Unicode
အခန်း(၃၉၁) - တိုက်ကြီးငါးတိုက်ရဲ့ စည်းတံဆိပ်
လင်ရွှမ်းဇီက ပြောနေပြီ ဖြစ်တာကြောင့် ယန်ထျန်းဟန်သည်လည်း အလားတူ ခံစားလိုက်ရသည်။
တကယ်တော့လည်း ကိုယ်ချစ်ရတဲ့လူက တစ်ခြားသူတစ်ယောက်နဲ့ လက်ထပ်ဖို့ စီစဉ်ပေးခဲ့တာတောင် ထိုသူ့နောက်ကနေ စိတ်အားထက်သန်စွာနဲ့ ဆက်ပြီး လိုက်ပါနေတဲ့လူက သာမာန်တော့ မဟုတ်ပေ။ ထပ်ပေါင်းပြောရရင် လန်ဂျီရွှယ်သည်လည်း ဟွမ်ဖူဂျင်ကို ဘယ်တုန်းကမှ မှားယွင်းသည့် မျှော်လင့်ချက်များ ပေးခဲ့ပုံ မပေါ်ပေမယ့် ထိုသူကသာ ၎င်းကို မစွန့်လွှတ်နိုင်ပဲ ဆက်လက်တိုက်ပွဲဝင်နေခဲ့တာဖြစ်သည်။
သို့သော်လည်း လင်ရွှမ်းဇီရဲ့ နှလုံးသားထဲမှာတော့ မတည်ငြိမ်မှုအချို့ ရှိနေသည်။
လက်ရှိ ယန်ထျန်းဟန်က သူ့စိတ်ခံစားချက်များအပေါ်မှာ အလွန်အမင်း ယုံကြည်ချက် ရှိနေပြီး လန်ဂျီရွှယ်အား ဂရုမစိုက်တာ သဘာဝကျသည်။ သို့ပေမယ့်......အကယ်၍ သူ့ရဲ့ အရင်ဘဝ မှတ်ဉာဏ်တွေကိုသာ ပြန်ရခဲ့မယ်ဆိုရင် လန်ဂျီရွှယ်က သူတို့နှစ်ယောက်ကြားမှာ မိုးခြိမ်းသံတစ်ခုဖြစ်လာလိမ့်မယ်။
သူ့အရင်ဘဝတုန်းက လန်ဂျီရွှယ်နဲ့ သူငယ်ချင်း ခင်မင်မှုသာ ရှိခဲ့ပေမယ့်လည်း လန်ဂျီရွှယ်က သူနဲ့ ယန်ထျန်းဟန်ကို ခွဲစေခဲ့တဲ့ ဆူးတစ်ချောင်း ဖြစ်နေတုန်းပဲလေ။
လန်ဂျီရွှယ်မှာ လျှိ့ဝှက်ချက်တွေ ရှိတယ် ဒါပေမဲ့ လင်ရွှမ်းဇီ သိထားတဲ့ လျှို့ဝှက်ချက်တွေ အကုန်လုံးက လန်ဂျီရွှယ်ရဲ့ လျှို့ဝှက်ချက်တွေ ဟုတ်မဟုတ် သေချာမသိဘူး။
လင်ရွှမ်းဇီသည် သူ့စိတ်ထဲမှာ သက်ပြင်းမချပဲ မနေနိုင်တော့ပေ။
မျှော်လင့်ထားတဲ့အတိုင်းပဲ အရင်ဘဝက ဖြစ်ခဲ့တဲ့ ကပ်ဘေးတွေက ဒီဘဝမှာလည်း ပြန်ဖြစ်လာဦးမှာပဲ
လာတဲ့ ဆယ်ရက်အတွင်းမှာ အုပ်စုက ပိုမိုအားကောင်းလာခဲ့ပြီး အနားယူခြင်း အလျင်းမရှိစွာဖြင့် နတ်ဆိုးသားရဲ အင်္သေချေ တောအုပ်၏ အနက်ရှိုင်းဆုံးနေရာသို့ ဦးတည်သွားနေခဲ့ကြသည်။ ခရီးက သာယာငြိမ်းချမ်းနေတာတော့ မဟုတ်ပေ။ လမ်းတစ်လျှောက်မှာ နွယ်ပင်များ၏ မျိုချခြင်း ခံထားရသော ကြေးစားများစွာကို မြင်ရသည်။ နတ်ဆိုးသားရဲ အင်္သေချေ တောအုပ်ရဲ့ ကြီးမားသည့် အစိတ်အပိုင်းများက နေရာတိုင်းမှာ ကျင့်ကြံသူများရဲ့ အလောင်းများဖြင့် တန်ဆာဆင်ထားသလိုပင်။
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
