Unicode
အခန်း(၃၈၀) - အားကျူ၏သတိပေးမှု
တံခါးပိတ်ပြီးနောက်မှာ ယန်ထျန်းဟန်က မေးသည်။
"အစ်ကိုကြီး, ဒီကိစ္စကို ဂိုဏ်းတူအစ်ကိုကြီးပေ့ကို ဖုန်းကွယ်ထားတာက ကောင်းပါ့မလား?"
လင်ရွှမ်းဇီက အေးအေးဆေးဆေး ပြန်ဖြေသည်။
"အကယ်၍ ဆရာတူအစ်ကိုကြီးပေ့သာ ဝိညာဉ်ချီစုဆောင်းနိုင်တဲ့ မှော်ရတနာ တကယ်ရှိတယ်ဆိုတာ သိသွားရင် သူက သေချာပေါက် အဲ့ဒါကိုပဲ တိုက်ရိုက်သွားရှာမှာ။ ဒါပေမဲ့ ဆရာကသူ့ကို မျက်ခြေမပြတ် စောင့်ကြည့်ထားဖို့ ငါ့ကို ပြောလိုက်တယ်လေ.....ဆရာ့ရဲ့ ညွှန်ကြားချက်ကို နောက်တစ်ခေါက် ထပ်ပြီး မဖီဆန်ချင်တော့ဘူး။ အဲ့ဒါကို ရှာတွေ့တဲ့အထိ စောင့်ပြီးမှပဲ သူ့ကိုပြောတော့မယ်"
ယန်ထျန်းဟန်က ခေါင်းညိတ်ပြသည်။
"ကျွန်တော် သိပြီ"
လင်ရွှမ်းဇီက ယန်ထျန်းဟန်ရဲ့ ခေါင်းလေးကို ပွတ်ပေးလိုက်လေသည်။
"နတ်ဆိုးသားရဲ အင်္သေချေ တောအုပ်ထဲ ဝင်ပြီးသွားရင် ငါ့နောက်က တစ်ချိန်လုံး နီးနီးကပ်ကပ် လိုက်ရမယ်နော် ငါနဲ့ ခြေတစ်လှမ်းတောင် မခွာနဲ့"
ယန်ထျန်းဟန်က ပြုံးသည်။
"စိတ်မပူပါနဲ့ အစ်ကိုကြီး, တစ်ယောက်ယောက်က ကျွန်တော့်ကို အစ်ကိုကြီးဘေးက ထွက်သွားခိုင်းရင်တောင် ကျွန်တော်မသွားပါဘူး"
လင်ရွှမ်းဇီသည်လည်း ကြည်နူးစွာ ပြုံးလိုက်သည်။
"တစ်နေကုန် ငါတို့ ဘာမှ လုပ်စရာ မရှိဘူး။ တစ်ခုခုစားပြီးရင် အနားယူရအောင်"
ယန်ထျန်းဟန်ရဲ့ မျက်လုံးလေးများ တောက်ပသွားတော့လေသည်။
"အနားမယူနဲ့ဦး, ကျွန်တော် ဒီနေ့ တွေ့ခဲ့တဲ့ အမှတ်အသား လက်မှတ်ရဲ့ ပုံစံကို အရင်ဆုံး ဆွဲလိုက်ဦးမယ် အဲ့ဒါမှ အစ်ကိုကြီး တတ်နိုင်သမျှ အမြန်ဆုံး လက်မှတ်ကို သန့်စင်လို့ရမှာ"
လင်ရွှမ်းဇီက ယန်ထျန်းဟန်ရဲ့ အောင်ပွဲခံနေသလိုမျိုး ယုံကြည်ချက် ပြည့်ဝနေသည့် တောက်ပသော မျက်နှာသေးသေးလေးကို ကြည့်လိုက်သည်။
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
