လောင်ထန်း အထူးအဆန်းဖြစ်စွာ အာလူးနံရံများကို လှည့်ပတ်ကြည့်ရှုခဲ့ပြီး ရှဲ့စန်း ကို တောက်ပသော မျက်လုံးများဖြင့် ကြည့်လိုက်သည်။
"ဒီတဲက အရမ်းကောင်းတယ်၊ မင်းဘယ်မှာဝယ်တာလဲ? ငါလည်း ဝယ်ချင်တယ်"
မိုင်နဲ က ရှဲ့စန်း ကိုကြည့်ပြီးနောက် လောင်ထန်း ကို ကြည့်ကာ သစ်ပင်ရဲ့ ပင်စည်ကို မှီပြီး စကားမပြောဘဲ အသက်မပြည့်သေးတဲ့ ကလေးတွေကို ကြည့်သလို ကြည့်လိုက်သည်။
ပိုင်ကျောင်း လည်း အာလူးနံရံ ကို ကြည့်နေသည်။ လောင်ထန်း ရဲ့ စကားကိုကြားတော့ သူက အသံထွက်ရုံ ရယ်လိုက်ပြီး
"ဒါက အထူး special ရောင်းတဲ့ ပစ္စည်းလေ၊ ဒီတစ်ခုတည်းပဲ ရှိတယ်"
(TN/N: စားဖို့နဲ့ တိုက်ဖို့ကလွဲလို့ မသိတဲ့ ၃နှစ်သားလေးကို ဝိုင်းလိမ်နေကြတယ် 🤣🤣🤣)"Wow,နှမြောစရာပဲ " လောင်ထန်း က နောင်တရနေပုံ ပေါ်သည်။
ပိုင်ကျောင်း သူ့နဖူးသူ ကိုင်ထားလိုက်သည်။ ဒီလူက ပြောသမျှ အရာအားလုံးကို တကယ်ယုံတာပဲ။
ရှဲ့စန်း မပြုံးနိုင်တော့ပေ။ လောင်ထန်း ပြန်ပေးဆွဲ မခံရဘဲ ကြီးပြင်းလာတာက အံ့ဖွယ်ပဲ။
အာလူးနံရံ ကာထားတဲ့နေရာက တဖြည်းဖြည်း တိတ်ဆိတ်သွားပြီး သစ်ကိုင်းတွေရဲ့ အက်ကွဲသံတွေသာ ကြားရပေမယ့် တောထဲမှာတော့ သားရဲတွေနဲ့ ပြည့်နေကာ ထူးဆန်းပြီး သက်တောင့်သက်သာ ရှိနေပုံရသည်။
မကြာမီ အချိန်တွင် သစ်ပင်၏ပင်စည်ကို မှီနေသော မိုင်နဲနှင့် လောင်ထန်း တို့သည် အရင် မျက်လုံးပွင့်လာကြသည်။ သူတို့၏ မျက်လုံးများသည် တောက်ပနေခဲ့သည်။ မအိပ်ခဲ့ကြဘူးဆိုတာ သိသာပေသည်။ သားရဲတို့၏ ဟိန်းဟောက်သံနှင့် လူတို့၏အော်သံများသည် ညာဘက်မှ ထွက်ပေါ်လာသည်။ တဖြည်းဖြည်း ကျယ်လောင်လာပြီး ပြေးလာတဲ့ ခြေသံတွေကိုတောင် ကြားနေရသည်။
နောက်ဆုံးတွင် ဖရိုဖရဲ ခြေလှမ်းများက အာလူးတဲ၏ ညာဘက် အနီးအနားတွင် ရပ်သွားခဲ့သည်။ အာလူးနံရံတစ်လျှောက်တွင် လေးလံသော အော်ဟစ်သံနှင့် ဝံပုလွေ အူသံများကို ကြားနေရသည်။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...