اليوم بس عرف معنى الخوف الحقيقي
معنى الرعب
معنى العجز
معنى ان جزء منك كان ممكن يضيع بكل بساطةاللي فات كوم و اللي عاشه اليوم كوم
يسوق في السيارة و عيونه عليها
كانت بين الوعي واللاوعي دايخة و حاطة ايدها ع بطنها ممكن المغص اللي تحس فيه سببه نفسي و عصبي بسبب التوتر اللي عاشاته و ممكن ليه سبب ثانيبس حاليا هي في راحة كبيرة من بعد لحظات الموت اللي عاشتهم اقل شيء عارفة ان زوجها تخلص من مصيبة كبيرة
جاهدت نفسها ع شان تلقى بقايا جهد في ايدها و مدتها لايده و ابتسمت
طاهر بلع ريقه بتوتر : عزيزة شني اللي صاير معاك و شني الورقة الللي طايحة وين القيتيها انت؟
عزيزة تكلمت بصوت متقطع : كانوا هلبة في الصناديق اللي جبتهم
طاهر ايقن ان في حد ناوي يورطه : باهي كيف درتيلهم ؟
عزيزة معش قدرت تتكلم و طلبت منه يوقف اول ما وقف فتحت الباب و بدت ترجع من جديد و هو قلبه خلاص بيتقطع عليها : عزيزة
هي رفعت ايدها و شداته بمعنى خليك في مكانك
و شوية و رجعت غمضت عيونها و رقدت ع الكرسي و اشرتله يطلع خلاص
و طلع طاهر و مش عارف شني اللي صار معاها بالضبط هل لانها مضغوطة و متوترة بسبب الشرطة و اللي صار!!! يعني هكي صار بسبب الخوف ؟! او مريضة بسبب شي ثاني
حس الطريق طويلة هلبة و معش بت تنتهي ...
بينما المستشفى اللي كان ماشيلها طاهر
كان قدامها ماجد واقف يستنى في عودة حازم من الحوش بعد ما وصل عمته و مسعود و لحد الان الزيارة ممنوعة ع حاتم
درست سيارة طاهر و نزل بسرعة فتح الباب من جهتها :هيا عزيزة ساعديني
عزيزة شدت في ايده و كانت شبه دايخة ساندها من خصرها بقوة و سكر السيارة و مشي بيها في اتجاه البوابة و كانت هي رجليها تحس فيهم رزان خلاص و هو وقت حس عليها قامها بين ايديه و مشي في طريقه للطواري
شافه ماجد من بعيد رمي الدخان من ايده و مشي بسرعة لخوه : طاهر شني في
طاهر صوته كان خلاص ح يخونه : ماجد بالله عليك برا دورلي دكتورة فيسع
ماجد خش قدامه يجري تلاقى مع كمال صديق صلاح طلب منه يشوفلهم دكتورة ع وجه السرعة و هو قاله تم
طاهر حطها في احدي غرف الطواري و الممرضات معاها
شوية و جت الدكتورة : شني في شني في. !
طاهر : مش عارف فجاة هكي صار معاها شادة بطنها و تعيط منها و تستفزغ من بكري
الدكتورة بادية تشوف في شغلها : مش واكلة شيء غريب