သရဲအိမ်ထဲမှ ဖူးစာရှင်

Chapter (27) - ပစ္စည်းအသစ် ရရှိခြင်း

Chapter (27) – ပစ္စည်းအသစ် ရရှိခြင်း

Chen Ge က ဒီအခန်းတွေနဲ့ အကျွမ်းတဝင်ရှိအောင် အခန်းတွေကို လျှောက်ကြည့်လိုက်သည်။ ဒီမှာရှူရသည့် လေထုကတောင် စိတ်လှုပ်ရှားပြီး နာကျင်စရာကောင်းနေသည်။ အခန်းတွေထဲမှာ ထောင်ချောက်တွေရှိပြီး တစ်ခန်းနဲ့တစ်ခန်း လျှို့ဝှက်လမ်းနဲ့ ဆက်သွယ်ထားသည်။ ဒါ့အပြင် ဖုံးကွယ်ထားသည့် ရတနာများလည်း ရှိသေးသည်။ ဒီအခန်းတွေက တကယ်လိုမျိုး ခံစားရစေပြီး အခန်းထဲကလွတ်အောင် ကြိုးစားရသည့် အကွက်များအတွက် အကောင်းဆုံးဖြစ်သည်။ မကြာခင် ဧည့်သည်တွေနဲ့စမ်းကြည့်ဖို့ ရည်ရွယ်ထားသည်။

အခန်းထဲမှာ မတ်တပ်ရပ်နေရင်း မနေ့ညက အတွေ့အကြုံတွေက ခေါင်းထဲမှာ ပြန်ပေါ်လာခဲ့သည်။ သူက တကယ့်အတွေ့အကြုံကို အများဆုံး ပိုင်ဆိုင်ထားပြီးဖြစ်သည်။ အချိန်မရှိလို့ Chen Ge က အကြမ်းဖျင်းပတ်ကြည့်ပြီး အောက်ထပ် ဧည့်သည်တွေစောင့်နေသည့်နေရာကို ဆင်းလာခဲ့သည်။ သူ သရဲအိမ်ဂိတ်ဝမရောက်ခင် Xiao Wan ရဲ့အသံကို ကြားလိုက်ရသည်။

“ကျေးဇူးပြုပြီး ခဏသည်းခံပေးကြပါ.. ဘော့စ်က သေချာပေါက် လာမှာပါ.. ဒီအချိန်အတွင်း ပန်းခြံထဲက တခြားနေရာတွေကို သွားကြည့်ထားကြပါလားရှင်..”

“ဂါး.. မင်းဘော့စ်က သရဲအိမ်ထဲမှာ တကယ်ရောရှိလို့လား.. မနေ့ညက ငါတို့ livestream ကိုကြည့်နေတာ လူဆယ်ယောက်ကျော်လောက် တောထဲမှာ သူ့ကို လိုက်ဖမ်းနေကြတယ်.. သူက ဒီအကြပ်အတည်းထဲကနေ တကယ်လွတ်လာနိုင်လို့လား..”

“မင်း နောက်နေတာလား.. ငါလည်း မနေ့ညက တစ်ညလုံး ကြည့်နေတာပါကွ.. သူက တိုက်ခန်းကြီးထဲမှာ အရူးတစ်သိုက်ကြား ပိတ်မိနေတာ ဘယ်လိုမှ မလွတ်နိုင်ဘူးနော်..”

“မင်းတို့ live လွှင့်တာကြည့်နေတာ ဟုတ်လို့လား.. မနေ့ညက screen က မှောင်မည်းနေတာ.. မင်းတို့ကောင်တွေ ဒီအချက်အလက်တွေ ဘယ်ကနေရလာတာတုန်း..”

“ဘာဖြစ်ဖြစ် သူဒီမှာ ရှိသလားဆိုတာပဲ ငါတို့သိချင်တယ်.. သူမရှင်နိုင်ရင်တောင် သူ့အလောင်းတော့ ကျန်မှာပဲ..”

လူအုပ်ကြီးရဲ့ ဆူညံသံကြောင့် မန်နေဂျာဦးလေး Xu က စိတ်ဝင်စားပြီးရောက်လာတော့ လူအုပ်ကြီးကိုကြည့်ပြီး စိတ်ပူသလို ဂုဏ်လည်းယူမိသည်။