Unicode
အခန်း(၃၉၇) - ချောက်ကမ်းပါးအောက်မှာ ပိတ်မိခြင်း
လင်ရွှမ်းဇီက ရှောင်းလင်ဖုန်းအား တစ်ချက်ကြည့်လိုက်ကာ
"ကျွန်တော် စိုးရိမ်မိတာတော့ ရှောင်းသူရဲကောင်းဆီမှာ ကျွန်တော်တို့ကို မပြောရသေးတဲ့ လျှို့ဝှက်ချက် တစ်ချို့ ရှိနေသေးပုံပဲ ဟုတ်တယ်မှတ်လား?"
ရှောင်းလင်ဖုန်းက တည်ငြိမ်သွားပြီး ရှားရှားပါးပါး လေးနက်သည့် အခိုက်အတန့်လေးဖြင့် ပြောလာ၏။
"အမှန်ပဲ, အောက်ဆင်းဖို့ကိုတော့ ငါအကြံမပေးချင်ဘူး။ မင်းကို အရာအားလုံး ပြောပြသင့်ရဲ့လားလို့ စဉ်းစားနေမိပေမယ့် အကယ်၍ ပြောပြလိုက်ရင်တောင် မင်းရဲ့ ခိုင်မြဲတဲ့ သဘောထားအရဆိုရင် လေကုန်တာပဲ အဖက်တင်လိမ့်မယ်လို့လည်း တွေးမိတယ်"
ဒီထက်မက တစ်ခုခု ရှိနေသေးတာများလား?
လင်ရွှမ်းဇီက ပြန်ပြောသည်။
"ကျွန်တော်တို့က ရှေ့ဆက်ဖို့ ဆုံးဖြတ်ပြီးနေပြီ ဆိုမှတော့ ကြိုတင်ပြီး ပြင်ဆင်ထားလို့ ရအောင် ပြောပြတာ ပိုကောင်းလိမ့်မယ်"
ရှောင်းလင်ဖုန်းက ခေါင်းညိတ်ပြသည်။
"ကောင်းပြီလေ"
လူတိုင်းက နားစွင့်ထားကြတော့လေသည်။
"အောက်ဆင်းဖို့က တကယ့်ကို လွယ်ပါတယ်။ ဒီတိုင်း မျက်လုံးမှိတ်ပြီး ခုန်ဆင်းလိုက်, နောက်တစ်ခေါက် မျက်လုံးပြန်ဖွင့်တဲ့ အချိန်မှာ ကမ္ဘာတစ်ဖက်ခြင်းကို ရောက်နေတာ တွေ့သွားလိမ့်မယ်"
ရှောင်းလင်ဖုန်းက ပြုံးလိုက်သော်လည်း ထိုအထဲမှာ ခါးသက်မှု တစ်ချို့ ဖုန်းကွယ်ထား၏။
"ဒါပေမဲ့ ခုန်ဆင်းပြီးသွားရင် ဘယ်လိုပြန်တက်မလဲ ဆိုတာကတော့ တစ်ခြားမေးခွန်း ဖြစ်သွားပြီ"
"ဘာကို ဆိုလိုတာလဲ?"
ယွမ်ထျန်းဝမ်က မေးသည်။
"ဆိုလိုတာက အဲ့ဒီ အခင်းအကျင်းက ထူးဆန်းတယ်"
ရှောင်းလင်ဖုန်းက အသက်ပြင်းပြင်း ရှုလိုက်ပြီး ဖြည်းညှင်းစွာ ထုတ်ပြောလာ၏။
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
