Unicode
အခန်း (၁၃၈)
ကိုယ့်ကို ဂရုစိုက်ပေးတာ အဆင်ပြေပေမယ့် တခြားသူတွေ အတွက်ကျ ကန့်သတ်ချက် ထားရှိရမယ်နော်ဒီရင်းနှီးသော ချဉ်စူးနေသံက စုယန်ယန်ကို ပြုံးရယ် သွားစေသည်။ သူမက မျက်ခုံးပင့်ကာ ရွှင်မြူးစွာဖြင့် ပြောသည်။
“တကယ်လား။ ဒါဆိုရင် နောက်ကျ ကျွန်မ ဒီဗီဒီယိုကို မကြည့်တော့ဘူး”
ဟောက်ချန်ဟွမ်း စိတ်သက်သာ ရသွားခဲ့သည်။
“ဟုတ်ကဲ့”
“ဒါပေမယ့် ကျွန်မ ရှင့်ကို အရမ်းတွေ့ချင်တယ်၊ အဲ့တာ မဖြစ်နိုင်ဘူးလား”
ဟောက်ချန်ဟွမ်း ကြက်သေ သေသွားခဲ့သည်။ သူ့မျက်နှာဟာ ပုံမှန်အတိုင်း အမူအယာမဲ့နေဟန် ပေါ်သော်လည်း သူမ ပြောဆိုသည့် စကားလုံးများကို ကြားပြီးနောက် သူ့ပါးပြင်ကနေ လည်ပင်းအထိ သိသာသော အရှိန်အဟုန်ဖြင့် နီမြန်းလာခဲ့သည်။
စုယန်ယန်သည် အိပ်ရာပေါ်တွင် လူးလိမ့်ရင်း ထိန်းမနိုင် သိမ်းမရ ရယ်မော လိုက်မိသည်။ ဟောက်ချန်ဟွမ်း ဒေါသထွက်ခါနီးမှ သူမ ဟက်ဟက်ပက်ပက် ရယ်မောနေတာကို သူမကိုယ်သူမ ဖိအားပေး ရပ်တန့်လိုက်သည်။ သူမ ချောင်းဟန့်ကာ စကားဆိုလိုက်သည်။
“ကောင်းပြီ၊ ကျွန်မ ရှင့်ကို ထပ်မစတော့ဘူး။ အဲ့တာကို ရှင် ဖျက်ပစ်စေချင်ရင် ကျွန်မ ဖျက်လိုက်ပါ့မယ်၊ ဒါပေမယ့် ရှင် ကျွန်မအတွက် အဲ့ဗီဒီယိုကို သိမ်းထား ပေးရမယ်နော်... အနာဂတ်မှာ သူတို့ ကျွန်မရဲ့ မိဘတွေကို လာရောက် နှောင့်ယှက်ဝံ့ရင် သူတို့မိသားစုကို လူရယ်စရာ ဖြစ်အောင် ကျွန်မ ဗဟိုစင်တာရဲ့ ကြော်ငြာဆိုင်းဘုတ်မှာ ဒီဗီဒီယိုကို ပြသပစ်လိုက်မယ်”
“ကောင်းပြီ”
“ကျေးဇူးပြုပြီး ရှင် ကျွန်မအစား သွမ်းသွမ်းကို နှစ်သိမ့်ပေးပါဦး။ ကျွန်မက အရမ်းသစ္စာရှိပြီး သူလေးက လွဲလို့ တခြားခွေး မွေးမှာ မဟုတ်ပါဘူးလို့။ ကျွန်မအဖေလည်း အဲဒီခွေးလေးကောင်ကို အခု ပြန်ပို့လိုက်ပါပြီ”
“ကောင်းပြီ”
“ကျွန်မ အခု ချက်ပြုတ်တော့မယ်။ ကျွန်မ အရင် ဖုန်းချလိုက်မယ်နော်။ ပြီးရင် ကျွန်မ ရှင့်ကို ဆက်သွယ်လိုက်မယ်”
KAMU SEDANG MEMBACA
ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး
Romansaစာရေးသူ - Mu Kong ဘာသာပြန်ဆိုသူ - No Noe (Miracle_Phyu97) စာမိတ်ဆက် စုယန်ယန်သည် သူမကွယ်လွန်သွားပြီးမှသာ သူမဟာ မယ်ရီဆူးဇာတ်လမ်းတွင် ဓားစာခံဖြစ်လာသည့် အန္တရာယ်ရှိသော အမြောက်စာ အမျိုးသမီးဇာတ်ကောင် တစ်ဦးဖြစ်ကြောင်း သိရှိလာခဲ့ရသည်။ မမျှော်လင့်ပဲ သူမ ပြန်...