Unicode
အခန်း(၃၁၁) - နီစွေးရောင်သတ်ဖြတ်ခြင်းအမိန့်
လျှိုကျောက်ယွဲ့က မျက်တောင်ခတ်သည်။
"အကယ်၍ ကျွန်တော်သာ မေးတဲ့သူဆိုရင် အချစ်နဲ့ ကံကြမ္မာကို သေချာပေါက် မေးမှာပဲ, အဲ့ဒါက အရေးကြီးဆုံးပဲလေ"
ကျန်းယွင်ရှီမှာ မျက်လုံးသာ လှည့်မိတော့သည်။ သူ့အတွေးများကိုပင် ထုတ်ပြောမိမတတ်ဖြစ်သွားသည်။
လျှိုကျောက်ယွဲ့နဲ့လျှိုမုံချန်တို့က သွေးရင်းညီအစ်ကိုတွေ ဖြစ်နေတာတောင် သူတို့ရဲ့ အကျင့်စရိုက်ကတော့ အတော်လေး ခြားနားတာပဲ!
လျှိုမုံချန်က မရွှေ့ပြောင်းနိုင်တဲ့ ကျောက်တုန်းကြီးနှင့်တူသည်။ တစ်ချိန်တုန်းက သေမျိုးတစ်ယောက်ကြောင့် သူ့မိသားစုနဲ့ ခွဲထွက်လုနီးပါး ဖြစ်ခဲ့သည်ဟု ဆိုကြသော်လည်း လျှိုကျောက်ယွဲ့က အဲ့ဒီလိုမျိုး ရည်စူးထားခြင်း မရှိခဲ့ပေ။ ကြည့်ရတာသူက "သစ္စာရှိတဲ့အချစ်" ဆိုတာမျိုး မပါပဲ မွေးဖွားလာပုံရသည်။ သူက လူတစ်ယောက်ကို ခဏတာ ချစ်မယ် ပြီးရင် နောက်တစ်ယောက်ကို ချစ်ဖို့အတွက် ထိုလူကို ပစ်ပယ်လိုက်လိမ့်မည်။ သူကတကယ့်ကို အပြောင်းအလဲများတဲ့ ချစ်သူဆိုတာရဲ့ စံနမူနာ ပြယုတ်တစ်ခုပင်။
ပြောမနိုင်ဘူး....ပြောလို့ကို မနိုင်ဘူး
မဟာအကြီးအကဲလန်ယွဲ့က ဘဝရဲ့ ရှုထောင့်ပေါင်းစုံကို မြင်တွေ့ခဲ့ရတာမို့ ခံစားချက်တွေကို ဖုံးကွယ်တဲ့နေရာမှာ မတော်သော လူငယ်မျိုးဆက်များရဲ့ စိတ်နေစိတ်ထားကို သဘာဝအတိုင်း မြင်နေရသည်။ အဲ့ဒါကဒီတိုင်း လူတိုင်းမှာ သူ့ကိုယ်ပိုင် ရည်မှန်းချက်နဲ့ ကိုယ်ပိုင်ဘဝ ရှိကြတာပဲလေ။ အခြားသူများ၏ဘဝသည် ပေါ့ပေါ့တန်တန်ဝင်ရောက်စွက်ဖက်ဖို့ ဒါမှမဟုတ် အကဲဖြတ်ဖို့ လုပ်နိုင်သည့်အရာမဟုတ်ဘူး။
မဟာအကြီးအကဲလန်ယွဲ့က သနားကြင်နာသည့် အမူအယာဖြင့် ခပ်ဖျော့ဖျော့ ပြုံးလိုက်သည်။
လျှိုကျောက်ယွဲ့သည်လည်း သူ မဟာအကြီးအကဲ လန်ယွဲ့ရှေ့မှာ ရောင့်တက်လွန်းသွားသည်ကို နားလည်လိုက်ပုံရသည်။ သူက လျှာကိုထုတ်လိုက်ပြီး ရွှတ်နောက်နောက်ဖြင့် မဟာအကြီးအကဲလန်ယွဲ့အား မျက်လုံးမှိတ်ပြကာ တောင်းပန်နေဟန် သူ့လက်ကို ဆုပ်လိုက်သည်။ သူ့အသွင်အပြင်က အထူးကို နှစ်သက်ဖွယ်ကောင်းသလို ချစ်ဖို့လည်းကောင်းလှ၏။
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
