Unicode
ဦးလေးချန်လဲအပြင်ကို ကြည့်လိုက်ပြီး အလိုလိုဖြေလိုက်မိတယ်။ " ဟုတ်တယ်နော်။ မိုးရွာနေတာပဲ။ အတော်သည်းတယ်နော်.... "သူခေါင်းကို လှည့်ကြည့်လိုက်တော့ ထန်းမော့က သူ့ကိုလုံးဝကြည့်မနေဘူးဆိုတာကို သူတွေ့လိုက်ရတယ်။ အဲ့အစားသူက ခေါင်းကိုမော့ပြီး steakကို လှီးနေဆဲဖြစ်တဲ့ ချောင်လန့်ကို ကြည့်နေခဲ့တယ်။
ဦးလေးချန် : ...
ချောင်လန်ကို အသာထားလိုက်ဦး ဦးလေးချန်တောင် သတိမထားမိဘူး။ ဘာတစ်ခုမှ သတိမထားမိတဲ့ ချောင်လန့်ကို အရမ်းကို စိတ်အားတက်ကြွနေတဲ့ ဦးလေးချန်ကကြည့်လိုက်တယ်။ ခဏလောက်စောင့်ပြီးသွားတော့ ထန်းမော့က ဘာစကားမှ ထပ်မပြောတော့ဘူး။
စကားစပြောဖို့လုပ်တာ ကျရှုံးသွားတဲ့ ထန်းမော့ကို မြင်လိုက်ရတော့ ဦးလေးချန်က ဝင်ပါဖို့ ဆုံးဖြတ်လိုက်တယ်။ " မိုးက အတော်သည်းတယ်နော်။ မိန်းကလေးချောင် အိမ်ကို ဘယ်လိုပြန်မှာလဲ။ "
ဦးလေးချန်ဆီကနေ မိန်းကလေးချောင်လို့အခေါ်ခံလိုက်ရတော့ ချောင်လန်က အမြန်ပြန်ပြောလိုက်တယ်။ " ကျွန်မကို ချောင်လန်လို့ပဲ ခေါ်ရင် ရပါပြီ "
နောက်ဆုံးတော့ steak လှီးလို့ပြီးသွားခဲ့ပြီ။ သူမက ခက်ရင်းနဲ့ ဓားကို ထန်းမော့အရှေ့ပြန်ထားလိုက်ပြီး ပြောလိုက်တယ်။ " ကျွန်မ ဒီနေ့အလုပ်စောစောဆင်းမှာပါ။ အဲ့အချိန်ကျရင် တအားကြီး နောက်မကျလောက်သေးပါဘူး "
သူမ စကားပြောပြီးလို့ ထန်းမော့ကို တစ်ချက်ကြည့်လိုက်တော့ သူ့အဝတ်အစားတွေက အရမ်းပါးနေတာကို သတိထားမိသွားလိုက်တယ်။ " နင်အေးနေလား "
ချောင်လန့်ဆီကနေ ခက်ရင်းနဲ့ဓားကို ပြန်ယူပြီးတဲ့နောက် အဲ့ပစ္စည်းတွေမှာ ချောင်လန့်အပူချိန်ရှိနေသေးတာကို သူခံစားမိတယ်။ " မအေးဘူး " သူကပြောပြီး တိတ်ဆိတ်စွာပဲ steak တစ်ကိုက်စားလိုက်တယ်။
တစ်ကယ်လို့ မိုးက ဆက်ရွာနေမယ်ဆိုရင်...
သူမက အဖျားပျောက်ထားတာ သိပ်မကြာသေးဘူး။
ဦးလေးချန် အံ့ဩသွားတယ်။
ဒီနေ့ ကိစ္စတစ်ခုခုဖြစ်ခဲ့တာပဲဖြစ်ရမယ်။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...