Chapter 109: လက်ထပ်ပွဲ
ရှဲ့စန်း ဆိုဖာပေါ်တွင် ထိုင်လိုက်သည်။ သူ့နှလုံးသား က ပြင်းပြင်းထန်ထန် ခုန်နေသည်။ သူ့လက်တွေ ကို ဒူးပေါ်တင်ကာ လက်သီး ဆုပ်ထားသည်။ သူ့မျက်လုံးတွေ က တံခါးကို တည့်တည့် စိုက်ကြည့်နေငည်။
ပိုင်ကျောင်း က တံခါးဆီကို လျှောက်သွားပြီး သူ့ကို စိတ်ချလက်ချ ဖြစ်အောင် ပြုံးပြပြီး တံခါးကို ဖွင့်လိုက်သည်။
ဝမ်းသာအားရ အော်သံတွေနဲ့ အခန်းထဲ ဝင်လာသည်။မိုင်နဲ က ရှေ့ဆုံးတွင် ရပ်နေပြီး လောင်ထန်း၊ ဟောင်ဖန်း ၊ မုလင်း နဲ့ ကုလျှို တို့က အကောင်းဆုံး အမျိုးသားအဖွဲ့ကဲ့သို့ ဖြစ်နေသည်။
ရှဲ့စန်းရဲ့ အာရုံ အားလုံး ကို သူနဲ့ ဆင်တူ အဖြူရောင်ဝတ်စုံ ကို ဝတ်ဆင်ထားတဲ့ မိုင်နဲ က ဆွဲဆောင်သွားခဲ့သည်။ ဝတ်စုံကို ပြီးပြည့်စုံစွာ ချုပ်ထားပြီး မိုင်နဲရဲ့ အရပ်ရှည်တဲ့ အသွင်အပြင် ကို အပြည့်အ၀ ပြသထားသည်။ ဝတ်စုံ အတွင်းပိုင်းရှိ ကော်လာမြင့် ရှပ်အင်္ကျီ က ကြော့ရှင်းပြီး မွန်မြတ်တဲ့ ပုံစံဖြင့် ရှိနေသည်။
ရှဲ့စန်း က သူ့ကို နှုတ်ဆက်ဖို့ အတွက် ထဖို့ စဉ်းစားနေပေမယ့် မိုင်နဲ က သူ့ရှေ့မှာ ရပ်ပြီး ဒူးတစ်ဖက် ထောက်ချလိုက်သည်။ ရှဲ့စန်းသည် မိုင်နဲ မျက်လုံးတွေ အထဲ က အပြုံး ကို ရှင်းရှင်းလင်းလင်း မြင်လိုက်ရသည်။
"စိတ်လှုပ်ရှားနေတာလား?"
မိုင်နဲ က သူ့လက်ကို ကိုင်လိုက်ပြီး လက်ခုံ ကို နမ်းလိုက်သည်။
"အရာ အားလုံးကို ကိုယ်နဲ့ လွှဲထားလိုက်ပါ။ စိတ်ပူမနေပါနဲ့"
နမ်းပြီးနောက် မိုင်နဲ က ထရပ်ပြီး အောက်ကို ငုံ့၍ ကောက်ချီကာ ထွက်လာခဲ့သည်။
သူက မိုင်နဲရဲ့ ပခုံး ကို ကိုင်လိုက်သည်။
"ကိုယ့်ဘာသာကိုယ် လမ်းလျှောက်လို့ မရဘူးလား"
မုလင်း က တံခါးနားကနေ ရယ်လိုက်သည်။ "အထီး က အမကို ကောက်ချီလိုက်တဲ့ အချိန် ခြေဖဝါး က မြေကြီးနဲ့ ထိသွားရင် သူ့အရည်အချင်း ကို မေးခွန်း ထုတ်ခံရလိမ့်မယ်''
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...
