Unicode
အခန်း (၁၆၂)
ထောက်ခံချက်ကောင်းမွန်သည့် ရောင်းချမှု
ထိုအချိန်တွင် လူနာသတင်းမေး ရောက်ရှိလာသည့် ယန်ကျင်းယို့သည် ထိုအသံကို ကြားလိုက်ရာ နျဉ်ချီလွေ့က သူ့ ဆေးစစ်ချက် ရလဒ်ကြောင့် သူ့ကိုယ်သူ လက်လျှော့ အရှုံးပေးလိုက်တယ်လို့ ထင်ခဲ့သည်။ နျဉ်ချီလွေ့ကို တားမြစ်ဖို့ အလျင်စလို ဝင်သွားခဲ့သည်။
“မင်း ဘာလုပ်နေတာလဲ။ အကယ်၍ မင်း နာမကျန်းဘူး ဆိုရင်တောင် မင်းကိုယ်မင်း အရှုံးမပေးသင့်ဘူး။ မင်းကို ကုသပေးနိုင်မယ့် တခြားဆရာဝန်တွေ မရှိဘူးလား။ မင်းကို ကုသနိုင်မယ့် နည်းလမ်း တစ်ခုခုတော့ ရှိရမယ်”
နျဉ်ချီလွေ့သည် အနည်းငယ် ထိတ်လန့်သွားပြီး ယန်ကျင်းယို့ကို ထိတ်လန့်တကြား ကြည့်လိုက်သည်။
“မင်း ဘာဖြစ်လို့ ဒီကို ရောက်နေတာလဲ”
ယန်ကျင်းယို့က နျဉ်ချီလွေ့က ပြင်းထန်တဲ့ လုပ်ရပ်တွေ လုပ်နေတာ မဟုတ်တာကို တွေ့လိုက်ရသည့် အတွက် သက်ပြင်းတစ်ချက် ချလိုက်မိသည်။ သူက အပြုံးလေးဖြင့် စကားဆိုလိုက်သည်။
“ငါ မင်းဆီကို မက်ဆေ့ချ် အနည်းငယ် ပို့ခဲ့တယ်၊ ဒါပေမယ့် မင်းက လုံးဝ ပြန်မပို့ခဲ့ဘူး။ အဲ့တာနဲ့ ငါလည်း တစ်ခုခု မှားနေတယ် ဆိုတာ သိလိုက်တယ်။ ငါ မင်းကို ဖုန်းခေါ်ကြည့်တော့ မင်းရဲ့ အေးဂျင့်က ဖုန်းပြန်ဖြေပြီး မင်း ဆေးရုံတက်နေရတယ် ဆိုတာကို ငါ သိလိုက်တာနဲ့ အခုချက်ချင်း အပြေးလာတာပဲ”
ယန်ကျင်းယို့က ထိုသို့ပြောရင်း နျဉ်ချီလွေ့ကို သတိထားသည့် အကြည့်ဖြင့် ခိုးကြည့်သည်။ သူ ဒီကို မလာခင်မှာ နျဉ်ချီလွေ့၏ အခြေအနေကို သူ့အေးဂျင့်ထံမှ ယေဘုယျအားဖြင့် နားလည် သိရှိထားပြီး ဖြစ်သည်၊ သူ့ နာမကျန်းမှုဟာ သတိမပြုမိပါက တော်တော် ဆိုးရွားသည့် အခြေအနေကို ရောက်သည်အထိ ဖြစ်သွားနိုင်သည်။
ထို့အတွက်ကြောင့် နျဉ်ချီလွေ့ ဆေးရုံခုတင်ကို လက်သီးဖြင့် ထိုးလိုက်တာကို မြင်လိုက်ရသောအခါ သူ၏ပထမဆုံး အတွေးမှာ နျဉ်ချီလွေ့သည် သူ့ နာမကျန်းဖြစ်မှုကြောင့် စိုးရိမ်ပူပန်တယ်လို့ ထင်သွားမိခြင်း ဖြစ်သည်။
YOU ARE READING
ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး
Romanceစာရေးသူ - Mu Kong ဘာသာပြန်ဆိုသူ - No Noe (Miracle_Phyu97) စာမိတ်ဆက် စုယန်ယန်သည် သူမကွယ်လွန်သွားပြီးမှသာ သူမဟာ မယ်ရီဆူးဇာတ်လမ်းတွင် ဓားစာခံဖြစ်လာသည့် အန္တရာယ်ရှိသော အမြောက်စာ အမျိုးသမီးဇာတ်ကောင် တစ်ဦးဖြစ်ကြောင်း သိရှိလာခဲ့ရသည်။ မမျှော်လင့်ပဲ သူမ ပြန်...