[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

29[U&Z]

[Unicode]

သီချင်းရဲ့ နာမည်မှာ  Wrong Love[1] ဖြစ်သည်။

အဲ့ဒီနေ့

မင်းငါ့ကို ကျောခိုင်းသွားတဲ့ အဲ့ဒီနေ့

ငါ့ဆီကနေ တဖြည်းဖြည်းဝေးကွာသွားတဲ့ မင်းကို မြင်နေရတယ်

မင်းကသာ ငါ့ရဲ့ စွဲလမ်းမှု

မင်းကသာ ငါ့နှလုံးသားလေးကို တောက်ပအောင် အလင်းပေးနိုင်တဲ့သူ

မင်းရဲ့အချစ်နဲ့ နှလုံးသားကို ဖုန်မှုန့်အဖြစ် ပြောင်းလဲခဲ့မိတဲ့ ငါ မှားခဲ့တယ်

...

ထို့နောက်တွင်တော့ လင်းချင်ပေ့၏ မျက်နှာသည် ပို၍လေးနက်လာလေသည်။ သီချင်းစာသားတွေက သူ၏ နှလုံးသားတစ်ခုလုံးကို ထိုးမွှေးနေသလို ဖြစ်နေ၏။ သီချင်းနောက်ကွယ်မှ လှပသော အချစ်ဇာတ်လမ်းလေး တစ်ပုဒ်ကို သူခံစားလို့ ရနိုင်နေသည်။ ဒီသီချင်းကို ရေးခဲ့တဲ့ သူဖြစ်ဖြစ် သူမ ဖြစ်ဖြစ်က တကယ်ကို တော်တဲ့လူဆိုတာ ပြောနိုင်သည်။ တေးရေးဆရာရဲ့ သီချင်းက ရာစုနှစ်တစ်စုစာအထိ ‌နားထောင်လို့ကောင်းဦးမယ့် သီချင်းတစ်ပုဒ်ဖြစ်နေမှာပင်။ ပြီးနောက်တွင်တော့ သီချင်းစာရွက်ကို သူ ပြန်ကြည့်လိုက်သည်။

လင်းချင်ပေ့ ကိုယ်တိုင်ကလည်း သီချင်းတွေကို ရေးသားတတ်သောသူ ဖြစ်လေသည်။ တချက်ကြည့်လိုက်ရုံနှင့် နင်မုန့်ရေးသားခဲ့သော သီချင်းက ‌အမှန်တကယ်ကို သေသပ်လှတယ်ဆိုတာ သိနိုင်၏။ သံစဉ်တို့ကို ကြည့်ပြီးနောက် နူးညံ့စွာ စတင်သီဆိုလိုက်သည်။ ကြေမွနေသည့် စာရွက်ကို ကိုင်ထားရင်း အခန်းထဲတွင် လင်းချင်ပေ့သည် ခေါင်းငုံ့ထားရင်း လေ့ကျင့်လို့နေသည်။

"ကျွန်တော်တို့ စလို့ရပြီလား" ၀န်ထမ်းက မေးလိုက်သည်။

"ခနလေး အချိန်ခနလောက်လိုတယ်။ ဒီသီချင်းကို မဖျက်စီးမိအောင် ကျွန်တော် ထပ်လေ့ကျင့်ချင်လို့" 

"ကောင်းပါပြီ။ ကျွန်တော်တို့ ဒီအခန်းကို တနေကုန်သုံးလို့ရတယ်"

သီချင်းကို သဘောကျနေသည့် လင်းချင်ပေ့ကိုကြည့်ရင်း အခန်းထဲမှ လူအားလုံး ရယ်သွမ်းလိုက်ကြသည်။