ဗီလိန်ရဲ့ လမ်းပြကြယ်

အပိုင်း(၆၄)

Unicode
စာသင်နှစ်ဝက်ရောက်သွားတာမလို့ ချောင်လန်က အခုအချိန်မှာတော့ အဆောင်မှာ နေလို့ရတယ်။ ဒါပေမဲ့ သူမအခန်းထဲက အခန်းဖော်တွေနဲ့ တော့ တူတူမကျတော့ဘူးပေါ့။

အဲ့တာကြောင့် ချောင်လန့် အဆောင်အခန်းဖော်တွေက မတူတဲ့အခန်း ကျောင်းသူတွေပဲ ဖြစ်တယ်။ ပြီးတော့ သူတို့က အဆောင်မှာ ၂လ ၃လလောက် နေပြီးနေကြပြီ။

အဆောင်တစ်ခန်းမှာ ၈ယောက်နေရတယ်။ ချောင်လန် ပြောင်းလာတဲ့ အဆောင်အခန်းက၃ယောက်ပဲ ရှိသေးတယ်။ ကျန်တာတွေက လွတ်နေသေးတယ်။ ချောင်လန် အပါအဝင်ဆိုမှ အခုမှ၄ယောက်ပဲ ရှိသေးတယ်။

ချောင်လန်က ချောင်မိသားစုအိမ်ကိုပြန်ပြီး ဘာပစ္စည်းမှသွားမယူခဲ့ဘူး။ သူမအတွက် အဖိုးတန်တဲ့ ပစ္စည်းတွေကို သူမက အိမ်မှာ သိမ်းမထားဘူးလေ။ အိမ်မှာက အဝတ်အစားတစ်ချို့နဲ့ စာအုပ်တစ်ချို့ပဲ ရှိတာ။

အထက်တန်းကျောင်းသား ကျောင်းသူတွေက အချိန်တိုင်းနီးပါး ယူနီဖောင်းဝတ်နေရတာဆိုတော့ ဝတ်စရာ အဝတ်အစား အများကြီးမလိုဘူး။ အခုရာသီဥတုကလဲ နွေးလာပြီဆိုတော့ အင်္ကျီအထူကြီးတွေလဲ ဝတ်စရာမလိုတော့ဘူး။ သူမ အွန်လိုင်းကနေ ရှပ်အင်္ကျီတစ်ချို့နဲ့ တစ်ခြားလိုတဲ့ ပစ္စည်းတွေကို ဝယ်လိုက်ရင် ရပြီ။

သူမ ပြောင်းလာတော့ ပိတ်ရက်ဖြစ်နေတယ်။ အဆောင်မှာ ကောင်မလေးတွေ အများကြီးပဲ ရှိကြတယ်။

သူတို့အားလုံးက အထက်တန်းပထမနှစ်ကျောင်းသူတွေပဲ ဖြစ်တယ်။ သူတို့ထဲက တစ်ချို့က ချောင်လန့်ကို အပြင်မှာ မတွေ့ဘူးရင်တောင် သူမနာမည်ကို ကြားဖူးကြတယ်။ ဘာပဲပြောပြော စာမေးပွဲတိုင်းမှာ သူမနာမည်က ထိပ်ဆုံးအဆင့်တွေမှာ ရှိနေတာကိုး။ ချောင်လန်နဲ့ တစ်ခန်းထဲကျတဲ့ အဆောင်ခန်းက ကောင်မလေးတွေက သူတို့ရဲ့ အခန်းဖော်အသစ်က ချောင်လန်ဆိုတာလဲ ကြားလိုက်ရရော သူတို့လဲ ချောင်လန်လာမှာကို စောင့်နေကြတယ်။

အားလုံးမှာ ထိပ်တန်းကျောင်းသားကျောင်းသူတွေနဲ့ အဆက်အဆံလုပ်ချင်ကြတဲ့ စိတ်ရှိကြပေမဲ့ သူတို့အပေါ်ကို ဘက်လိုက်တဲ့အမြင်ကလဲ အမြဲတမ်းရှိကြတာပဲ။ ဥပမာပြောရရင် စာတော်တဲ့ ကလေးတွေက စာကြမ်းပိုးတွေ၊ သူတို့က ကောင်းကောင်း စကားမပြောနိုင်ကြဘူးလို့ထင်ကြတယ်။ မထင်မှတ်စွာပဲ တစ်နှစ်လုံးမှာ အကောင်းဆုံးအဆင့်တွေပဲ ရခဲ့တဲ့ ကောင်မလေးက တစ်ကယ်တော့ အရမ်းပြောရဆိုရလွယ်တဲ့သူ ဖြစ်နေခဲ့တယ်။