ဗီလိန်ရဲ့ လမ်းပြကြယ်

အပိုင်း(၁၁၈)

Unicode

ဒီရက်ပိုင်းတွေမှာ ထန်းမော့သင်ယူနေတဲ့ ခေါင်းစဥ်က ပုံမန်ကျောင်းစာတွေနဲ့ အတိုက်အခိုက်သင်တာတို့အပြင် နောက်ထပ်၂ခုထပ်တိုးလာခဲ့တယ်။

စတော့ဈေးကွက်နဲ့ စိတ်ခံစားချက်တွေကို လေ့လာခွဲဖြားခြင်းတို့ပဲ ဖြစ်တယ်။

ချောင်လန်က စတော့တွေကို စိတ်ဝင်စားတယ်လို့ သိပြီးသွားကထဲက ထန်းမော့က စတော့ဈေးကွက်နဲ့ စပြီးထိတွေ့လာခဲ့တယ်။

ချောင်လန်ပြောတာတော့ သူမက စတော့နတ်ဘုရားရဲ့ ကိုယ်ရေးရာဇဝင်ကိုဖတ်ပြီးသွားတော့ အဲ့တာကိုလေးစားလို့ သူမက သင်ချင်တာလို့ ပြောခဲ့တယ်။ အဲ့ဒီ့စကားတစ်ခွန်းကြောင့်ပဲ ထန်းမော့က အဲ့တာကိုသင်ယူဖို့ ဆုံးဖြတ်ခဲ့တယ်။

သူက အမြဲတမ်းနည်းလမ်းအမျိုးမျိုးသုံးပြီး ချောင်လန်သူ့အပေါ်ခံစားချက်တွေ ပိုရှိလာအောင် လုပ်ချင်နေတယ်။ အဲ့တာက အချစ်မဟုတ်ဘူးဆိုရင်တောင်ပေါ့။ အဲ့တာအပြင် ချောင်လန်က စတော့တွေကို အရမ်းစိတ်ဝင်စားတယ်လေ။ အဲ့တာကြောင့် သူက ဒါကိုအရင်လေ့လာထားလိုက်မယ်။ အဲ့တာမှ သူချောင်လန့်ကို ဖြေးဖြေးချင်းသင်ပေးလို့ရမှာပေါ့။

ဒါပေမဲ့ စတော့ဈေးကွက်နဲ့ ထိတွေ့ပြီးသွားတဲ့နောက်မှာ ထန်းမော့ကို ပိုပြီးပျော်ရွှင်လာစေတာက ဘာလဲဆိုတော့ သင်္ချာနည်းလမ်းမျိုးစုံကို အသုံးပြုရတာပဲ။ ထန်းမော့က ဒီဟာက သူထင်ထားတာထက်အများကြီး ပိုစိတ်ဝင်စားစရာကောင်းတယ်ဆိုတာ သိရှိလာတယ်။

ဒါပေမဲ့ စတော့တွေနဲ့အတူ ထန်းမော့က စိတ်ခံစားချက်တွေကို ခွဲခြမ်းစိတ်ဖြာတာကိုလဲ ကြိုးကြိုးစားစားလေ့လာခဲ့တယ်။

သူက သူ့စိတ်မသက်မသာဖြစ်တာကို သည်းခံပြီး စိတ်ရောဂါအထူးကုနဲ့ ထပ်ပြခဲ့တယ်။ ပြီးတော့ သူ့ကိုယ်သူ သာမန်လူတစ်ယောက်နဲ့ ပိုပြီးတူလာအောင် စိတ်ရောဂါအထူးကုရဲ့ အကြံပေးချက်တွေကိုပဲ လက်ခံခဲ့တယ်။

သူက ဘယ်တော့မှ သာမန်လူတစ်ယောက်မဖြစ်နိုင်ဘူးဆိုတာ သူသိတယ်။ ဒါပေမဲ့ သူက သာမန်လူမဟုတ်ဘူးဆိုတာကို တစ်ခြားသူတွေမသိအောင်လို့တော့ သူကကြိုးစားလို့ရသေးတယ်လေ။