War Sovereign Soaring The Heavens(ကောင်းကင်မှာ ဝဲပျံမည့်စစ်ဘုရင်)
မူရင်းရေးသူ - Feng Qin Yang
ဘာသာပြန်သူ - Tai Luminous
အပိုင်း(၇၅၆) ရွေးချယ်မှု“ဒီအနှစ်သာရမှတ်ဉာဏ်အပိုင်းအစဆယ်ခုထဲမှာ လေအနှစ်သာရမှတ်ဉာဏ်အပိုင်းအစနှစ်ခု မီးအနှစ်သာရမှတ်ဉာဏ်အပိုင်းအစနှစ်ခု၊ မိုးကြိုးအနှစ်သာရမှတ်ဉာဏ်အပိုင်းအစနှစ်ခု၊ ရေအနှစ်သာရမှတ်ဉာဏ်အပိုင်းအစနှစ်ခုနဲ့ မြေအနှစ်သာရမှတ်ဉာဏ်အပိုင်းအစနှစ်ခုပါတယ်"
သွမ့်လင်းထျန်သည် အသံပို့လွှတ်ခြင်းကျောက်စိမ်းစလစ်မှတစ်ဆင့် လှေကားဆယ်ခုရှေ့တွင်ရှိသော ကျောက်တုံးစင်ပေါ်က သေတ္တာလေးများထဲတွင် ပါသောအရာကို သိလိုက်သည်။
နောက်ပိုင်း၌ အသံပို့လွှတ်ခြင်းကျောက်စိမ်းစလစ်ထဲမှ အသံထပ်မံထွက်ပေါ်လာသည်။“ဘယ်ဘက်ကနေ ညာဘက်ထိ အနှစ်သာရမှတ်ဉာဏ်အပိုင်းအစဆယ်ခုက လေအနှစ်သာရမှတ်ဉာဏ်အပိုင်းအစတွေ မီးအနှစ်သာရမှတ်ဉာဏ်အပိုင်းအစတွေ မိုးကြိုးအနှစ်သာရမှတ်ဉာဏ်အပိုင်းအစတွေ…"
ကျောက်စိမ်းစလစ်ထဲမှ စကားလုံးများသည် အနှစ်သာရမှတ်ဉာဏ်အပိုင်းအစများကို ခွဲပြလိုက်သည်။“အနှစ်သာရမှတ်ဉာဏ်အပိုင်းအစဆယ်ခုထဲမှာ အဆင့်အနိမ့်ဆုံးက ပထမအဆင့်တိုးမြှင့်အနှစ်သာရမှတ်ဉာဏ်အပိုင်းအစဖြစ်ပြီး အကောင်းဆုံးကတော့ ဆဌမအဆင့်တိုးမြှင့်အနှစ်သာရမှတ်ဉာဏ်အပိုင်းအစပဲ…မင်းရတဲ့အနှစ်သာရမှတ်ဉာဏ်အပိုင်းအစအဆင့်က မင်းရဲ့ ကံအပေါ်မူတည်တယ်"
အသံပို့လွှတ်ခြင်းကျောက်စိမ်းစလစ်ထဲမှ အသံသည် အနှစ်သာရမှတ်ဉာဏ်အပိုင်းအစဆယ်ခု၏ အဆင့်များကို အကြမ်းဖျင်းရှင်းပြလိုက်သည်။
အဆင့်အမြင့်ဆုံးမှာ ဆဌမအဆင့်တိုးမြှင့်အနှစ်သာရမှတ်ဉာဏ်အပိုင်းအစဖြစ်သည်။
ဆဌမအဆင့်တိုးမြှင့်အနှစ်သာရမှတ်ဉာဏ်အပိုင်းအစဆိုသည်မှာ အဘယ်ကဲ့သို့အရာနည်း…တခြားအရာများကိုမဆိုထားနှင့်ဦး…ပထမအဆင့်တွင် သွမ့်လင်းထျန်ရခဲ့သည့် ဓားအနှစ်သာရမှတ်ဉာဏ်အပိုင်းအစသည် တတိယအဆင့်တိုးမြှင့်အနှစ်သာရမှတ်ဉာဏ်အပိုင်းအစဖြစ်ပြီး ထိုအထဲတွင် ရှေးဦးချိုနဂါးလေးရာ၏ ခွန်အားပါ၀င်သည်။
နှိုင်းယှဉ်ရပါက ဆဌမအဆင့်တိုးမြှင့်အနှစ်သာရမှတ်ဉာဏ်အပိုင်းအစသည် ပို၍ကြောက်ဖို့ကောင်းပြီး ထိုအထဲတွင် ရှေးဦးချိုနဂါးခုနှစ်ရာ၏ စွမ်းအားပါ၀င်သည်။
၎င်းသည် ဓားအနှစ်သာရမှတ်ဉာဏ်အပိုင်းအစထက် အများကြီးပိုကောင်းသည်။
YOU ARE READING
ကောင်းကင်ကို ၀ဲပျံမည့် စစ်ဘုရင် (သွမ့်လင်းထျန်) Book 1
Adventureကောင်းကင်မှာ ပျံဝဲမည့် စစ်ဘုရင် War Sovereign Soaring The Heavens( ကောင်းကင်မှာ ဝဲပျံမည့် စစ်ဘုရင် ) မူရင်းရေးသူ - Feng Qin Yang ဘာသာပြန်သူ - Tai Luminous (သွမ့်လင်းထျန်) လင်းထျန်ဟာ ကြောက်မက်ဖွယ်ရာ လက်နက်ကျွမ်းကျင်သူ တစ်ဦးဖြစ်ရုံသာမက အတွင်းအား ကျ...