Unicode
အခန်း (၉၀)
ဒါက မင်းရွေးချယ်ထားတဲ့ မိန်းမကောင်းပဲဟောက်ရှောက်ဖုန်းသည် ဒီဗီဒီယိုကို မြင်လိုက်သော အခါဝယ် သူ့မျက်နှာဟာ ချက်ချင်း ဖြူဖျော့သွားခဲ့သည်။ သူက မယုံကြည်နိုင်စွာ မေးမြန်းလိုက်သည်။
“အဲ့တာ... အဲ့တာက ဦးလေးဟောက်ရဲ့ လက်အောက်ငယ်သားတွေ ဆီကလား။ သူ့လူတွေက ဒီဗီဒီယိုကို ဘယ်လို ရလာတာလဲ။ ပြီးတော့ ကျွန်တော် ဦးလေးဟောက် အကြောင်း ပြောလိုက်တာကိုလည်း သူတို့ သိနိုင်တာပေါ့...”
“မင်း အခုမှ ကြောက်နေတာလား။ မင်း ဘာတစ်ခွန်းမှ မပြောခင်မှာ ဖြစ်လာမယ့် အကျိုးဆက်တွေကို ဘာလို့ မစဉ်းစားခဲ့တာလဲ”
သူတို့သည် ဟောက်ချန်ဟွမ်း၏ မစွမ်းသန်မှုကို အမှန်ပင် သူတို့စိတ်ထဲမှ လှောင်ပြောင် နေခဲ့ကြသော်လည်း ဒါကို ထုတ်ဖော် ပြောဆိုခဲ့သော သူ၏ မိုက်မဲသော သားဖြစ်သူအား ဟောက်ချီဟန်သည် အစောပိုင်းကပင် သူ့ကို ဂူသွင်းမြှုပ်နှံ လိုက်သင့်တယ်လို့ ခံစားလိုက်ရသည်။
မည်သို့ပင်ဆိုစေကာမူ ဟာသဟာ ဟာသတစ်ခုပင် ဖြစ်သည်။ ဒီကိစ္စကို ဘယ်သူကမှ ပွင့်ပွင့်လင်းလင်း ထုတ်မပြောရဲကြဘူး။ သို့သော်လည်း ဒီမပြောသင့်၊ မပြောအပ်သည့် စကားလုံးအား ဟောက်ချန်ဟွမ်းရဲ့ သတို့သမီးလောင်း ရှေ့တွင် ကျယ်လောင်စွာ ပြောဆိုခဲ့သည်။ သူတို့သာ စိတ်ထား ဖြောင့်မှန်မယ်ဆိုရင် သူ့ကို ဘယ်သူက သက်သက်မဲ့ ရိုက်နှက်မှာတဲ့လဲ။ဟောက်ချီဟန် အမျက်ထွက်ဆုံး ကိစ္စမှာ ဟောက်ရှောက်ဖုန်း စကား စပြောသော အခါတွင် စုယန်ယန်၏ မျက်နှာပေါ်တွင် စိတ်မရှည်သော အမူအရာ ရှိနေခဲ့သည်ကို သူ့လို အပြင်လူကပင် ရှင်းရှင်းလင်းလင်း မြင်နိုင်ခဲ့သည်။ သူမ မျက်လုံးများတွင် သူ့အပေါ်ကို အထင်သေး လှောင်ပြောင်လိုမှုများ ပြည့်နှက်နေခဲ့သည်။
ဒီလို မိုက်မဲမှုမျိုးဟာ မျက်စိကန်း နေသလိုပါပဲ။ ဟောက်ရှောက်ဖုန်းရဲ့ ကြီးကျယ် ခမ်းနားသော စကားလုံးများသည် သူ့ကို အထင်သေးနေသာ စုယန်ယန် ရှေ့မှောက်တွင် အသုံးမဝင်ပဲ ဟောက်ချန်ဟွမ်း၏ မစွမ်းသန်မှုဆိုင်ရာ ခေါင်းစဉ်ကို လိမ္မာပါးနပ်စွာ ပြောင်းလဲ ပြောဆိုလိုက်ခြင်းက စုယန်ယန်ရဲ့ ဒေါသအား အမြင့်ဆုံးသို့ ရောက်အောင် သူ တွန်းတင် ပေးလိုက်နိုင်ခဲ့သည်။ သူက တကယ့်ကို ဦးနှောက် မရှိတာပဲ။
YOU ARE READING
ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး
Romanceစာရေးသူ - Mu Kong ဘာသာပြန်ဆိုသူ - No Noe (Miracle_Phyu97) စာမိတ်ဆက် စုယန်ယန်သည် သူမကွယ်လွန်သွားပြီးမှသာ သူမဟာ မယ်ရီဆူးဇာတ်လမ်းတွင် ဓားစာခံဖြစ်လာသည့် အန္တရာယ်ရှိသော အမြောက်စာ အမျိုးသမီးဇာတ်ကောင် တစ်ဦးဖြစ်ကြောင်း သိရှိလာခဲ့ရသည်။ မမျှော်လင့်ပဲ သူမ ပြန်...