ရှဲ့စန်း ဆိုဖာပေါ်ထိုင်ပြီး စဥ်းစားနေမိတယ်။ Plant system မှာ အပင်မရှိတော့ဘူး။ အပင်လိုချင်ရင် ကျေးဇူးတင်တာကနေရတဲ့ ကျေးဇူးစွမ်းအင် ကျေးဇူးတင်စိတ်ကို အရင်စုဆောင်းရမယ်။ တခြားလူတွေဆီကရတဲ့ ကျေးဇူးတင်စိတ် စွမ်းအင်ကို သူကတစ်ဆင့် systemကို ပို့ပေးရမယ်။ ရှဲ့စန်း systemကို ရခဲ့တဲ့ဘပထမဆုံးအချိန်ကို သူမှတ်မိသေးတယ်။ အက်ဒမ်(system)က ပြောခဲ့တယ်၊
'မတူညီတဲ့လူတွေက မတူညီတဲ့စိတ်ဆန္ဒတွေ ရှိကြပြီး ၁ ကနေ ၁၀ အထိ မတူညီတဲ့တန်ဖိုးရှိတဲ့ ကျေးဇူးတင်စိတ် စွမ်းအင်ကို ပေးကြတယ်။ '
ကမ္ဘာပျက်ပြီးတဲ့နောက်မှာ အခြားလူတွေရဲ့ ကျေးဇူးတင်စိတ် စွမ်းအင် ဘယ်လောက်ရှိတယ်ဆိုတာကို သူမြင်နိုင်ခဲ့တယ်။ သူ့ကိုယ်တွေ့အရ သူကောင်းမွန်တဲ့အလုပ်၊ကောင်းမွန်တဲ့အပြုအမူ တစ်ခုလုပ်ခဲ့ရင် မတူညီတဲ့သူတွေဆီက မတူညီတဲ့ စွမ်းအင်တွေရနိုင်တယ်။
အရင်တုန်းက သူ စွမ်းအင် ၁၀ခု စုဆောင်းနိုင်ရင် သူအပင်တစ်ပင် ရတယ်။ အခု သူ အက်ဒမ်(system)ရဲ့ အသံကို မကြားရတဲ့အပြင် systemရဲ့ မျက်နှာပြင်ကိုလည်း ကြည့်လို့မရဘူး။ အဲ့ဒါကြောင့် သူပထမဆုံးအပင်ကို စွမ်းအင် ၁၀ခုတည်းနဲ့ ရဖို့ မသေချာဘူး။
သူအခုလုပ်ရမှာက စွမ်းအင်ကို အကောင်းဆုံးစုဆောင်း ရမယ်။ သားရဲဂြိုလ်မှာ သားရဲအမွေ ဆက်ခံနိုင်တာက အကောင်းဆုံးပဲ။ Plant system ရှိတာက သူ့အတွက်စားနိုင်ရုံမကဘဲ တိုက်ခိုက်ရေးမှာလည်းသုံးလို့ရတယ်။ အပင်တစ်ပင်ရတာက သူ့ရဲ့ တိုက်ခိုက်မှုစွမ်းရည် တစ်ခုတိုးတာနဲ့တူတယ်။
ကမ္ဘာပျက်ကာလမှာ ကြုံခဲ့တဲ့ အတွေ့အကြုံအရ သူ့ကိုယ်သူ သန်မာလာအောင် ကြိုးစားဖို့လိုတယ်။ အကယ်၍ အပင်များများ စုဆောင်းနိုင်ခဲ့ရင် အဲ့ဒီ့အချိန်က ဖုတ်ကောင်ခွေးကို သတ်ပစ်နိုင်လောက်တယ်။
သားရဲဂြိုလ်မှာက အစားအစာအရင်းအမြစ် မလုံလောက်ဘူး။ တကယ်လို့ သူအပင်များများ စုဆောင်းနိုင်ခဲ့မယ်ဆိုရင် အနာဂတ်မှာ နေ့တိုင်း အသားတစ်မျိုးတည်း စားစရာမလိုတော့ဘူး။ အဲဒါက အသီးအရွက်ချည်းပဲ စားရတာထက်လည်း ပိုကောင်းတယ်။ သူအသီးအရွက်စားနိုင်တဲ့အပြင် ရောင်းပြီး ပိုက်ဆံရှာလို့ရသေးတယ်။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...