم في الصالة : صباح الخير
: صباح النور
منوبة : 😏
عويشة : 🤨
مفتاح: 😂
يسرى مرتبكة : خالي شبحت ماجد ؟!
مفتاح شأد ضحكته و داير روحه مش عارف شي : ما نعرفش كيف ماهناش فوق
يسرى : لا
عويشة : وانت وين اللي مش عارفة راجلك قاعد والا طالع
يسرى انحرجت : قاعدة يا عمتي بس خليته راقد و مشيت للمطبخ نوتي في الفطور
عويشة : بس ماجد من البارح طالع
يسرى : 😳😳😳
معش قدرت ترد و طلعت تلاقت مع مديحة : صباح الخير
يسرى: صباح النور
مديحة: نازلة انت بعدين
يسرى. : اي
مديحة : ماهو انا ماشية للعمل ع شان الصغار نسال
يسرى : خلاص ما تدوريش توا نشبحلهم انا وامل
مديحة.": صحيتي
يسرى ابتسمت مجاملة و ركبت فوق و هي مستمرة تفكر
رجعت تتصل بدون فايدة
و ماجد كل ما تتصل بيه يزيد يسكر راسه و يزيد يقرر الانتقام