အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED

Chapter 73 : ရောက်ရှိခြင်း

Chapter 73 : ရောက်ရှိခြင်း

အကြံဥာဏ်ကောင်း အတွက် ဧရာမ ကျားသစ်သားရဲ ကို ဝိုင်းကာ ချီးမွမ်းနေသော သားရဲတွေကို ကြည့်ကာ ကောင်းကင်ကို ကြည့်ပြီး စကားမပြောဘဲ နေလိုက်သည်။ဒီဆက်နွယ်သားရဲတွေ က တကယ်ကို စမတ်ကျလွန်းသည်။ ဒီနေရာ က တော၊တောင် မဟုတ်ဘဲ၊ လူတွေရဲ့ မြို့တော်ဖြစ်သည်၊ ထို့ကြောင့် ဘယ်လိုလုပ် ရွေ့ပြောင်းရ လွယ်ကူမှာလဲ။ ဒီဆက်နွယ်သားရဲ အုပ်စု လမ်းပေါ် ရောက်သွားရင် သတင်းခေါင်းစဥ် ဖြစ်သွားစေလိမ့်မည်။

{"ဒါက အလုပ်မဖြစ်ဘူး"} ဟု လေးနက်စွာ ပြောလိုက်သည်။

{"ငါ လမ်းကို မှတ်မိနိုင်တယ် ဆိုတာ မင်း မယုံဘူးလား"}

ဧရာမ ကျားသစ်နက်ကြီး က စိတ်ပျက်လက်ပျက်ဖြင့် သူ့ကို ကြည့်နေသည်။

အစက်ကလေး က သူ့ခေါင်းနားကို ရောက်လာပြီး

{"အစ်ကိုက အရမ်း တော်တယ်။ သူ မှတ်မိမှာ သေချာတယ်!"}

ဧရာမ ကျားသစ်နက်ကြီး က {"မင်းဘာလို့ လိုက်မလာတာလဲ။ ငါတို့ နှစ်ယောက်စလုံးဆို သေချာ မှတ်မိလိမ့်မယ်"}

ရှဲ့စန်း ဆက်နွယ် သားရဲတွေက သူတို့ကိုယ် သူတို့ အမည် စာရင်းတင်သွင်းဖို့ ကြိုးစားတာကို ကြည့်ရင်း ငိုပြီး ရယ်လိုက်ချင်သည်။

{"ကျားသစ်နက်ကြီး ကို ငါ မယုံတာ မဟုတ်ဘူး။ ဆန့်ကျင်ဘက် အနေနဲ့၊ မင်းတို့အတွက် လမ်းမှတ်ရတာ ပြဿနာမရှိဘူး လို့ ငါ ယုံတယ်။ မင်းတို့ က ဆက်နွယ်သားရဲတွေ၊ မင်းတို့ လမ်းပေါ် ပေါ်လာရင် အာရုံစူးစိုက်မှု ကို ခံရလိမ့်မယ်။ အတူတူ သွားမယ်ဆိုရင် ယာဉ်ကြော ပိတ်ဆို့မှု ဖြစ်လိမ့်မယ်"}

ဧရာမ ကျားသစ်နက် သားရဲကြီး က ခေါင်းကို စောင်းလိုက်ပြီး {"ဒါဆို ငါတို့က သူတို့ အဝေးရောက်သွားအောင် ကြောက်ဖို့ကောင်းတဲ့ ဟိန်းဟောက်သံကို သုံးရမလား။ ငါတို့ကို ကြည့်ရမှာ ကြောက်လို့လား"}

{"မဟုတ်ဘူး၊"} ရှဲ့စန်း က သူ့လက်သည်းတွေ ကို ပွတ်သပ်လိုက်သည်။ အဲဒါက ပိုတောင် ဆိုးဝါးတဲ့ အကြံတစ်ခုပဲ။ တကယ်လို့ အဲဒီလို ဖြစ်ခဲ့ရင်၊ ဆက်နွယ်သားရဲတွေ က လူသားတွေကို တိုက်ခိုက်တယ် ဟု လူအများက ထင်ကောင်း ထင်နိုင်ပေလိမ့်မည်။