[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

114[U&Z]

[Unicode]

နင်မုန့်ကတော့ နိုးလာတဲ့အချိန်မှသာ ထလိုက်သည်။ ဖုန်းကို ယူကြည့်လိုက်တော့ ဟော်ပေ့ချန်က စာပို့ထားတာ တွေ့လိုက်ရသည်။: [Good Morning.jpg]

ပုံထဲမှာ ချစ်ဖို့ကောင်းတဲ့ ကာတွန်းကောင်လေးက နှုတ်ဆက်နေတာ ဖြစ်ပြီး ထိုကောင်လေးက သူမ ညက ပို့ခဲ့တဲ့ တူညီတဲ့ GIF seriesတွေထဲက ဖြစ်သည်။

"??"

သူမက ရှော့ရသွားသလို "ဒီနေ့ ဘော့စ်က စိတ်ဆိုးနေတာလား?" WeChat groupကို ဖွင့်လိုက်သည်။

နင်မုန့် : [ဘုရင်ကြီးချန်ရဲ့ WeChatအကောင့်က hackခံ ထားရတာလား]

စုယွဲ့ : [မဖြစ်နိုင်ဘူး။ ဘော့စ်ရဲ့ ဖုန်းကို ဖွင့်ဖို့ဆို passwordလိုသေးတယ်]

ချီရှန် : [ဘော့စ်ဖုန်း hackခံထားရလားဆိုတာ ငါလည်း မနေ့ညတည်းက သိချင်နေတာ။ GIFတချို့ ပို့ပေးဖို့ပါ ငါ့ကို မေးလာတာ။ နင်တို့ ယုံနိုင်ကြရဲ့လား]

စုယွဲ့ : [ရှာကြည့် ဖြစ်လား]

ချီရှန် : [ငါလည်း အဲ့တုန်းက အလုပ်များနေတာနဲ့ ဖေးပိုင်ကို ကူပြီး ရှာကြည့်‌ပေးဖို့ မေးလိုက်တယ်]

စုယွဲ့ : [ပြီးတော့ရော?]

ချီရှန် : [သူ နည်းနည်းတော့ တွေ့ခဲ့တယ်]

ချီရှန်က GIFတွေ ၅,၆‌ခု ပို့လာပြီး အကုန်လုံးက [kill.jpg]တွေ ဖြစ်သည်။

တချို့ပုံတွေက ဓားတွေ ကိုင်ထားကြပြီး တချို့ကတော့ ချောက်ကမ်းပါး စွန်းမှာ ရပ်နေတာဖြစ်ပြီး အကုန်လုံးက နှလုံးထိတ်လန့်ဖွယ်ရာတွေသာ ဖြစ်သည်။

နင်မုန့် : […]

သူ့ အကောင့်က hackခံထိထားတာ မဟုတ်ဘူးဆိုတာ သူမ အတည်ပြီးတဲ့အခါ နင်မုန့် စာပြန်လိုက်သည် : [မောနင်း ယောက်ျား! ကျွန်မနိုးပြီး မကြာခင်မှာ ရှင့်စာကို တွေ့တာပဲ! ဒီနေ့က နေ့ကောင်းလေး ဖြစ်လာတော့မှာပဲ!]

အနည်းငယ် ထူးဆန်းသလို နင်မုန့် ခံစားလိုက်ရသည်။ ဟော်ပေ့ချန်က ဘယ်အချိန်တည်းက သူမနဲ့ WeChatမှာ အခုလိုမျိုး စကားပြောဖြစ်သွားရတာလဲ။ သူ အိမ်မှာ ရှိမနေရင်တောင် သူမ အနေနဲ့ တက်တက်ကြွကြွ ရှိနေပေးဖို့လိုတယ်!