اعطني حريتي

تشويق (كسرت القاعدة ع شانكم)

صعب جدا انزل حلقة كاملة سامحوني لكن تلبية لطلبكم نزلت تشويق مع ان المفروض خلاص معش في تشويقات بس ع شانكم كسرنا القاعدة

مع خالص محبتي ❤️❤️❤️❤️❤️❤️

في مكانهم اللي اعتادوا انهم يجوه و ليهم فترة طويلة عليه

كانوا الثلاثة واقفين

: كيف بس مش مصدق انا هذا اللي بيهبلني

: انا ممكن لو مكانك ممكن ننفعل في لحظة و صارت معاي من قبل و شكيت لكن بعد نقعد بروحي و نفكر و نحسبها نقول معاك حق

: اشبحولي كويس و افهموا معنى الكلام هذا ... اللي تحكوا عليها لا هي اللي مراتي و لا هي اللي حبيبتي هذه "اشر ع عروقه" شبحت العروق هاذين .. لو هن يقدرن يخونن هي تخون ... و لو هن عليا هانن هي تهون لو عشت انا من غيرهن هي مع غيري تكون

: ما فهمتش كيف قادر تفكر بالطريقة هذه و مازال تحبها و هما قالوها في وجهك تزوجت و سافرت لخوها

: ههههههههههههههه اي اي .. لو نشبحها بعيوني ما نصدق الكلام هذا عارفين انا شني درت فيها قلبها هذا بايديا هادينا فصلته تفصيل وفي وسطه بالضبط زرعت حبي و كبر يوم ع يوم حذوري فيها اصلي فيها دمي فيها الهواء متاعي فيها كلي فيها ... وانا عارف شني نقول "خذي نفس عميق " و متأكد زي ما نشبح فيكم انها من العظمى لا طلعت و لا سافرت قاعدة و ما نكون صقر حر لو ما القيتها و بايدي رجعتها و حقها في رقبتي انا اللي نرده

: باهي انا سامحتني

: سامحتك صح عاتب عليك و خاطري وجعني منك بس مسامح

: اووووف كل شي صار من ال#### غير لو كانوا يطيحوا في ايدي

: يطيحوا يطيحوا صبر بالك بس

يتبع

مع تحياتي مارية علي الخمسي ❤️❤️❤️❤️❤️