Chapter 23: အထင်လွဲခြင်း
ရှဲ့စန်း မကြာခင်မှာပဲ အစာကျွေးတဲ့ဌာနနဲ့ အကျွမ်းတဝင် ဖြစ်လာခဲ့သည်။ သူ့အတွက် အံ့သြစရာ က ပုံမှန်ဆိုရင် ဆက်နွယ်သားရဲတွေကို အစာကျွေးတာကနေ စွမ်းအင်မရလောက်ဘူးလို့ သူတွေးထားခဲ့သည်။ သူဒီလောက်အထိရလိမ့်မယ် လို့ မမျှော်လင့်ထားခဲ့ချေ။
ဆက်နွယ်သားရဲ တစ်မျိုးစီတိုင်းမှာ အထူးသီးသန့် အစာကျွေးသူတွေ ရှိပြီး ထုံးစံအတိုင်း ဒီအလုပ်လုပ်ဖို့ အရည်အချင်းရှိကြပေမယ့် ဖြစ်စဥ်က အမြဲတမ်း တုန်လှုပ်ချောက်ချားနေပါသည်။ အမှန်မှာ၊ တိရစ္ဆာန်များသည် အစာကိုမြင်သောအခါ ဆင်ခြင်ဥာဏ်မရှိကြတော့ပေ။ ရှဲ့စန်း ၏အကူအညီဖြင့်၊ အစာကျွေးသည့်အလုပ်များသည် ပိုမိုလွယ်ကူလာပြီး ပိုမိုမြန်ဆန်လာကာ ဆက်နွယ်သားရဲများနှင့် တိုက်ခိုက်ရန် ၊ညှစ်ကစားခံရန် မလိုတော့ချေ။
ဒါကြောင့် အစာကျွေးသူတိုင်းက ရှဲ့စန်း ကို စွမ်းအင်ပြန်ပေးကြသည်။
ရှဲ့စန်း သည် အလုပ်မှထွက်လာသောအခါ စနစ် မှ စွမ်းအင်တန်ဖိုးကို ကြည့်ပြီး ကျေနပ်သောမျက်နှာဖြင့် ပြုံးလိုက်သည်။
စွင်းမောင်းက သူ့ကိုဒီလိုမြင်တော့ အံ့သြသွားခဲ့သည်။ အစာကျွေးခြင်းလုပ်ငန်း အထူးသဖြင့် B အဆင့် အထက် တိရိစ္ဆာန်များကို အစာကျွေးနေသော ရှဲ့စန်း အတွက် ရုပ်ပိုင်းဆိုင်ရာအလုပ်ဟု ယူဆလို့ရသည်။ အစားအစာပမာဏက အံ့ဩစရာဖြစ်ပြီး အစားအစာကို ကောက်ဖို့တောင် မလွယ်ပေ။
ရှဲ့စန်း ၏ပုံစံသည် အရပ်ရှည်သော အထီးများ ကြားထဲတွင် သေးငယ်လှသည်။ စွင်းမောင်းက ခံနိုင်ရည်ရှိမည်ဟု တွေးထားပေမယ့် နေ့ခင်းတိုင်း အလုပ်ရှုပ်နေသည့် ကြားထဲ တောက်ပစွာ ပြုံးနိုင်သေးမယ်လို့ မမျှော်လင့်ထားခဲ့ပေ။
စွင်းမောင်း သည် ရှဲ့စန်း ၏ ပခုံးကို ပုတ်ပြီး “ကောင်းလိုကောင်း လုပ်ခဲ့တာပဲ!”
ရှဲ့စန်း က ချက်ချင်းပဲ "ကျွန်တော် ဆက်ပြီး ကြိုးစားပါ့မယ်"
ရှဲ့စန်း က အလုပ်ပြီးတာနဲ့ တိုက်ခန်းကို တန်းတန်းမတ်မတ်ပြန်သွားခဲ့သည်။ ကျင်းကျန် သည် မိုင်နဲ ၏တိုက်ခန်းနှင့် သိပ်မဝေးပါ။ ပြန်ရောက်သွားတဲ့အချိန် ခြောက်နာရီမထိုးသေးဘဲ မိုင်နဲ က ပြန်မလာသေးပေ။ ညစာချက်ရန် မီးဖိုချောင်ထဲသို့ လှမ်းဝင်ကာ နုတ်နုတ်စင်းတဲ့ အသားတွေကို ယူလိုက်သည်။
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...