زكية : انتم اللي بتمشوا مش انا !!!
عوض و حمزة : 😨😨😨
زكية : خيركم هرب عليكم الضي توا!! تبيعوا فيا من لما بوكم ما سكر اسبوع كل واحد يدف فيا ع الثاني
ضربت الطاولة اللي عليها المذكرة و يكتبوا فيها: و فوقها تقسموا في ملك بوكم اللي مات و هو غاضب عليكم
عوض باحراج من امه: انا مش غاضب عليا لاني ما كنتش قاعد معاه
حمزة : 😡😡
زكية : و هكي تحساب روحك نجيت من غضبه و قلة الربح يا فالح !! لا اماله انطمنك بوكم كان غاضب عليكم الاثنين لان وقت روحنا عرف بعملتكم منكتين الحوش كله تدوروا ع وسخ الدنيا ماهو
نزلوا روسهم الاثنين باحراج
فراس جي ع صوتهم : خيرك يما
زكية بحزم: انت الواه جاي مش قلتلك كمل وراقي مراتك و سافر انت وياها
فراس : تي باهي مسافر و الله غير خليني نطمن عليك و ع عزيزة خليني نقدر نستوعب ان بوي مات مش طول هو
زكية : عزيزة و ماعاد تجي اهني خلاص و بوك و دفنتوه و اللي يندفن معش يروح يا فراس و كان عليا فانا اهو قاعدة مع خوتك الكبار اللي بيصونوني و يردوا بالهم عليا زي ما انا درت معاهم و هما بصغارهم و قهوتهم ما يشربوها الا من تحت ايديا و الا يا عوض ؟! و الا يا حمزة
و الاثنين ملتزمين الصمت
فراس بياس : هي هكي يعني ؟! زي ما تبي يا امي
مشي عنها و سيبها ....
و هي شبحتلهم : خلي يجي وقتها و توا تعرفوا مني تكون زكية ؟! اللي تتعازموا عليها تحسابوا بوكم زيكم اماله ؟! بيخليني تحتكم ننذل رحمة الله عليه كان فاهمكم و عارف طبعكم المسخ خير مني
و سيبتهم و خشت
عوض : توا الكلام المعفن هذا شني معناه
حمزة : دبر راسك مش طلعت مرضي و دفيتها في راسي
عوض : تي خليك من الكلام هذا و كلمني يا راجل واضح ان في ملعوب في القصة قدام فراس تتكلم معانا شكل و من وراه شكل ثاني و تقولك بوي مش مخليها لينا احني هذا كله شني معناه ترا؟
حمزة بدت فيه الحكة من جديد : مش عارف النهار الاحرف حتى الهم هذا معش عرفته من وين جي؟!
عوض نفس الشي يمشي في ايده ع وجهه : ماهو الواحد ناقصه
حمزة : هيا اطلع ماهو من الاول قلتلك خلينا نتفاهموا فوق في الشقة هكي خير توا
و طلعوا وراء بعض نارهم تاكل حطبهم من قبل ما يعرفوا باللي خططله عبدالله من قبل ما يموت .....
...
بسمة كانت تضم في الحوش و تطبق في البطاطين
زكية عاجبتها و حابتها هلبة لكن شني تتوقعوا من وحدة خافت ع بنتها من خوتها كيف بتخاف ع بنت الناس اللي معتبرتها امانة عندها : بسمة
