သရဲအိမ်ထဲမှ ဖူးစာရှင်

Chapter (19) - လူကြိုက်များမှု တိုးလာခြင်း

Chapter (19) – လူကြိုက်များမှု တိုးလာခြင်း

တစ်ဖက်ခန်းက တိုက်ခန်းပိုင်ရှင် ကြားသွားမှာစိုးရိမ်သောကြောင့် Chen Ge က အသံတိုးတိုးနှင့် ပြောပြနေသဖြင့် မရည်ရွယ်ဘဲ အခြေအနေတစ်ခုကို ဖန်တီးမိလျက်သားဖြစ်သွားသည်။ သူအားလုံးပြောပြအပြီးမှာ ဖုန်းတစ်ဖက်က He San က အံ့အားသင့်ပြီး ကြောင်သွားသည်။ ကျေးလက်ပိုင်းကနေ မြို့ကြီးကိုတက်ပြီး ဆေးကျောင်းလာတက်သော သူလိုလူငယ်လေးတစ်ယောက်က အွန်လိုင်းကသူငယ်ချင်းနဲ့ ပထမဆုံး အရမ်းစိတ်လှုပ်ရှားစရာကောင်းတဲ့ အကြောင်းအရာကို ပြောနေမိလျက်သားဖြစ်နေသည်။

"ခင်ဗျား အခု ကျိန်စာသင့်တဲ့တိုက်ခန်းကို ရောက်နေတာလား.."

"ဟုတ်တယ်.."

"ဘေးခန်းက တိုက်ခန်းပိုင်ရှင်က လွန်ခဲ့တဲ့နှစ်တွေကဖြစ်တဲ့ လူသတ်မှုတွေရဲ့ တရားခံ ဖြစ်နိုင်ချေရှိတာလား.."

"ဟုတ်တယ်.."

"ခဏလေး.. တစ်ခါတည်းတွေးဖို့က အချက်အလက်တွေ သိပ်များနေတယ်.. ကျွန်တော် အရင်ဆုံးစဉ်းစားပါရစေဦး.."

ဖုန်းတစ်ဖက်တစ်ချက်ဆီက အခြေအနေတစ်ခုစီက စိတ်ဝင်စားစရာကောင်းအောင် ဆန့်ကျင်ဘက်ဖြစ်နေသည်။ ဖုန်းတစ်ဖက်က စောင်ကိုခြုံပြီး နွေးထွေးစွာဖြင့် အိပ်ယာထက်မှာရှိနေပြီး KFC ကြက်ကြော်စားရင်း အွန်လိုင်းက video ကိုကြည့်နေသည်။ ဖုန်းတစ်ဖက်ကလူကတော့ သရဲခြောက်သည့် တိုက်ခန်းကြီးထဲရောက်ရှိနေပြီး မှောင်မိုက်သည့်အခန်းထဲ ဒုက္ခပင်လယ်ဝေလျက်ရှိသည်။

"ဘော့စ်.. ခင်ဗျား ရဲစခန်းကို သွားအကြောင်းကြားသင့်တယ်ဗျာ.. ခင်ဗျားဆီမှာ သက်သေခိုင်ခိုင်လုံလုံ မရှိတာမှန်တယ်.. ဒါပေမယ့် တိုင်ချက်အတုဖွင့်ပါတယ်လို့ ပယ်ချခံရတာနဲ့ယှဉ်ရင် ခင်ဗျားရဲ့အသက်က ပိုအရေးကြီးတယ်ဗျ.."

He San က သူ့အတွက်စဉ်းစားပေးတာဖြစ်ပေမယ့် Chen Ge က သူ့အတွေးနဲ့သူဖြစ်သည်။ သူက ဖုန်းအနက်ထဲက mission ကို ပြီးအောင်လုပ်ချင်လို့ ဒီတိုက်ခန်းမှာ ညအိပ်ရမှာဖြစ်သည်။ ရဲတွေပါလာရင် ဒီ mission အောင်မြင်ဖို့ မဖြစ်နိုင်တော့ပေ။ ဒါဆိုရင် သူကြိုးစားထားသမျှ သဲထဲရေသွန်ဖြစ်သွားနိုင်သည်။

"ငါ ရဲတွေနဲ့ပတ်သက်ဖို့ အချိန်မရှိသေးဘူး.."

"အဓိက ခင်ဗျား ဘေးကင်းလုံခြုံဖို့ကို စဉ်းစားသင့်တယ်ဗျ.. ဘော့စ်.. ဒီလိုလုပ်ရင်ကော.. ခင်ဗျားဖုန်းနဲ့ GPS ကိုဖွင့်ထားပြီး ဒီတစ်ညလုံး သွားလေရာ ဖုန်းကို ကိုယ်နဲ့မကွာယူထားလိုက်.. ကျွန်တော် ခင်ဗျားဘက်ကို အာရုံစိုက်ပေးထားမယ်.. တကယ်လို့ တစ်ခုခုဖြစ်ရင် ကျွန်တော် ရဲစခန်းကို ချက်ချင်းအကြောင်းကြားပေးမယ်.. ဘယ်လိုလဲ.."

ဒီအကြံမဆိုးပေ။ Chen Ge က သူ့ဖုန်းကိုငုံ့ကြည့်လိုက်တော့ သူက Video Sharing application ထဲက မထွက်ရသေးသည်ကို တွေ့လိုက်ရပြီး အခြားသောကြေငြာများလည်း ဆက်တိုက်တက်နေသည်ကို တွေ့လိုက်ရသည်။ ရုတ်တရက် Chen Ge ရဲ့စိတ်ထဲ အတွေးတစ်ခုဝင်လာသည်။

"ဘာကြောင့် ငါက သရဲခြောက်တဲ့တိုက်ခန်းထဲ ရောက်နေတာကို Live မလွှင့်ရမှာလဲ.. တကယ်လို့ ငါ အန္တရာယ်တစ်ခုခုကြုံရင် ကြည့်ရှုသူတွေက တွေ့ပြီး ချက်ချင်း ရဲကို အကြောင်းကြားနိုင်ကြမှာပဲ.. ပြီးတော့ Live လွှင့်ထားတဲ့ video က သက်သေလည်းဖြစ်နိုင်တယ်.. တကယ်လို့ ဘာမှမဖြစ်ဘူးဆိုရင်လည်း ငါ့ page က ကြည့်ရှုသူတွေကို ပိုဆွဲဆောင်နိုင်တာပဲ.. ပြီးတော့ ငါ့သရဲအိမ်ကိုလည်း ကြေပြာပြီးသားဖြစ်မှာ သေချာတယ်.."

မနေ့ညက တင်လိုက်တဲ့ video အပိုင်းတိုလေးကြောင့် သူ့ page မှာ follower 1000 ကျော် တိုးသွားပြီး သူ့သရဲအိမ်ကိုလာလည်သူက ၂ဆတက်သွားခဲ့သည်။ ဒီဟာက အလုပ်ဖြစ်တာပဲ။ ပြီးတော့ သူ ဒီသရဲခြောက်တဲ့တိုက်ခန်းထဲကို လာပြီး မစ်ရှင်ပြီးအောင်ဆောင်ရွက်ရတယ် ဆိုတာကလည်း သူ့သရဲအိမ်ကို အဆင့်မြှင့်နိုင်ဖို့ အထောက်အကူတွေကို ရရှိချင်လို့ဖြစ်သည်။ တကယ်လို့ livestream သာလွှင့်လိုက်ရင် သူလည်း ဘေးကင်းနိုင်သလို သူ့ရဲ့ လူကြိုက်များမှုနဲ့ ကြည့်ရှုသူလည်း တိုးလာမည်။ ဒါကြောင့် ဒီလိုလုပ်ရမည်။

"တကယ်လို့ ငါ့သရဲအိမ်ကို နေရာတိုင်းမှာ လိုက်ပြီးမကြေငြာနိုင်သေးရင် livestream နဲ့ video အတိုလေးကိုလွှင့်ပြီး လူတွေအာရုံစိုက်အောင် ဆွဲဆောင်လို့ရနေတာပဲ.."

Chen Ge မှာ digital platform နဲ့ပတ်သက်ပြီး ထုတ်လွှင့်ဖို့ အတွေ့အကြုံဗဟုသုတ မရှိပေမယ့် သူ လုံးဝစိတ်မပူပေ။ အစောပိုင်းက သူ့ကို တောက်လျှောက်စိတ်အနှောင့်အယှက်ပေးနေသည့် studio တစ်ခုရှိနေသည်။ ခေတ်သစ်ဖျော်ဖြေရေးဆိုတာ အဆင်သင့်သုံးလို့ရအောင် လုပ်ပေးနိုင်တဲ့အရာတွေနဲ့ ပြည့်နှက်နေသည။ သရဲခြောက်သည့်တိုက်ခန်းနှင့် စိတ္တဇလူသတ်သမားနှင့် တစ်ညတာအတူရှိခြင်းလောက် ပိုစိတ်ဝင်စားစရာကောင်းတာ ရှိနိုင်ဦးမှာလား။

အကြောင်းအရာနောက်ကို လိုက်ပြီး ကြည့်ရှုသည့်သူများနှင့် အခြား streamer တွေထက် Chen Ge ခြေတစ်လှမ်းကြောနေခြင်းက သူ့မှာ ထူးခြားသည့် အခြေအနေထဲ ရောက်ရှိနေသောကြောင့်ဖြစ်သည်။ သူ၏ အကြောင်းတရားနှင့် ကြုံတွေ့ရသမျှအားလုံးက တကယ့်အစစ်အမှန်များဖြစ်ပြီး ဒီမှာ ဘာဇာတ်ကြောင်း၊ ဘာဇာတ်ညွှန်းမှ မရှိသည့်အပြင် နောက်တစ်ခန်းမှာ ဘာဖြစ်မလဲဆိုတာကိုလည်း မသိနိုင်ပေ။ ဒီဟာက သူကြုံတွေ့သမျှကို ဖုန်းအနက်ထဲက mission ကို အောင်မြင်အောင်လုပ်ဆောင်သည့် မှတ်တမ်းတင် live video တစ်ခုမျှသာဖြစ်သည်။

"He San..ငါ ဖုန်းချလိုက်တော့မယ်.. မင်း livestream ကိုပဲ တိုက်ရိုက်ကြည့်နေလိုက်.. Live လွှင့်တဲ့ IP က ငါ့ Page ရဲ့ IP နဲ့ အတူတူပဲ.."

သူက ဖုန်းချပြီးနောက် ဖုန်းရဲ့တည်နေရာပြစနစ်နဲ့ 991 စာလုံးကို ချိတ်ဆက်လိုက်သည်။ သူက အားလုံးလုပ်ပြီးတာနဲ့ video sharing application ထဲက livestream ဆိုတာကို ရွေးချယ်လိုက်သည်။ ဒီနေ့ခေတ်မှာ ထုတ်လွှင့်သည့် livestream video တွေက စက္ကန့်အနည်းငယ်သာ ကြာမြင့်သည်။ ဘာကြောင့်လဲဆိုတော့ သူတို့က ဒီ live လွှင့်တာကနေ ငွေမဝင်သောကြောင့်ဖြစ်သည်။ ဒါပေမယ့် သူတို့ fan တွေကို ဆက်လက်ထိန်းသိမ်းထားနိုင်ဖို့ video အသစ်တွေကို ကြိုတင်ပြင်ဆင်ထားတာမလုပ်ဘဲ တိုက်ရိုက် live လွှင့်ကာ တင်ဆက်လေ့ရှိသည်။

Video အပိုင်းတိုလေးများကိုတင်ပြီး ကြုံရာကျပန်းကြည့်တတ်သူများရဲ့ စိတ်ဝင်စားမှုရအောင် ဆွဲဆောင်ကြပြီးမှ livestream လွှင့်ပြီး ထိုသူများကို follower ဖြစ်လာအောင် စိတ်ဝင်စားလာအောင် လုပ်ကြသည်။ တိုက်တိုက်ဆိုင်ဆိုင် Chen Ge က ဒီလိုအွန်လိုင်းပေါ်ကနေ ကိုယ့်အမှတ်တံဆိပ်ကို လူသိများအောင် လုပ်တဲ့နည်းစနစ်ရဲ့အဆင့်တွေကို မှန်မှန်ကန်ကန် လုပ်ဆောင်မိလျက်သားဖြစ်နေသည်။

သရဲခြောက်သည့်အိမ်မှ တစ်ညတာ..!

ရဲရင့်သော စူးစမ်းရှာဖွေသူတစ်ဦး..!

လောကကြီးက မျက်စိနှင့်မမြင်နိုင်သော ဖုံးကွယ်ထားသည့် အရာများကို ဖော်ထုတ်ခြင်း..!

Chen Ge က livestream ရဲ့ခေါင်းစည်းကို သူများတွေနဲ့မတူအောင် "!" သင်္ကေတများစွာကို ထည့်သွင်းဖော်ပြထားသည်။

ရိုးရိုးသားသားပြောရမယ်ဆိုရင် Chen Ge အနေနဲ့ ဒီလိုဟာတွေထိလုပ်ဖို့ မလိုပေ။ Video sharing application ထဲက livestream function ထဲမှာ တခြား stream website တွေနဲ့မတူ ထူးခြားမှုရှိပြီးသားဖြစ်သည်။ ဒီထဲက အမျိုးအစားတွေက ကန့်သတ်ထားပြီး အများအားဖြင့် အဝတ်အစား အတိုအပြတ် မပေါ့်တပေါ်နှင့် မိန်းကလေးတွေ၊ စကားပြောလို့ရတာတွေ ပါဝင်ပြီးသားဖြစ်သည်။

ဒါကြောင့် Chen Ge ရဲ့ livestream က အကြောင်းအရာက နှင်းဆီခင်းထဲက နောက်ချေးပုံနဲ့တူနေပြီး လူသတိပြုမိဖို့ မလွယ်ပေ။

သူ livestream လွှင့်ပြီးနောက် သူ့ fan တွေဆီမှာ noti တက်လာမှာဖြစ်ပြီး သူ့ page ရဲ့စာမျက်နှာမှာလည်း live လွှင့်နေကြောင်း ကြေငြာတက်လာလိမ့်မည်။ စက္ကန့်အနည်းငယ်ကြာတော့ ကြည့်ရှုသူ ပထမအသုတ် ရောက်ရှိလာကြသည်။

He San က သူ့ကို အရင်ဆုံးစာပို့ခဲ့သည်။

"ဘော့စ်.. ခင်ဗျား.. တကယ်ကြီးလား.. တကယ်ကြီး live လွှင့်နေတာလား.."

Death to all men posted : "မနေ့က video တင်လိုက်တဲ့ သတ္တဝါလား.. ကောင်းတယ်.. မင်းအသက်ကို နှုတ်ယူဖို့ ငါစောင့်နေတယ်.."

"fuck..! shit..! မင်း ဘာဖြစ်နေတာလဲ.. စိတ်အေးအေးထားစမ်းပါ.. ငါတို့ အပြင်မှာ အေးဆေးစကားပြောလို့ရပါတယ်.."

အစိမ်းရောင်ဘောက်ဖက် : "တစ်ယောက်ယောက် ဒီ stream ထဲကပါတဲ့ အကြောင်းအရာကို သိကြရဲ့လား.."

ညည်းတွားတတ်သောအိမ်ရှင် : "မင်း စာမဖတ်တတ်ဘူးလား.. ဟိုမှာ ခေါင်းစဉ်ရေးထားတယ်လေ.."

Chen Ge က livestream ကို စလွှင့်လိုက်တာနဲ့ ဒီ video ကိုစောင့်ကြည့်သူတွေ တဖြည်းဖြည်းတိုးလာခဲ့သည်။

"ဟေ့လူတွေ.. နားလည်မှုလွဲနေကြပြီလို့ ကျွန်တော်ထင်တယ်.."

Chen Ge က ကင်မရာကို သူ့ဘက်မလှည့်ခင် ဘက်စုံသုံးတူကို ဘေးကိုလွှတ်ချပြီး ပြောလိုက်သည်။

"မနေ့ညက ကျွန်တော်တင်လိုက်တဲ့ video က ဟာသမဟုတ်ပါဘူး.. ကျွန်တော့်အတွေ့အကြုံကို မှတ်တမ်းတင်ထားတာပါ.. တကယ်လို့ ခင်ဗျားတို့မယုံရင် supernatural forum မှာ Video အပြည့်အစုံ တင်ထားတာ သွားကြည့်လို့ရပါတယ်.. ဒီထဲကဟာတွေကို ပြုပြင်မထားပါဘူး.. ပြီးတော့ မှန်ထဲကဟာကလည်း တကယ်ရှိတာပါ.. ဒီဟာက ယုံဖို့ခက်တယ်ဆိုတာ ကျွန်တော်သိပါတယ်.. တကယ်လို့ ခင်ဗျားတို့ ကျွန်တော်နောက်ကိုလိုက်ကြည့်မယ်ဆိုရင် ဒီလောကကြီးမှာ ဖုံးကွယ်ထားတဲ့အရာတွေကို နည်းနည်းချင်းဆီ ကျွန်တော် ခင်ဗျားတို့မြင်အောင် ပြသွားပေးပါ့မယ်.."

"Hello.. 001.. တောင်းပန်ပါတယ်.. စိတ္တဇဆေးရုံရဲ့ ဖုန်းနံပါတ်က ဘယ်လောက်ပါလိမ့်.. အခု ထွက်ပြေးလွတ်မြောက်နေတဲ့ လူနာတစ်ယောက်ကို ကျွန်တော်တွေ့ထားတယ်.."

"ခင်ဗျားလုပ်တဲ့နည်းလမ်းတွေကို ကျွန်တော် စောက်ရမ်းသဘောကျတယ်.."

"Lee Ming.. မင်း livestream ကကြည့်နေတာ ငါသိတယ်.. ငါ့အတွက် ညစာသွားဝယ်ပေးစမ်းပါ.. ခေါက်ဆွဲကြော် ငရုပ်သီးမထည့်ဘူး.."

"Fu San စိတ်ကျန်းမာရေးဆေးရုံ အခန်းနံပါတ် 31၊ ဒီပို့စ်ပိုင်ရှင်ပါ.. ဖမ်းထည့်လိုက်စမ်းပါ.. ကျွန်တော်တို့မိတ်ဆွေကြီးကို အလုပ်အကိုင်အသစ်ရအောင် ကူညီကြစို့.."

တက်လာတဲ့ comment အတော်များများက Chen Ge ကို မယုံကြည်ကြဘူးဆိုတာ ထင်ရှားသည်။ ဒီလူတွေကို Chen Ge က ဘာမှမတုံ့ပြန်ဘဲ ပြောလိုက်သည်။

"ခင်ဗျားတို့ ကျွန်တော့်ကို ရူးနေပြီလို့ထင်ကြတာကို စိတ်မဆိုးပါဘူး.. ဘာကြောင့်လဲဆိုတော့ မကြာခင် ခင်ဗျားတို့အားလုံး မှားယွင်းနေတယ်ဆိုတာ သက်သေပြနိုင်တော့မှာပဲလေ.."

ကြည့်ရှုသူအရေအတွက်တွေ ဆက်လက်တိုးပွားလာသည်။ Chen Ge က တဖြည်းဖြည်းမှောင်လာသည့် ကောင်းကင်ကိုကြည့်လိုက်ပြီး စီးကရက်ကိုမီးညှိကာ ထိတ်လန့်ခြောက်ခြားဖွယ် သွေးလွှမ်းသည့် Fu An တိုက်ခန်း၏ ရာဇဝင်ကို ကြည့်ရှုသူများကို ရှင်းပြလိုက်သည်။

=====================