ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး

part43

unicode

အခန်း(၄၃) - အထူးအကျိုးသက်ရောက်မှုများ ရရှိခြင်း

ထိုပို့စ်အကြောင်းကို သိရှိလို၍ ရှားယို့နဉ်ရှီရဲ့ တိုက်ရိုက်ထုတ်လွှင့်မှု ပလက်ဖောင်းကို ဝင်ရောက်လိုက်သောအခါတွင် သူမ ဓမ္မတာလာစဉ် နာကျင်ကိုက်ခဲမှု ဝေဒနာက အရမ်းဆိုးရွားကြောင်းကို ရှင်းပြထားသည်။ သူမသည် ထိုနာကျင်မှုကို အာရုံလွှဲရန် တိုက်ရိုက်ထုတ်လွှင့်မှု ပလက်ဖောင်းပေါ်တွင် ဟိုဟိုဒီဒီ လိုက်ကြည့်နေရင်း စုယန်ယန်ရဲ့ တိုက်ရိုက်တင်ဆက်မှုထဲ မတော်တဆ ဝင်ရောက်မိခဲ့သည်။

သူမသည် တိုက်ရိုက်ထုတ်လွှင့်မှုတစ်ခုလုံးကို ကြည့်ရှုပြီးနောက် မျှော်လင့်ချက်များစွာ မရှိပဲ ကံစမ်းမဲတွင် ပါဝင်ကံစမ်းခဲ့ကာ သူမသည် ကံစမ်းမဲပေါက်ခဲ့သည်။

ကံစမ်းမဲပေါက်သည့် စွပ်ပြုတ်ကို ရရှိပြီးနောက် ရှားယို့နဉ်ရှီနှင့် သူမအခန်းဖော်တို့သည် နှစ်ယောက်စလုံး ဓမ္မတာလာချိန် တူညီနေသည်ဖြစ်ရာ မြင်းရှင်တစ်ကောင်သည် မြင်းသေတစ်ကောင်ဖြစ်ရာတာထက် ပိုကောင်းသည်ဟု စိတ်နှလုံးသွင်းကာ စွပ်ပြုတ်ကို သောက်လိုက်သည်။ (TN: တရုတ်စကားပုံဖြစ်ပြီး အဆိုးရွားဆုံး အခြေအနေမှာ အကောင်းမွန်ဆုံး ကြိုးစားလိုက်မည်ဟု ရည်ရွယ်သည်) စွပ်ပြုတ်ကို သောက်သုံးပြီးသည်နှင့်... အရသာရှိလိုက်တာ။

သူမပို့စ်ရဲ့ ဒုတိယပိုင်းမှာတော့ ရှားယို့နဉ်ရှီသည် သူမ စွပ်ပြုတ်သောက်နေစဉ်နဲ့ သောက်အပြီးမှာ ခံစားရတဲ့ သူမရဲ့ စိတ်ခံစားချက် အမျိုးမျိုးကို ဖော်ပြဖို့ စကားလုံး ရာပေါင်းများစွာ အသုံးပြုခဲ့သည်။ သူမ၏ သုံးသပ်ချက်သည် စိတ်အားထက်သန်ပြီး ရိုးသားမှုအပြည့်ရှိသည်။

ပုံကြီးချဲ့ကားထားသော သက်တန့်‌ရောင်လူပျက် (TN: အတုအယောင်ပုံပေါက်သည့် အလွန်အမင်းချဲ့ကားထားသည်ဟု အဓိပ္ပါယ်ရသည့် တရုတ်ဘန်းစကား) ကြောင့် စုယန်ယန်သည် အနည်းငယ် ရှက်ရွံ့သွားသလို ခံစားရကာ မျက်နှာလေး ရဲသွေးခြယ်သွားပါသည်။

ရှားယို့နဉ်ရှီသည် သူမနှင့် မမျှဝေချင်ပဲ စွပ်ပြုတ်အကုန်လုံးကို သောက်ရန် ကြိုးစားခဲ့သည် သူမ၏ ကျေးဇူးကန်းသော အခန်းဖော်အကြောင်းကိုလည်း တိုင်ကြားခဲ့သည်။ သူမသည် သူမ၏ ကြင်နာတတ်သော စိတ်ထားကြောင့် သူမ၏ အခန်းဖော်အား ကောင်းသောအရာများကို မျှဝေလိုခဲ့ပြီး သူမ၏ နှလုံးသားကို နင်းခြေခံလိုက်ရသည်။ သူမရဲ့ နာကျင်အသည်းကွဲဟန် ဖော်ပြလွန်းတဲ့ ချဲ့ကားပြောဆိုမှုက သူမရဲ့ ပရိတ်သတ်တွေကို သဘောကျစေခဲ့ပါသည်။