Unicode
အခန်း (၈၁) – ကျွန်မ ရှင့်ကို ကာကွယ်ပေးမယ်
စုယန်ယန်သည် ထိုလူပြောတာကို ကြားပြီး ဟောက်ချန်ဟွမ်းကို သူ ဘယ်လို ကြည့်နေတာလဲ ဆိုတာကိုပါ မြင်လိုက်ရသည့် အတွက် သူမ မျက်နှာ အမူအရာဟာ တင်းမာလာသည်။
စုယန်ယန်သည် သူမလက်ထဲမှ ဦးထုပ်ကို စင်ပေါ်သို့ ပြန်ချလိုက်ပြီး “ကျေးဇူးပြုပြီး ဝန်ဆောင်မှု လိုချင်တယ်” လို့ မာဆတ်ဆတ် အော်လိုက်သည်။
စုယန်ယန်က ခေါ်လိုက်သည်နှင့် လူအချို့ကြား အခြေအနေကို စောင့်ကြည့်နေသည့် ဆိုင်ဝန်ထမ်းက ချက်ချင်း အပြေးရောက်လာခဲ့သည်။ သူမက ပရော်ဖက်ရှင်ဆန်သည့် အပြုံးကို ချိတ်ဆွဲထားကာ မေးမြန်းလိုက်သည်။
“မိန်းကလေး ကျွန်မ ဘာကူညီပေးရလဲရှင့်”
“ကျေးဇူးပြုပြီး ဒီဦးထုပ်စိမ်းကလွဲလို့ ဒီအတန်းတစ်ခုလုံးရယ် ပြီးတော့ ဟိုအနားက အတန်းလိုက်ကိုပါ မြို့တောင်ဘက်မှာရှိတဲ့ ဟောက်အိမ်တော်ကို ပို့ပေးပါ”
ဆိုင်ဝန်ထမ်း၏ မျက်လုံးတွေက တလက်လက် တောက်ပကာ ပြန်ဖြေလိုက်သည်။
“ရပါတယ်ရှင့်။ ကျွန်မ အခုချက်ချင်း ပြီးအောင် လုပ်ပေးပါ့မယ်”
“ပြီးတော့...”
စုယန်ယန်သည် ဆိုင်ဝန်ထမ်းကို လက်ယပ် လှမ်းခေါ်လိုက်ပြီး သူမလက်ထဲမှ အမည်းရောင် ကတ်ကို ပေးလိုက်သည်။
“အဲ့လူကို ထွက်သွားခိုင်းလိုက်။ အခုကနေစပြီး စုမိသားစုနဲ့ ပတ်သက် ဆက်နွှယ်နေတဲ့ မည်သည့် လုပ်ငန်းမဆို သူ့ကို မကြိုဆိုဘူး”
ဆိုင်ဝန်ထမ်း၏ မျက်နှာသည် ဖြူဖျော့သွားကာ စုယန်ယန်အပေါ် သူမရဲ့ သဘောထားသည် ပို၍ပင် အတိမ်းအစောင်း မခံဝံ့တော့ပေ။
“စိတ်ချပါ။ ကျွန်မ ဒီလူကို အခုချက်ချင်း ဆွဲထုတ်ခိုင်းလိုက်ပါ့မယ်။ လုံခြုံရေး...”
စုယန်ယန်၏ အာဏာပြသော ညွှန်ကြားချက်ကို ကြားပြီးနောက်တွင် ထိုလူ၏ မျက်နှာဟာ ဗလာဖြစ်သွားခဲ့ပြီး သူ့မျက်နှာကို အကြိမ်ပေါင်းများစွာ ပါးရိုက်ခံလိုက်ရသကဲ့သို့ ဖြူဖျော့သွားခဲ့သည်။
YOU ARE READING
ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး
Romanceစာရေးသူ - Mu Kong ဘာသာပြန်ဆိုသူ - No Noe (Miracle_Phyu97) စာမိတ်ဆက် စုယန်ယန်သည် သူမကွယ်လွန်သွားပြီးမှသာ သူမဟာ မယ်ရီဆူးဇာတ်လမ်းတွင် ဓားစာခံဖြစ်လာသည့် အန္တရာယ်ရှိသော အမြောက်စာ အမျိုးသမီးဇာတ်ကောင် တစ်ဦးဖြစ်ကြောင်း သိရှိလာခဲ့ရသည်။ မမျှော်လင့်ပဲ သူမ ပြန်...
