Unicode
ချောင်လန်နဲ့ တူတူထိုင်ရမဲ့ ချန်ယောင်းရန်ကတော့ ချောင်လန်ရဲ့ ဘယ်ဘက်ခြမ်းက ပထမဆုံးအတန်းရဲ့ အဖွဲ့၃မှာ ထိုင်တယ်။ စုန့်ယောင်က သူနဲ့တူတူထိုင်တာပေါ့။စုန့်ယောင်ရဲ့ ပါး၂ဖက်လုံးက နီရဲနေတာပဲ။ ပြီးတော့ သူမမျက်လုံးလေးတွေကလဲ ဝိုင်းစက်ပြီး အရည်လဲ့နေတယ်။ အရမ်းလှနေတာပေါ့။ ဒါပေမဲ့ ချန်ယောင်းရန်ရဲ့စိတ်အခြေအနေက ကောင်းမနေတော့ ဒါတွေကို မမြင်လိုက်ဘူးပေါ့။
သူခေါင်းကို လှည့်လိုက်တာနဲ့ ချောင်လန်ကို မြင်နေရတယ်။ သူမက ခေါင်းကိုငုံ့ထားပြီး လက်ထဲမှာလဲ ဘောပင်တစ်ချောင်းနဲ့ physics လေ့ကျင့်ခန်းစာအုပ်ထဲက စာတွေလုပ်နေတယ်။ သူမကြည့်ရတာ သူဘယ်နေရာမှာထိုင်တာလဲ ဆိုတာကို လုံးဝစိတ်မဝင်စားတဲ့ပုံပဲ။ ပြီးတော့ ဘေးပတ်ဝန်းကျင်က အရှုပ်အထွေးတွေကလဲ သူမနဲ့ မဆိုင်သလိုပဲ။
ချောင်လန်က တစ်ကယ်ပဲ သူ့ကို မကြိုက်ဘူးလား။
ချောင်လန်က သူနဲ့ တစ်ခုံထဲ တူတူမထိုင်ချင်ဘူးဆိုတာကို ကိုယ်တိုင်ကြားခဲ့ရတာတောင် ချန်ယောင်းရန်က အဲ့တာကို မယုံသေးဘူး။
ဘာလို့လဲ ဆိုတော့ အရင်တုန်းက ချောင်လန့်မျက်လုံးတွေက အရမ်းသိသာနေခဲ့တာကိုးး။
ပြီးတော့ သူနဲ့နီးကပ်ဖို့ အရမ်းစိတ်အားထက်သန်ခဲ့တာကြောင့်သာမဟုတ်ရင် ချောင်လန်က ပထမနေရာရဖို့ ဒီလောက်ကြိုးစားခဲ့မှာမဟုတ်ဘူး။
ဒါပေမဲ့ အခုချောင်လန်က ဘာလုပ်ချင်တာလဲဆိုတာကိုတော့ ချန်ယောင်းရန်က တစ်ကယ်မသိဘူး။
ချောင်လန်နဲ့ချန်ယောင်းရန်တို့ ထိုင်ခုံနေရာ ကြေညာအပြီးမှာတော့ ကျန်တဲ့ နေရာကြေညာတာတွေက စိတ်ဝင်စားဖို့မကောင်းတော့ဘူး။ အားလုံးမှာ tablemate အသစ်တွေနဲ့ဆိုတော့ အကုန်လုံး စကားပြောနေကြတယ်။
ထန်းမော့တစ်ယောက်ထဲပဲ တိတ်ဆိတ်နေတာ။ ဒါပေမဲ့ သူ့နားကလေထုက အရင်ကထက်ပိုပြီး အုံ့မှိုင်းနေတယ်။
သူခေါင်းကိုမော့ပြီး အရင်ကြည့်နေကြနေရာလေးကို ကြည့်လိုက်တယ်။ ဒါပေမဲ့ ချောင်လန်က အဲ့နေရာမှာ ထိုင်နေတာမဟုတ်တော့ဘူး။ အဲ့နေရာမှာ အရပ်ရှည်ရှည် သန်သန်မာမာယောကျာ်းလေးတစ်ယောက်က ထိုင်နေတယ်။
YOU ARE READING
ဗီလိန်ရဲ့ လမ်းပြကြယ်
言情ဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...