ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး

part 64

unicode
အခန်း(၆၄) - ရှင့်အကြိုက်ဆုံး အရသာ

တစ်ကြိမ် သေဆုံးသွားပြီး ပြန်လည်မွေးဖွားလာသော ဝိညာဥ်အနေဖြင့် ဝမ်ကျင့်ဖျင်ရဲ့ မကောင်းတဲ့ သဘောသဘာဝကို သူမထက် ဘယ်သူ ကောင်းကောင်းသိနိုင်မှာတဲ့လဲ။

ယခင်က ဒီရသစုံအစီအစဥ်တွင် ပါဝင်ခဲ့ဖူးသော ဝမ်ကျင့်ဖျင်သည် အဆုံးအထိ မရောက်ရှိနိုင်ခဲ့ပေ။ သို့ရာတွင် ယခု အစီအစဥ်ပွဲမစတင်မီ သူမကို ကြားဖြတ်ခဲ့သည်။

သူမက ဇာတ်လိုက်မအရှိန်အဝါကို ပိုင်ဆိုင်ထားဆဲ ဖြစ်သောကြောင့် ဇာတ်ကြောင်းက သူ့အလိုလို အဆုံးသတ်သွားလိမ့်မည်။ အကယ်၍ ဇာတ်ကြောင်း မထင်ရှားပါက သူမတွင် လှည့်ကွက်အသစ်များ ရရှိနိုင်လိမ့်မည်။ ရရှိမည့် အမြတ်က ဆုံးရှုံးမှုနှင့် မထိုက်တန်ပါ။

ဟောက်ချန်ဟွမ်းသည် သူမပြောစကားကို ကြားလိုက်ရသောအခါတွင် ခဏလောက် တိတ်ဆိတ်သွားသည်။ သူက “မင်း သူတို့ကို စိုးရိမ်နေသေးတာလား” ဟုတုံ့ဆိုင်းစွာ မေးမြန်းခဲ့သည်။

“ဒါပေါ့၊ ကျွန်မ စိတ်ရှိသေးတာပေါ့။” စုယန်ယန်ကို ဒီစကားကို စဥ်းစားတောင် မစဥ်းစားနေခဲ့ဘူး။ “ကျွန်မဆီမှာ ‌ဟောက်ရှောက်ဖုန်းနဲ့ သူ့မိသားစုကို မကောင်းတဲ့ ခံစားချက် မရှိပေမယ့် ရွံရှာစက်ဆုပ်ဖွယ် ကောင်းတယ်လို့ ဆိုလို့ရပေမယ့် သူတို့က ကျွန်မမိသားစုကို ဒီလိုအနိုင်ကျင့်လို့ ရတယ်လို့ မဆိုလိုဘူးလေ။”

စုယန်ယန်က ဤသို့ဆိုရင်း သူမမျက်နှာပေါ်တွင် ရှားရှားပါးပါး ရန်လိုသည့်အသွင် ပေါ်လာခဲ့သည်။ “ရွှံ့ရုပ်တွေတောင် ဒေါသဖြစ်လိမ့်မယ်။ အကယ်၍ သူတို့တွေသာ ကျွန်မတို့မိသားစုကို ပွင့်ပွင့်လင်းလင်း ပြောထားခဲ့မယ်ဆိုရင် အားလုံး အဆင်ပြေသွားလိမ့်မယ်။ လူတိုင်း ပျော်ပျော်ရွှင်ရွှင် တွေ့ဆုံပြီး ပျော်ပျော်ရွှင်ရွှင် လမ်းခွဲကြတာပေါ့။ အခုကနေစပြီး သူတို့နဲ့ ကျွန်မတို့ မိသားစုက တစ်ယောက်နဲ့ တစ်ယောက် မသက်ဆိုင်တော့ပဲ ဒီအတိုင်း ဆက်သွားကြမယ်။”

“သူတို့က ကျွန်မတို့မိသားစုအပေါ် အပြစ်ပုံချဖို့ စိတ်ကူးရှိခဲ့ပြီး ကျွန်မတို့မိသားစုက ချစ်သူနှစ်ဦးအကြား တမင်တကာ ကြားဝင်စွက်ဖက်ပြီး ဒီလက်ထပ်ထိမ်းမြားဖို့အတွက် ဖိအားပေးခဲ့တယ်လို့ ထင်ရှားပေါ်လွင်စေခဲ့တယ်။ ကျွန်မက နင်းချေလွယ်တဲ့သူ မဟုတ်ဘူး။ ကျွန်မရဲ့စိတ်အရ သူတို့ဖြစ်စေချင်သလို လုပ်ခွင့်ပေးဖို့ မလုပ်နိုင်ဘူး။ အနှေးနဲ့ အမြန်ဆိုသလို သူတို့ ဒီကိစ္စအတွက် ပြန်ပေးဆပ်ရလိမ့်မယ်။ တစ်ဦးတစ်ယောက်မှ လွတ်မြောက်ခွင့် မပေးနိုင်ဘူး။”