(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း

Chapter(274) - ပေ့ရှီနဲ့လျှန်လျှန်

Unicode

အခန်း(၂၇၄) - ပေ့ရှီနဲ့လျှန်လျှန်

ထိုအထူးအခန်းအနားကိုဆင်နွှဲရန်အတွက်အတွင်းစည်း,အပြင်စည်းတပည့်များအားလုံး,တောင်သခင်ထံမှာငွေကြေးအမြောက်အမြားရရှိခဲ့ကြသည်။သူတို့မျက်နှာများကအပြုံးပန်းဝေနေကြပြီးလင်ရွှမ်းဇီရဲ့ရောက်ရှိလာမှုအားသဘာဝကျကျပင်ကြိုဆိုကြလေသည်။အကယ်၍လင်ရွှမ်းဇီသာလူတိုင်းရှေ့မှာမဟာအကြီးအကဲလင်ယွဲ့ကအသိအမှတ်ပြုထားတဲ့တံခါးပိတ်တပည့်မဟုတ်ဘူးဆိုရင်သူတို့တွေသေချာပေါက်ပိုတောင်ပျော်ကြလိမ့်မည်။

သို့သော်လည်းလူအနည်းငယ်သာလင်ရွှမ်းဇီကိုအမှန်တကယ်မနာလိုဖြစ်ကြတာပင်။တကယ်တော့လည်းမဟာအကြီးအကဲလန်ယွဲ့အပေါ်သူတို့ရဲ့နားလည်မှုအားအခြေခံရရင်အကယ်၍မဟာအကြီးအကဲလန်ယွဲ့ကလင်ရွှမ်းဇီကိုတပည့်အဖြစ်လက်မခံဘူးဆိုရင်တောင်သူ့ရဲ့တပည့်အဖြစ်လက်ခံရဖို့အတွက်သူတို့အလှည့်ရောက်လာမှာမဟုတ်ဘူးလေ။

ညကောင်းကင်ယံမှာလကမြင့်မြင့်ချိတ်ဆွဲတဲ့အချိန်လင်ရွှမ်းဇီကဝိုင်ခွက်အားကိုင်ရင်းချီတုံချတုံဖြင့်သူ့ကိုယ်သူရေရွတ်နေမိသည်မှာယန်ထျန်းဟန်ကမဟာအကြီးအကဲဟွိုင်ယွီကိုတွေ့ပြီးသွားပြီလားမတွေ့သေးဘူးလားဆိုတဲ့အကြောင်းကိုဖြစ်သည်။ထိုအချိန်မှာသူ့လည်ပင်းကိုတစ်စုံတစ်ယောက်ကရုတ်တရက်ဖက်လာပြီးသူ့ကိုဖိချလာတဲ့လေးလံသောလူတစ်ယောက်ရဲ့ဖိအားကိုခံလိုက်ရသည်။

လင်ရွှမ်းဇီကတစ်ဖက်လူအားနောက်ကိုတိုက်ရိုက်လွင့်ထွက်သွားစေရန်အလျင်အမြန်ပြန်တိုက်ခိုက်လိုက်သည်။သို့သော်အေးစက်တဲ့ဖန်သားကသာသူ့နှုတ်ခမ်းကိုထိသွား၏။

"ဂိုဏ်းတူညီငယ်လေး,ဒီနေ့လေကိုကိုက...အေ့,ကိုကိုအရမ်းပျော်တယ်!"

ဝမ်ရိထုန်ကလင်ရွှမ်းဇီရဲ့ပုခုံးအားဆုပ်ကိုင်ထားပြီးဝိုင်များအားသူ့ပါးစပ်ထဲအတင်းလောင်းထည့်ပေးရန်ကြံစည်ကာရေရွတ်နေသည်။

"သောက်ကျိုးနည်း,ကောင်စုတ်လေး,မင်းကလက်မှုပညာရှင်လည်းဖြစ်နေသေးတာကိုး...အရှက်မရှိလိုက်တာ,မင်းကတစ်ခြားသူတွေကိုအခုဘယ်လိုများဆက်ရှင်သန်စေချင်နေတာလဲ?ငါကြားတာမင်းကကောင်းကင်တောင်ထွတ်မြို့မှာအရမ်းကိုနာမည်ကြီးနေပြီဆို...ပြီးတော့အခုတိုက်ကြီးငါးတိုက်လုံးကလည်းမင်းနာမည်ကိုသိနေကြပြီ....ကျွတ်စ်,နောက်တစ်ခေါက်အဲ့ဒီလိုကောင်းတဲ့ကိစ္စမျိုးရှိရင်ငါ့ကိုပါမင်းနဲ့အတူခေါ်သွားဖို့သတိရနော်၊အိုး....ဒါပေမဲ့ဒီဝိုင်ခွက်ကတကယ်ကောင်းတာပဲ...ဒီတစ်ရက်တော့ကိုကိုနဲ့အတူနောက်တစ်လှည့်ထပ်သောက်ဖို့အဖော်ပြုပေး!"