" အယ်.... မင်း ဘာဖြစ်နေတာလဲ နဂါးပျံသားရဲက မိုက်တယ် မထင်ဘူးလား "
လောင်ထန်း က ရှဲ့စန်း ဘာမှမပြောဘဲ ရပ်နေတာ တွေ့တော့ သူ့ပုခုံး ကို ပုတ်ပြီး မေးလိုက်သည်။
ရှဲ့စန်း အသိပြန်ဝင်လာပြီး ခေါင်းအကြိမ်ကြိမ် ညိတ်လိုက်သည်။ " မိုက်တယ် "
သူ တောက်ပစွာ ပြုံးနေတဲ့ လောင်ထန်း ကို ရှုပ်ထွေးစွာ ကြည့်လိုက်သည်၊ လောင်ထန်းနဲ့ စာအုပ်ထဲ က MLနဲ့တော်တော် တူနေပေမယ့် မိုင်နဲ က.....
သူ စာအုပ်ကို အဆုံးထိ မဖတ်ရသေးပဲ ဗီလိန်ဘော့စ် ပေါ်လာတဲ့အချိန်မှာ ရပ်ထားခဲ့သည်။ အဲ့ဒီအချိန်မှာ လောင်ထန်း က ရှင်းချန် ကို စောင့်ရှောက်ဖို့ သန်မာနေပြီ ဖြစ်သည်။ သူက မိုင်နဲရဲ့ အစီအစဥ် ကို ဖျက်ဆီးလိုက်ပြီး နောက်ဆုံးမှာတော့ ဗီလိန်ဘော့စ် ကို အနိုင်ယူနိုင်ခဲ့သည်။
မိုင်နဲရဲ့ နှိုင်းယှဥ်မရနိုင်တဲ့ ချောမောမှု ကို စာရေးဆရာ က ပီပီပြင်ပြင် ပုံဖော်ခဲ့တာ ကို သူ ရှင်းရှင်းလင်းလင်း မှတ်မိပါသေးသည်။ စာအုပ်ထဲမှာရှိတဲ့ မိုင်နဲ က စာနာစိတ်မရှိတဲ့ နည်းဗျူဟာ၊ မှိုင်တွေနေတဲ့ စရိုက်တွေ ဝန်းရံနေတဲ့ လူဖြစ်ပေမယ့် သူ သိထားတဲ့ လူနဲ့ လုံးဝ မတူကွဲပြားနေသည်။
ပြီးတော့ မိုင်နဲ ကတ်စ်ရဲ့ ဆက်နွယ်သားရဲ က ခြင်္သေ့ပျံ ဖြစ်သည်။ MLလောင်ထန်းလိုမျိုး နှစ်ယောက်စလုံးက Sအဆင့် ဆက်နွယ်သားရဲသခင်တွေ ဖြစ်ကြတဲ့အချိန်မှာ လူချောလေးရဲ့ ဆက်နွယ်သားရဲကတော့ Aအဆင့် ဧရာမ ခြင်္သေ့သားရဲ ဖြစ်နေသည်။
သူ အထင်လွဲသွားတာ ဖြစ်နိုင်လောက်တယ်။ အားမုံ့ပြောတဲ့ မိုင်နဲကော့စ် က သူ သိထားတဲ့ လူချောလေး မဖြစ်နိုင်လောက်ဘူး မဟုတ်လား? ဒီမှာ ပရိသတ်တွေ အများကြီး ရှိနေပြီးတော့ မိုင်နဲ က လူချောလေးနဲ့ တူညီတဲ့ နေရာမှာ ရပ်နေလို့ အဲ့ဒါကြောင့် သူ သူတို့ကို မှားသွားတာ ဖြစ်နိုင်လောက်တယ်။
အဲ့ဒီလို တွေးမိတဲ့ နောက်မှာ စိတ်သက်သာစွာနဲ့ သက်ပြင်းချလိုက်သည်။ လူချောလေး က သူ ပထမဆုံး သိတဲ့ သူငယ်ချင်း ဖြစ်တဲ့အတွက် လူချောလေး ကို သားရဲဂြိုလ်ရဲ့ ဘေးအန္တရာယ် ကို ယူဆောင်လာမယ့် မကောင်းတဲ့လူ မဖြစ်စေချင်ဘူး။ သားရဲဂြိုလ် ကို ဂြိုလ်သားသားရဲတွေ ဝင်လာတဲ့အချိန်မှာ ကမ္ဘာပျက်ကပ်တုန်းကလိုပဲ ဘယ်နေရာသွားသွား၊ ဘယ်နေရာရောက်ရောက်၊ လူတွေက နေ့တိုင်း အကြောက်တရားနဲ့ ရှင်သန်နေခဲ့ကြရသည်။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...