" Knock, knock, knock " ဒုတိယအကြိမ် တံခါးအပြင်မှာ တိတ်ဆိတ်သွားပြီး ကျယ်လောင်တဲ့ တံခါးခေါက်သံတွေနဲ့ ဆူပူကြိမ်းမောင်းသံတွေ ထွက်ပေါ်လာခဲ့သည် ။
" ရှဲ့စန်းးးးးး နင်က ကြီးလာတော့ သတ္တိရှိလာတယ်ပေါ့ ငါတို့ရှေ့မှာတောင် တံခါးကို ပိတ်ရဲတယ်ပေါ့ "
ရှဲ့စန်းနောက်လှည့်ပြီး အခန်းထဲပြန်သွားတော့မယ့်အချိန်မှာ သူ့နာမည်ခေါ်သံကြားလိုက်ရသည်။ သူစဥ်းစားလိုက်ပြီး တံခါးပြန်ဖွင့်လိုက်သည်။ လူကြီးနှစ်ယောက်ရဲ့ မည်းမှောင်နေတဲ့မျက်နှာကို ဂရုမစိုက်ပဲ ယဥ်ကျေးစွာမေးလိုက်သည် ။
" ခင်ဗျားတို့က ဘယ်သူတွေလဲ မေးလို့ရမလား "
" ငါတို့က ဘယ်သူလဲလို့ နင် တကယ် မေးတယ်ပေါ့ " အရပ်ပုတဲ့လူရဲ့အသံက ပိုကျယ်လောင်လာပြီး
" ငါ့သားနဲ့ ချွေးမက နင့်ကိုအရွယ်ရောက်အောင် ကျွေးမွေးလာတာလေ၊ အခု သူတို့မရှိတော့ဘူးဆိုတော့ နင်က ငါတို့ကို မသိချင်ယောင်ဆောင်နေပြီပေါ့ ၊ဟုတ်တယ် မဟုတ်လား ? "
ရှဲ့စန်းကို လက်ညှိုးထိုးပြီး " နင်က မြေခွေးလိုလူမျိုးဆိုတာ ငါသိခဲ့တယ်၊ တကယ်လို့ ငါသေသွားမယ်ဆိုရင်တောင် သူတို့ နင်ကိုမွေးစားဖို့ ခွင့်တောင်းတဲ့အချိန် ခွင့်မပြုပဲ နေလိုက်ရမှာ "
သူက ခဏလေးတောင် အသက်မရှူပဲ အသံပြောင်းလိုက်ပြီး " ပထမ၂နှစ်မှာတော့ လူကောင်းလေးလို သရုပ်ဆောင်ခဲ့ပြီး အခု ဘွဲရတော့မယ်ဆိုတော့ အတောင်စုံလာပြီး ငါတို့ကိုတောင် မမြင်နိုင်တော့ဘူးပေါ့ "
သူ့ လက်ညှိုးကို ရှဲ့စန်းခန္ဓာကိုယ်ကနေ အိမ်ကိုပြောင်းထိုးလိုက်ပြီး
" နင် အခုနေနေတဲ့ အိမ်က ဘယ်သူ့အိမ်လဲဆိုတာ နင်သိရဲ့လား၊ နင်က အတောင်စုံသွားပြီဆိုတော့ နင် အထုပ်ပြင်ပြီး မြန်မြန်ထွက်သွား ၊ငါတို့က နင့်ကို ဆက်ပံ့ပိုးပေးစရာအကြောင်းမရှိဘူး "
ရှဲ့စန်း သူ့ရဲ့ကျိန်ဆဲနေတာတွေ နားထောင်ရတော့ နားကို ပိတ်ပြီးသာ နေလိုက်ချင်တော့သည် ။အခု ဒီလူတွေက ဘယ်သူလဲဆိုတာ သိသွားပြီးတဲ့နောက်မှာ အရင် ခန္ဓာကိုယ်ပိုင်ရှင်ကြောင့် တိတ်တိတ်လေးနေပြီး နားထောင်နေလိုက်သည် ။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...