သရဲအိမ္ထဲမွ ဖူးစာရွင္

Chapter (176) - သတိရအောင် လုပ်ပါ....

Chapter (176) - သတိရအောင် လုပ်ပါ....

ကျန်းယာ့ရဲ့ မျက်နှာသည် နီရဲနေပြီး သူမ၏ ဝတ်စားဆင်ယင်မှုက သူမရဲ့ပုံစံကို ပိုပြီး တင်းမာ စေသည်။ သူမ၏ အနက်ရောင် ဆံပင်များသည် လေထဲတွင် လွင့်ပျံလာသည်။ ကျန်းယာ့ သည် ချန်ကော ရှေ့မှာ ရပ်နေပြီး သူတို့မျက်နှာကြားမှ သုံးဆယ်စင်တီမီတာလောက် မကွာတော့ပေ။ အအေးဓာတ်က သူ့အရေပြားတစ်လျှောက် စိမ့်ဝင်သွားပြီး ချန်ကော ရဲ့ နှုတ်ခမ်းတွေက အအေးဒဏ်ကကြောင့် ခရမ်းရောင်ပြောင်းသွားတယ်။

ဘာကိုမှ မကြောက်တဲ့လူက ကြောက်စိတ်တွေ ရင်ထဲမှာ ရစ်ပတ်နေတယ်။ သူက နောက်ပြန်ဆုတ်ချင်ပေမယ့် မလှုပ်နိုင်တော့ဘူး။ သူ့ခန္ဓာကိုယ်ရှိ သွေးကြောတိုင်းကို အေးခဲသွားပုံရသည်။

အကူအညီတောင်းလို့ ပေါ်လာတဲ့ ဝိညာဉ်တစ်ကောင်က သူ့ခန္ဓာကိုယ်အနှံ့ ပျံ့လွင့်နေသည်။ လက်တစ်စုံက သူ့အပေါ်ကို ချုပ်ကိုင်ထားသလိုမျိုး သူ့နှလုံးသားတစ်ဝိုက်မှာ မကောင်းသည့် အဖျက်စွမ်းအင်တွေ စုစည်းနေသလိုခံစားနေရကာ သရဲ သကြားလုံးက ပါးစပ်ထဲ မျိုချရခက်သဖြင့် ချန်ကော သည် လေပြတ်လတ်ကာ မူးလဲသွားမော့မလို ခံစားလိုက်ရသည်။

ကျန်းယာ့ သည် အေးခဲနေသောနေရာသို့ ဖြည်းညှင်းစွာ ရွေ့လျားသွားသည်။ နောက်ဆုံးတော့ ချန်ကော ရှေ့မှာ သူမ ရပ်သွားတယ်။ အပူချိန်မရှိ အေးစက်စက် ကျန်းယာ့ရဲ့ မျက်နှာကို တွေ့လိုက်ရပြီး ချန်ကော ၏ လည်ချောင်းအတွင်းမှ တစ်ဆို့နေတာ လျော့ကျသွားပြီး အသက်ပြန်ရှုလာနိုင်ခဲ့သည်။ သူ့လည်ချောင်းက သကြားလုံးတွေ အရည်ပျော်သွားသည် ။ ချန်ကော သည် သူ့ခန္ဓာကိုယ်အတွင်း၌ ဝိညာဉ်စွမ်းအားများ တဟုန်ထိုး မြင့်တက်လာသည်ကို ခံစားလိုက်ရသည်။ သူ့နှင့် ခြောက်စင်တီမီတာမျှသာ ကွာဝေးသော ကျန်းယာ့ ကို ကြည့်လိုက် မိစဉ် သူ့ခြေထောက်တွေက အလိုအလျောက် တုန်လှုပ်လာသည်။

ဒါ စိတ်ထဲမှာ မြင်ယောင်နေတာ မဟုတ်ဘူး! တစ်စုံတစ်ယောက်က သူမကို တားထားလို့ သူမ ရှေ့ဆက် တိုးမရဖြစ်နေသည်။

ဘောပင် ဝိဉာဉ်၏ ထိုးစိုက်ခြင်းကို ခံနေရသဖြင့် မျက်စိကန်းနေသော မကောင်းဆိုးဝါး သည် သူ့ဆီသို့ အရှိန်အပြည့် တွားသွားလာနေသည်။ ရှည်မျောမျော ပိန်ပိန်ပါးပါး ခန္ဓာကိုယ်သည် မြွေကြီးတစ်ကောင်လို လျှောတိုက်နေသည်။ ထိုအရာ၏ အရိုးစုလို လက်များသည် ချန်ကော ၏ပခုံးများကို ဆုပ်ကိုင်ထားပြီး၊ ထိုအရာ၏အောက်ပိုင်းခန္ဓာကိုယ်သည် ချန်ကော ၏ပခုံးပေါ် ခုန်တက်ရန်ပြင်ဆင်နေသကဲ့သို့ လှုပ်ရှားနေသည်။