يسرى وقفت و تاكدت من اللي جي في بالها : ع ما اعتقد هذا حوش خالي يوم اللي تدير حوش عهد عليا لا نمشيله و لا نعفسه اطمن
ماجد بهزوة : لا بالك نخليك تجيني في حوشي مستحيل لان بعدها ممكن ينحرق
يسرى بتحدي : لو ع الحرق فتاكد انت اللي حياتك بتنحرق بمجرد ما تناسب حوش خالي جبريل
باي سرووو المكان اهني معش مناسب للهدرزة و اللعب
تشاو ولد خالي
و مشت
و هو عصب و تكلم بصوت عالي : قاعد قلبك محروق ع ورداتك
هي الكره عبى عيونها : اقل شي ورداتي انقتلوا ما باعونيش!! رد بالك تتكلم ع حرق القلب و مازال ما حصلت الحمراء من ام السعد
و مشت
زادت طارتله انها غلباته بالكلام حتى المرة هذه : اااااخ
سارة : علاش خليتها تمشي خالو انا من بكري انادي فيها تجي تلعب معاي
ماجد : شني بتديري بوجهها اهو انا نلعب معاك
سارة قلبت عيونها : انت العب مع صفاء الشريرة
ماجد فنص عيونه : شني شني !! مني قالهالك الكلمة هذه ع صفاء
سارة بعدم مبالاة : ما قالهالي حد ! مش اللي يضرب الصغار شرير هي ضربت جبوره ولد خويلة اسراء و كشخت ع سنودي معناها شريرة
ماجد يشبحلها و بس
هي قلدت حركة يسرى: حتى انا المكان معش ولى حلو تشاو
و مشت
ماجد يصفق في ايديه في بعض : تفضل هيا ! ناقصة الحكاية ماهو توا نوريك يا يسرى !!
رن تيليفونه و كانت صفاء.
حاول يرجع لهدوءه و رد : اهلا
صفاء : كيف حالك اليوم مني في عندك
ماجد : غير بالشوية عليك وانت خاشة بقوة الحمدلله و علاش السؤال مني في عندنا
صفاء كانت واقفة ع السطوح : ماهو كنت فوق ننشر في الحوائج و لاحظت سيارات قدام الحوش
ماجد طارتله : وانت تنشري في الحوائج و الا تشبحي للشارع
صفاء : اي شارع حبي انا شبحت لحوشكم بس من شوقي ليك
ماجد : اي عارف حتى انا لو مستاحشة حق كنتي جيتي لحوشنا
صفاء بزعل : يا روحي ماهو قلنا عاد امي ما بتش و انا مش حابة نزيد المشاكل بينا و هي شادة في موضوع الزفت متاع خطوبة مروة و طاهر
ماجد غمت عنده : ما قالتلكش مني هما العرسان اللي ع اساس بيخطبوا
صفاء ارتبكت : لالا و انا شني عرفني ماهو قلتلك حامقة مني و ما تكلمش فيا بكل لكن زي ما فهمت من مروة اولاد خالتي
