[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

151[U&Z]

[Unicode]

ဟော်ပေ့ချန်ရဲ့ လက်ထောက်တစ်ယောက်ဖြစ်တဲ့ ချီရှန်ကတော့ မမှားနိုင်လောက်ဘူး။

ဒါဆို ဟော်ပေ့ချန်က တကယ်ပဲ တခြားတစ်ယောက်ကို ချစ်နေတာပေါ့။

နင်မုန့်ရဲ့ လှပတဲ့ မျက်ခုံးတွေက တွန့်ကျုံ့သွားသည်။ မျက်လုံးထောင့်က ဖြည်းဖြည်းချင်း ရဲလာပြီး နှုတ်ခမ်းတို့က အနည်းငယ် တုန်ယင်လာ၏။ သူမ ပုံစံက မယုံကြည်နိုင်သည့်ပုံ ပေါ်နေသည်။

သူမတို့ရဲ့ လက်ထပ်ပွဲက လူချမ်းသာ အသိုင်းအဝိုင်း မိသားစုတွေကြား စီစဉ်တဲ့ လက်ထပ်ပွဲသာဖြစ်တာမို့ သူမတို့ နှစ်ယောက်ကြားမှာ အချစ်ရှိမှာ မဟုတ်ဘူးဆိုတာ သိလေသည်။

သူမတို့ နှစ်ယောက်ကြား မညီမျှတဲ့ အရာတွေ ရှိနေ၏။

ဘယ်လိုပဲဖြစ်ဖြစ် သူက စီးပွားရေး ခရီးမထွက်ခင် သူမကို အိမ်ပြန်လာဖို့ မေးလာခဲ့သည်လေ။

ကျန်းရှန့်မေက မကြာခင်မှာ ပြန်ထွက်လာပြီး ဘာမှ မပြောနိုင်သေးခင် နင်မုန့်က မတ်တပ်ရပ်လိုက်ကာ "ငါ အခု ပြန်တော့မယ်"

ပြီးနောက်မှာတော့ ကမန်းကတန်း ထွက်သွားလေတော့၏။

ကျန်းရှန့်မေက ရှုပ်ထွေးစွာနဲ့ပဲ သူမကို အော်ပြောလိုက်သည်။ "ဒါပေမယ့် ငါ ၂ပွဲမှာပြီး သွားပြီလေ! တကယ်လို့ နင်သွားမယ်ဆို ငါ့ပိုက်ဆံတွေက အလဟဿ ဖြစ်သွားလိမ့်မယ်"

ထိုအခါ နင်မုန့်က သူမဆီသို့ ပြန်လာလေသည်။

ကျန်းရှန့်မေက စိတ်သက်သာရာ ရစွာနဲ့ သက်ပြင်းချလိုက်ပြီး "အဲ့လိုပဲ ဖြစ်သင့်တာ။ အရင်ဆုံး သေချာ စားဦး။ ပြီးတော့ ယောက်ျား တစ်ယောက်သာသာပဲ သူတို့ကြောင့်နဲ့ ငါတို့တွေ ဒေါသမထွက်သင့်ဘူး!"

နင်မုန့်က သရော်လိုက်သည် "ဒါဆိုရင် အစပိုင်းတုန်းက ရည်းစားနဲ့လည်း ပြတ်ရော အရူးလို ငိုယိုနေခဲ့တဲ့သူက ဘယ်သူများလဲ?"

ကျန်းရှန့်မေ ရှော့ရသွားသည်။

သူမ ပြောလိုက်၏။ "အခုချိန်မှာ နင်အဲ့ဒါကို မပြောစမ်းပါနဲ့! ပြီးတော့ နင် အခုပြန်လာတာ ငါနဲ့ စားဖို့ မဟုတ်ဘူးလား?"