Chapter 66 :ပါတနာ အသစ်များ
လောင်ထန်း နှင့် ဟောင်ဖန်းတွင် သင်္ဘောနှစ်စင်း ရှိသည်။ ရွှယ်ယွဲ့ နှင့် တာ့ဟေး တို့က သူတို့ရဲ့ ဆက်နွယ်နေရာတွေထဲသို့ အထည့်ခံထားရပြီး နေရာယူထားခြင်းမရှိတာကြောင့် စပါးအုံးမြွေကြီး နှင့် သံချပ်ကာသားရဲကြီးသာ သင်္ဘောပေါ်တွင် ရှိကာ လှည့်ပတ်ရန် နေရာများပင် ရှိနေသေးသည်။
ညနေ ၈နာရီတွင် သင်္ဘောသည် ဘရန့်ဒ်ဂြိုလ်ရဲ့ အာကာသစခန်း သို့ အချိန်မှန် ဆင်းသက်ခဲ့သည်။ စပါးအုံးမြွေကြီးနှင့် သံချပ်ကာသားရဲကြီး ပေါ်လာသည်နှင့် တပြိုင်နက် သူတို့က ချက်ချင်းပဲ အာရုံစိုက်ခံလိုက်ရသည်။
ကံကောင်းစွာနဲ့ပဲ ရှဲ့စန်း က စွင်းမောင်း ကို ကြိုတင် ဆက်သွယ်ခဲ့ပြီး ကျင်းကျန် က သူတို့ကို ခေါ်ဖို့ လွန်းပျံယာဉ်ကြီး ကို စေလွှတ်ခဲ့သည်။
ကြည့်ရှုသူတွေကြောင့် စိတ် ကသိကအောင့် ဖြစ်သွားတဲ့ သူတို့၂ကောင်အား ငြိမ်သက်စေခဲ့ပြီး လွန်းပျံယာဉ်ကြီးပေါ်သို့ တက်ကာ လိုက်ပါသွားရန် ညွှန်ကြားထားသောကြောင့် လူအုပ်ရဲ့ မြင်ကွင်းမှ အမြန် ပျောက်ကွယ်သွားခဲ့သည်။
ဟောင်ဖန်း က သူ့မှာ ဆက်နွယ်သားရဲတွေ ကို ဂရုစိုက်စရာရှိတာ မြင်တော့ နှုတ်ဆက်သွားပြီး လောင်ထန်းက ရှဲ့စန်း နဲ့ မိုင်နဲတို့ အနောက် လိုက်ကာ ကျင်းကျန်သို့ လိုက်သွားခဲ့သည်။
မိနစ်၂၀ ကြာပြီးနောက် ရှဲ့စန်း က စပါးအုံးမြွေ သားရဲနှင့် ဧရာမ သံချပ်ကာသားရဲ ကို ဇုန် 4-5 သို့ ခေါ်ဆောင်လာခဲ့သည်။ သူတို့ ဝင်လာတဲ့ အချိန်မှာ ဧရာမ ကျားသစ်နက်ကြီး က liveကို ပိတ်ရန် အသင့် ဖြစ်နေပြီး ထောင့်သို့ သွားနေသည်။
ကြည့်ရှုသူတွေ က ရှဲ့စန်း နှင့် သူ့အနားရှိ ဆက်နွယ်သားရဲ နှစ်ကောင်ကို တွေ့လိုက်ရတဲ့ အခါ ချက်ချင်း စိတ်လှုပ်ရှားသွားကြသည်၊ ထို့ကြောင့် ဧရာမ ကျားသစ်နက်သားရဲကြီးက နံရံဆီသို့ လျှောက်လှမ်းလာသည် ကို တွေ့လိုက်ရသောအခါ လျှင်မြန်စွာရိုက်ပြီး live မျက်နှာပြင်ရှေ့တွင် အော်ဟစ်လိုက်ကြသည်။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...