صلاح شافها هي و امها ارتبك لحظات و تشجع : السلام عليكم
مودة : 😳
عويشة اول ما شافاته ابتسمت و فرحت من قلبها : و عليكم السلام اهلين ولدي بيك كيف حالك
صلاح عيونه ع عيونها اللي وصفهم في سره (ام العيون دبايل ): الحمدلله بخير كيف حالكم انتم و حمدلله ع سلامة مرة طاهر
عويشة : الحمدلله و الله يسلمك شني حالها توا؟!
صلاح بتطمين : الحمدلله بخير احسن بهلبة يعني
عويشة تنهدت : الحمدلله ..
صلاح شجع نفسه كان في جهة ع جنب فيها كراسي في ذات الممر اللي واقفين فيه : عمتي ممكن نتكلم مع مودة شويا انت عارفة اني راجلها و الحق نبي نتفاهم معاها و نسالها شوية اسئلة ع قرايتها
مودة : 😱😱😱
عويشة ما تحبش تدير شي من وراء اولادها و راجلها لكن لانها عارفة السرعة اللي صار بيها الزواج و لانها حاسة بالذنب اتجاه مودة دارت خطوة مجنونة صدمت بيها مودة : خلاص امشوا اهني و تكلم معاها فيسع وانا واقفة اهني قبل يجي حد من خوتها
هو صدمته كانت ع هيئة ضحكة : ههههه منورة
و مودة ما حستش بروحها و لا لحقت تعبر ع ردة فعلها لان صلاح شدها من المرفق و دفها قدامه للجهة المذكورة
عويشة ابتسمت و تبدلت ملامحها بسرعة للقلق و خذت خطواتها اتجاه الباب تطمن لو جي حد
عزيزة تراقب من بعيد في اللي قاعد يصير و مش فاهمة اي شيء
مودة فكت ايدها منه بقوة و عيونها ع امها من وراه: انت هبلت رسمي
صلاح عيونه ع رسمة عينها النعسانة و المليانة دموع كان مش قادر يسيطر ع انفعالاته و دقات قلبه : اعذريني معش قدرت نتحمل نبيك تسكتي بس حتى عشر دقايق و تسمعيني ! اعطيني فرصة نتكلم
مودة كانت في حالة غريبة عليها رهبة و خوف و في ذات الوقت تبي تسمعه و متمنية يقول شي يهدي من خوفها و روعها من المستقبل اللي ح يجمعهم يوما ما
صلاح بنبرة صوت جذابة و هادية بعثت في نفسها الراحة عكس كلامه الاول معاها وقت عرض عليها الزواج: عارف روحي غلطت وقت ساومتك ع حياة اختي و صغارها كنت. خايف عليها ما ننكرش الشيء هذا اللي بسببه جرحتك لكن و الله العظيم من بعد ما كلمتك و ربي عالم اني نادم ع اللي درته اعطيني فرصة يا بنت الناس بالله عليك نصحح الصورة اللي واخدتها عني لاني و حق الله ماني كيف
هي كانت بتتكلم قاطعها بنبرة تحذيرية و فيها توسل في ذات الوقت
: رجاءا ما تقوليش اسمه ...قدر يستفزني بكلامه مش لاني شكيت فيك لان بنت الاصول تنعرف من نظرة يا بال و اختي طول الوقت تشكر فيك ! لكن اللي وجعتني و جننتني كلامه عليك و غلطه في حقك حسيتها فيا خلتني نطلع من طوري و نقول كلام غلط لكن وجعتني منك اكثر وقت حطيتيني معاه في نفس المكانة ممكن انا غلطت معاك لكن غلطي ماهو كيفه ! اعطيني فرصة يا ام العيون ذبايل
