Unicode
အခန်း(၃၂၄) - သွမ့်မိသားစုက သခင်ပြောင်းသွားပြီ
ချိုးဖြတ်ဓားတောင်ထွတ်ရဲ့ သခင်က တံခါးပိတ်တရားကျင့်ကြံမှုကိုသာ စွဲလမ်းနေခဲ့ပြီး သူ့တောင်ရဲ့ ကိစ္စအဝဝကို ဘယ်တုန်းကမှ စိတ်မဝင်စားခဲ့ပေ။ ယွမ်ထျန်းဝမ်က ကလေးဘဝကတည်းက ယွမ်မိသားစုရဲ့ အမွေဆက်ခံသူ တစ်ယောက်အဖြစ် လေ့ကျင့်ပျိုးထောင်ခြင်း ခံခဲ့ရတာကြောင့် ငယ်ရွယ်စဉ်ကတည်းက တောင်ထွတ်ကိစ္စများကို ကိုင်တွယ်ရာမှာ ကျွမ်းကျင်လာခဲ့သည်။
ဒါ့အပြင် ယွမ်ကျုံနဲ့ဆုမိုတို့ကလည်း သူ့ကိုကူညီပေးနိုင်မယ့် လက်အောက်ငယ်သားများ စေလွှတ်ပေးတာကြောင့် ယွမ်ထျန်းဝမ်က အစောပိုင်းထဲက ချိုးဖြတ်ဓားတောင်ထွတ်ရဲ့ မျက်နှာစာဖြစ်လာခဲ့၏။
ပုံမှန်အခြေအနေမှာဆိုရင်တော့ ယွမ်ထျန်းဝမ်ရဲ့ စကားတစ်ခွန်းက ချိုးဖြတ်ဓားတောင်ထွတ်မှာ အကြီးမြတ်ဆုံး အာဏာကို ကိုင်ဆွဲထားနိုင်သည်။ ငြိမ်သက်တိတ်ဆိတ်မှုကိုသာ နှစ်သက်သည့် တာအိုအရှင် ချင်းယွင်ကလည်း အမည်ခံ တောင်သခင်တစ်ယောက် ဖြစ်လာရန်သာ ဆန္ဒရှိနေသည်လေ။
သို့ပေမယ့်လည်း တောင်ထိပ်သုံးလုံးမှာ နစ်မြှုပ်ဓားတောင်ထွတ်ရဲ့ တောင်သခင် မဟာအကြီးအကဲလန်ယွဲ့က သူသဘောကျ နှစ်ခြိုက်ရတဲ့ တပည့်များကို အမြဲတမ်း 'ကောက်ယူ' ရခြင်းအား သဘောကျပြီး ထိုတပည့်များရဲ့ မူလအရင်းအမြစ် မသေးငယ်တာကလည်း အမှန်တရားပင်။
ကျိုးပျက်ဓားတောင်ထွတ်ရဲ့ တောင်သခင် တာအိုအရှင်ရီသောက် ရွေးချယ်ခဲ့သည့် တပည့်အများစုကတော့ အောင်မြင်ကျော်ကြားသည့် မိသားစုက ဖြစ်နေတတ်သည်။ ချိုးဖြတ်ဓားတောင်ထွတ် တစ်လုံးတည်းကသာ သူတို့ရဲ့ နောက်ခံကိုမကြည့်ပဲ ကျား၊မကို ကြည့်၍ ရွေးချယ်ခြင်းဖြစ်သည်။
ဒီအချက်မှာတော့ ယွမ်ထျန်းဝမ်က တကယ့်ကို ကောင်းမွန်လှသည်။
ဒါက သူနာမည်ကျော်ကြားခြင်းရဲ့ အကြောင်းအရင်းပဲလေ။
သို့သော်လည်း ယွမ်ထျန်းဝမ်က သွမ့်ယွီယန်အား တာအိုအဖော်အဖြစ် တောင်ပေါ်ခေါ်လာခဲ့ပြီးနောက်မှာ ယွမ်ထျန်းဝမ်က ယောကျာ်းလေးများကိုသာ နှစ်သက်ပြီး အမျိုးသမီးများကို မကြိုက်တာကြောင့် အမျိုးသမီးတပည့် လက်မခံခြင်းဖြစ်ကြောင်း ကောလဟာလများက နက်ရှိုင်းကောင်းကင်ဂိုဏ်းမှာ ထွက်ပေါ်လာခဲ့သည်။
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
