ဗီလိန်ရဲ့ လမ်းပြကြယ်

အပိုင်း (၇)

Unicode
အဖွားချောင်က အသားတစ်တုံးအတွက်နဲ့ တစ်ကယ့်ကို စိတ်ညစ်နေတယ်။ ပြီးတော့ သူက မကျေမချမ်းဖြစ်နေတဲ့ စိတ်နဲ့ပဲ ညနက်တဲ့ အထိ နေနေတယ်။ အတိအကျပြောရမယ်ဆိုရင် သူက အဖေချောင်ပြန်လာတာကို စောင့်နေတာပါ။ ဒါမှ သူမက သူ့ကို တိုင်တန်းလို့ရမှာလေ။

" အမေကတော့ ယွမ်အာလေးစားဖို့အတွက်ဆိုပြီး အသားကို အထူးစပယ်ရှယ်ဝယ်လာတာ။ အမေ သူမကိုပြောပါသေးတယ် ယွမ်အာလေးအတွက် နည်းနည်းချန်ထားဖို့ကို။ ဒါပေမဲ့ အခုတော့ ဘာမှမကျန်တော့ဘူး.... "

အဖေချောင်က မျက်မှောင်ကျုံ့လိုက်တယ်။ ပြီးတော့ အမေချောင်က မြန်မြန်ပြန်ပြောလိုက်တယ်။ " အမေကလဲ အဲ့တာအသားလေးတစ်တုံးပဲဟာ။ အဲ့တာကိုအမေက သူမက ရေခဲသေတ္တာထဲမှာ ရှိသမျှအကုန်စားလိုက်သလိုပြောနေသေးတယ်။ ကလေးတွေပဲ စားချင်မှာပေါ့။ စားခိုင်းလိုက်ပါ အမေကလဲ။ ဒါက သိပ်မရှိပါဘူး။ တစ်ခြားသူတွေကြားရင် ကျွန်မတို့ မိသားစုက အသားလေးတစ်တုံးတောင် မတက်နိုင်ဘူးလို့ ထင်နေပါဦးမယ်။ "

အဖွားချောင်ရဲ့ အဆုတ်တွေ စနာလာတယ်လို့ ခံစားလိုက်ရတယ်။ အမေချောင်ပြောချင်တာက သူမကပဲ ကဂျီကဂျောင်ကျနေတယ်လို့ ဆိုလိုချင်တာလား။

" ငါက ဒါကို ယွမ်အာ့အတွက် ဝယ်လာတာလေ!!! " အဖွားချောင်က စိတ်တိုတိုနဲ့ ထပ်ပြောလိုက်တယ်။

" အားယွမ်ရဲ့ အဖေက ဒီနေ့ဆိုင်မှာ သူ့ကို အရသာရှိတာတွေ လုပ်ကျွေးပါတယ်အမေရဲ့။ အမဲသားစားဖို့ အဲ့လောက် မရှားပါဘူး။ "

အမေချောင်ကလဲ ပြန်ပြောတယ်။ အဖေချောင်က တစ်ခုခု ပြောချင်ပေမဲ့ အမေချောင်ရဲ့စကားတွေကို ကြားလိုက်ရတော့ သူ့သားက ဒီနေ့ အစားကောင်းကောင်းစားခဲ့တာကို သတိရသွားတယ်။ အဲ့တော့ သူ့ရဲ့ စိတ်အခြေအနေကလဲ ချက်ချင်းပဲ ပြန်ကောင်းလာတယ်။

သူက စိတ်ကောင်းဝင်နေမလို့ အဖွားချောင်က ဘာမှလဲမဟုတ်တာကို ဇာချဲ့နေတယ်လို့ သူရုတ်တရက်ခံစားလာရတယ်။

ပြောရရင် အဖေချောင် ကပ်စီးကုပ်တယ်ဆိုတာက အဖွားချောင်ရဲ့ ၁၀ပုံ ပုံ၁ပုံတောင် မရှိသေးဘူးလေ။