Chapter 24 : အားနည်းချက်
ရှဲ့စန်း သူ့အတွေးနဲ့သူ ကြက်သေသေနေပြီး သူကိုယ်တိုင်တောင် စိတ်ရောဂါရှိနေပြီ ဟု ခံစားလိုက်ရသည်။ ဘယ်လိုဖြစ်ပြီးတော့ ယောက်ျားတစ်ယောက် အပေါ်မှာ ရှင်းပြလို့ မရတဲ့ အတွေးတွေ ရှိနေတာလဲ ? ယောက်ျားချင်း အတူတူကို တစ်ယောက်နဲ့ တစ်ယောက် နှိုင်းယှဉ်ပြီး မနာလိုတာ၊ သဝန်တိုတာတွေ မဖြစ်သင့်ဘူးလေ၊ မဟုတ်သေးဘူး၊ အဲ့ဒါ တဖက်လူက အရမ်း ကြည့်ကောင်းနေတာ ! သူ နေမကောင်းဖြစ်တာ မဟုတ်ဘူး။
"မင်း အခု ငါ့ မျက်စိရှေ့ကနေ ထွက်သွားလို့ မရဘူး " ဟု မိုင်နဲ က ပြောလိုက်ပြီး တံခါးနဲ့ ဝေးရာ အိပ်ရာနားကို ဆွဲခေါ်လိုက်သည်။
သူလွှတ်လိုက်တာနဲ့ ရှဲ့စန်းက ချက်ချင်းလှည့်လိုက်ကာ သူ့လက်ကောက်ဝတ်ကို ဆုပ်ကိုင်ဖို့ ညာလက်ကို ဆန့်ထုတ်လိုက်သည်၊ တကယ်လို့ သူ့ကို ကိုင်ထားတဲ့ လက် က ဘောင်းဘီကို ပြောင်းကိုင်လိုက်မယ်ဆိုရင် သူ လွတ်သွားလိမ့်မယ်။
ရှဲ့စန်း က သူတို့ရဲ့ ခွန်အားကွာခြားချက်ကို တွေးပြီး မိုင်နဲ ကို ကြောက်တဲ့အတွက် ဘယ်လက်ကိုဆန့်ပြီး သူ့လက်မောင်းကို လက်နှစ်ဖက်နဲ့ ဆုပ်ကိုင်လိုက်သည်။
သူ ခေါင်းမော့လိုက်သည်။ သူနဲ့ မိုင်နဲ တစ်ယောက်ကို တစ်ယောက် ကြည့်လိုက်သည်။ သူ့မေးစေ့အောက်ကို မကြည့်ဖို့ စိတ်ပိုင်းဖြတ်ထားပြီး ရိုးသားတဲ့ မျက်နှာနဲ့ ပြောလိုက်သည်။
" အဆောက်အဦးပေါ်က ခုန်ချပြီးကတည်းက အဲဒါကို စဉ်းစားပြီးသွားပြီ။ နေရောင်ခြည်တွေ တောက်ပနေသလိုမျိုး ငါ့ စိတ်ပိုင်းဆိုင်ရာ က အရမ်းကောင်းတယ်။ အရမ်းပျော်စရာကောင်းတဲ့ဘဝနဲ့ နေနေတယ်။ သတ်သေဖို့ စိတ်ကူး မရှိဘူး၊ မနေ့က ပြုတ်ကျတာက မတော်တဆမှုတစ်ခုပါပဲ။ အိပ်ရာထချိန်မှာ ကြွက်တက်ခဲ့တာ၊ အခုဆေးကလည်း ထုတ်ကြည့်ရုံပဲ မသောက်ပါဘူး
မိုင်နဲ က သူ့မျက်နှာကို ကြည့်လိုက်သည်။ ရှဲ့စန်း သူ့မျက်လုံးတွေ ဖွင့်လိုက်ပြီး သူတို့ကို ကြည့်ခွင့်ပေးလိုက်သည်။ သူ့မျက်လုံးတွေကို မမှိတ်ခဲ့ဘူး။ သူ့မှာ အပြစ်ရှိတယ်လို့ လုံးဝ မခံစားရပါဘူး။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...
