ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး

part 89

Unicode

အခန်း (၈၉)
လုံးဝ အရှက်ကွဲခြင်း

ဒီအဖြစ်အပျက်ပြီးနောက် ဟောက်ရှောက်ဖုန်း အမြဲတမ်းအတွက် မသန်မစွမ်း ဖြစ်သွားနိုင်ဖို့ကို လူအနည်းစုက တိတ်တဆိတ် မျှော်လင့်ခဲ့မိကြသည်။ မည်သို့ပင် ဆိုစေကာမူ ဟောက်‌ရှောက်ဖုန်းသည် မူလကပင် ကံကြမ္မာသားတော် အမျိုးသားဇာတ်လိုက် ဖြစ်လေသည်။ စုယန်ယန်၏ အသက်အန္တရာယ်ကို ခြိမ်းခြောက်စေနိုင်သည့် ကန်ချက်များဖြင့် အကန်ခံလိုက်ရပြီး နောက်တွင်ပင် သူက ကံကောင်း ထောက်မစွာဖြင့် အသက်ရှင် ကျန်ရစ်နိုင်ခဲ့သည်။

ဟောက်ရှောက်ဖုန်းသည် အနာဂတ်တွင် အချို့သော ကိစ္စရပ်များကို လုပ်ဆောင်ရာတွင် အနည်းငယ် အခက်တွေ့နိုင်မည် ဖြစ်သည်။ ထို့အပြင် နောင်နှစ်နှစ်အတွင်း ဒါကို အမှန်တကယ် အသုံးပြုနိုင်ဖို့ သူ့အတွက် ပိုမိုခက်ခဲသည်။

ဟောက်ရှောက်ဖုန်းသည် သတိရလာပြီးနောက် ရောဂါရှာဖွေမှု ရလဒ်ကို သိရှိခဲ့သည်။ သူ အရမ်း ဒေါသထွက်ပြီး အခုချက်ချင်း သေချင်စိတ် ပေါက်သွားမိသည်။ ကုတင်ပေါ်တွင် ခြေလက်များကို လှုပ်ယမ်း အော်ဟစ်ပြီးနောက် ကုတင်ဘေးရှိ စားပွဲကို မှောက်ပစ်လိုက်သည်။

ဖရဲသီး အပိုင်းအစများနှင့် သစ်သီးများ နေရာအနှံ့တွင် ပြန့်ကျဲသွားပြီး အလွန် ရှုပ်ပွသွားခဲ့သည်။

“အဲဒီခွေးမကို ငါ သတ်ပစ်မယ်...”

မစ်ဟောက်၏ မျက်လုံးများဟာ နီရဲနေပြီး သူမ စိတ်နှလုံး နာကျင်စွာ ပြောလိုက်သည်။ “ရှောက်ဖုန်း စိတ်အေးအေး ထားပါဦး။ မင်း ကိုယ့်ကိုယ်ကိုယ် မထိခိုက်စေနဲ့”

“ကျွန်တော် ဒီလိုဖြစ်သွားပြီ။ ဘယ်လိုလုပ်ပြီး စိတ်အေးအေး ထားနိုင်ဦးမှာလဲ။ အဖေ သားကို ကူညီပေးရမယ်။ အဲဒီခွေးမ တော်တော် လွန်သွားပြီ။ သူမက ကျွန်တော်တို့ မျိုးဆက်ကို ဖြတ်တောက် ပစ်ချင်နေတာပဲ”

ဟောက်ရှောက်ဖုန်းက စကားမပြောလိုက်တာက ပိုကောင်းပါလိမ့်မည်၊ သူ ထိုသို့ ပြောလိုက်သည်နှင့် ဟောက်ချီဟန်ရဲ့ မျက်နှာဟာ မည်းမှောင် သွားခဲ့သည်။ ဟောက်ချီဟန်က သူ့ဘေးနားမှာရှိသည့် ဖန်ခွက်ကို ကောက်ကိုင်ကာ ဟောက်ရှောက်ဖုန်းကို ထိုဖန်ခွက်ဖြင့် ပစ်ပေါက် လိုက်သည်။