အပိုင်း(၈၇၆)ဒက်ခံမင်းဆက်သိုင်းပြိုင်ပွဲ၏ ပထမ
“ဟန့်…တကယ်လို့ မင်းအနာဂတ်မှာ နတ်ဆိုးကျင့်စဉ်ကိုကျင့်ကြံပြီးတဲ့နောက်မှာ သူ့ရဲ့ နတ်ဆိုးကျောက်ပြားနဲ့ ဖမ်းဆီးခံချင်တယ်ဆိုရင်တော့ မင်းလက်လျှော့လိုက်တော့"
အကြီးအကဲတစ္ဆေ၏ ချောက်ချားဖွယ်ရာ အသက်ကြီးရင့်သောအသံသည် ရုတ်တရက် ပေါ်လာသည်။ ကျီရှန့်၏ မျက်နှာပို၍ပင် အကျည်းတန်လို့သွားသည်။“ကျုပ် လက်လျော့မယ်လို့မပြောပါဘူး"
ကျီရှန့် အသံတိုးတိုးဖြင့်ပြောလိုက်သည်။“ဒါအကောင်းဆုံးပဲ…ဒါ့အပြင် မင်းနဲ့သူရဲ့ တိုက်ပွဲတွေမှာ ငါအရင်တုန်းကလို ၀င်ပါပေးလို့ရမှာမဟုတ်တော့ဘူး…သူ့ရဲ့ လက်ထဲက မပြည့်စုံတဲ့ နတ်ဆိုးကျောက်ပြားက ငါ့ကိုတန်ပြန်ပြီး ဖိနှိပ်နိုင်တယ်"
အကြီးအကဲတစ္ဆေ ဆက်ပြောလိုက်သည်။
“ဒါကြောင့်မလို့ မင်းသူ့ဆီက နတ်ဆိုးကျောက်ပြားကို သိမ်းယူဖို့ဆို မင်းကိုယ့်ဘာကိုယ်ပဲ အားကိုးလို့ရမယ်…ဒါပေမဲ့ ငါတိုက်ရိုက်၀င်ပါလို့မရဘူးဆိုပေမဲ့ မင်းရဲ့စွမ်းအား အလျင်အမြန်တိုးတက်လာအောင်တော့အကောင်းဆုံးကူညီပေးမှာပါ…တခြားဘာအတွက်မှ မဟုတ်ဘူး…သူ့ကိုသတ်ပြီး သူ့ဆီက မပြည့်စုံတဲ့နတ်ဆိုးကျောက်ပြားကိုယူဖို့သက်သက်ပဲ"“ကျေးဇူးတင်ပါတယ်…အကြီးအကဲတစ္ဆေ…ကျုပ်အကောင်းဆုံးကြိုးစားမှာပါ"
ကျီရှန့် အသက်ပြင်းပြင်းရှိုက်ကာ သဘောတူလိုက်သည်။“အကောင်းဆုံးကြိုးစားရမှာမဟုတ်ဘူး…မင်းသူ့ကိုသတ်ကိုသတ်ရမှာ…မင်းနတ်ဆိုးလမ်းစဉ်ကျင့်စဥ်ကို မကျင့်ကြံခင် အဲဒီနတ်ဆိုးကျောက်ပြားကျိုးအပိုင်းကို မင်းကိုသခင်အဖြစ်အသိအမှတ်ပြုနိုင်တာနဲ့ နတ်ဆိုးကျောက်ပြားထဲမှာ ချိတ်ပိတ်ထားတဲ့ မရေမတွက်နိုင်တဲ့ နတ်ဆိုးလမ်းစဉ်လျှောက်ကျင့်ကြံသူတွေရဲ့စွမ်းအင်တွေကိုအားကိုးပြီးတော့ မင်းရဲ့စွမ်းအားက တဟုန်ထိုးတိုးသွားလိမ့်မယ်…မင်းအတွက် နတ်ဆိုးလမ်းစဉ် လျှောက်ကျင့်ကြံသူအားလုံးရဲ့ ခေါင်းဆောင်တောင်မဖြစ်နိုင်တာမဟုတ်ဘူး"
တစ္ဆေမီးလျှံ ကျီရှန့်ကို ဆက်လက်သွေးဆောင်လိုက်သည်။ သူ၏ သွေးဆောင်မှုမှာ အလွန်ပြင်းထန်ကြောင်းသံသယရှိစရာမလိုပေ။
YOU ARE READING
ကောင်းကင်ကို ၀ဲပျံမည့် စစ်ဘုရင် (သွမ့်လင်းထျန်) Book 1
Adventureကောင်းကင်မှာ ပျံဝဲမည့် စစ်ဘုရင် War Sovereign Soaring The Heavens( ကောင်းကင်မှာ ဝဲပျံမည့် စစ်ဘုရင် ) မူရင်းရေးသူ - Feng Qin Yang ဘာသာပြန်သူ - Tai Luminous (သွမ့်လင်းထျန်) လင်းထျန်ဟာ ကြောက်မက်ဖွယ်ရာ လက်နက်ကျွမ်းကျင်သူ တစ်ဦးဖြစ်ရုံသာမက အတွင်းအား ကျ...