အားမုံ့ရဲ့ ဘဝင်မြင့်နေတဲ့ အကြည့် ပျောက်သွားပြီး စိတ်လှုပ်ရှားစွာနဲ့ ဆက်နွယ်သားရဲ ခေါင်းကို ပွတ်ပေးလိုက်သည်။ ဝံပုလွေခွေး က အီသံပေးပြီး သူ့ကို ပြန်ပွတ်သပ်လာခဲ့သည်။ သူ့မျက်လုံးနဲ့ နှာခေါင်းက ရဲနေပြီး သူ့ကြည့်ရတာ အရမ်း သနားစရာ ကောင်းနေသည်။
"မင်းကများ အဆိပ်ခပ်ရဲတယ်ပါ့ " အားမုံ့ ရှဲ့စန်းကို ကြည့်ကာ ဒေါသတကြီးနဲ့ အော်ဟစ်လာခဲ့သည်။
" အဲ့ဒါက အဆိပ် မဟုတ်ဘူး ဒါပေမယ့် မြန်မြန် မလုပ်ဘူးဆိုရင် အချိန်ကြာလာတာနဲ့ ပိုပြီး နေရခက်လာလိမ့်မယ် " ရှဲ့စန်း ရှင်းပြလိုက်သည်။
အားမုံ့ ချက်ချင်း မေးလိုက်သည်။ " အဲ့ဒါကို ဘယ်လိုလုပ်ရမလဲ? "
ရှဲ့စန်း ပြန်မဖြေဘဲ မေးလိုက်သည်။ " ငါတို့ တိုက်လို့ ပြီးသွားပြီလား? "
အားမုံ့ ပြန်မဖြေချင်ပေမယ့် ဆက်နွယ်သားရဲနဲ့ သခင်ကြားမှာ ဆက်နွယ်မှု အနည်းအကျဥ်း ခံစားလို့ရနိုင်သည်။ ဆက်နွယ်သားရဲ က အရမ်း နေရခက်နေတာ ကို သူ ခံစားလို့ရနေခဲ့သည်။ သူ အံကြိတ်လိုက်ပြီး ခေါင်းညိတ်လိုက်သည်။
" အင်း မင်း နိုင်သွားပြီ၊ နေရခက်တာ ပျောက်အောင် ဘယ်လိုလုပ်ရမလဲ ငါ့ကို ပြောပါ "
"သူ့ကို ရေကူးဖို့ ခေါ်သွား။ မှတ်ထားရမှာ က ရေထဲ ခေါင်းနှစ်ထားပြီး ရေ မြန်မြန် ကူးရမယ်၊ အဲ့ဒီလို ရေခဏကူးပေးပြီးရင် အေးတဲ့ လိမ်းဆေး ကို ရေသုတ်ပြီးရင် လိမ်းပေးလိုက် "
အားမုံ့ က ဆက်နွယ်သားရဲ ကို နေရာလွတ်ထဲ ဝင်ခိုင်းလိုက်ပြီး နောက်လှည့်ကာ စင်ပေါ်ကနေ ဆင်းသွားခဲ့သည်။
ကြည့်နေတဲ့လူတွေ က သူ့မျက်နှာမှာ ဒေါသတွေ ပြည့်နေတာ မြင်တော့ မြန်မြန် လမ်းဖယ်ပေးလိုက်ကြသည်။ အားမုံ့ တိုက်ပွဲ ဧရိယာ က ထွက်သွားတာနဲ့ လူတစ်ယောက် က ရှဲ့စန်း ကို ချက်ချင်း မေးလိုက်သည်။
"မင်း ဘေးနား က အရာက ဘာကြီးလဲ? "
ရှဲ့စန်း ငရုတ်ပင် ကို ပြန်သိမ်းလိုက်ပြီး ပြုံးကာ ပြန်မဖြေပဲနေလိုက်သည်။ မိုင်နဲ ရပ်ခဲ့တဲ့နေရာ ကြည့်လိုက်တော့ ဘယ်သူမှ မရှိတော့ဘူး။ သူ ဘယ်အချိန်က ထွက်သွားတာလဲ မသိလိုက်ဘူး။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...