ဗီလိန်ရဲ့ လမ်းပြကြယ်

အပိုင်း(၆၃)

Unicode
ထန်းမော့က စာအုပ်တစ်အုပ်ကိုဖတ်နေတာ။ အဲ့စာအုပ်က လုံးဝကို pure English နဲ့ရေးထားတာချည်းပဲ။ ချောင်လန်ဝင်လာတာကြားလိုက်ရတော့ ထန်းမော့က နောက်တစ်ခါထပ်ပြီး စိတ်လှုပ်ရှားလာပြန်တယ်။

ချောင်လန်ကတော့ သတိမထားမိဘူး။ သူမက ထန်းမော့အခန်းကိုလှည့်ပတ်ကြည့်နေတယ်။ ဒီအခန်းက တစ်အိမ်လုံးမှာ အကြီးဆုံးအခန်းပဲ။ ဝရန်တာလဲပါတယ်၊ သီးသန့်ရေချိုးခန်းလဲပါတယ် အကျယ်ကြီးပဲ။ အိပ်ခန်းမှာက ကုတင်အပြင် စာကြည့်စားပွဲလဲရှိတယ်။ နံရံဘေးမှာက အထူးလုပ်ပေးထားတဲ့ စာအုပ်စင်လေးရှိတယ်။ တံခါးတွေမရှိဘူး ဒီတိုင်းမှန်ကူကွက်သေးသေးလေးပဲရှိတယ်။ စားပွဲဘေးကနေစပြီး ဝရန်တာအထိ အကုန်လုံးက စာအုပ်တွေချည်းပဲ။

ထန်းမော့က ဘယ်လောက်ပဲစာတွေဖတ်တယ်ပြောပြော ဒီလိုစုဆောင်းထားတာနဲ့တင် အရမ်းအံ့ဩစရာကောင်းနေပြီ။

ခုနတုန်းက ချောင်လန်က ထန်းမော့ကို စကားပြောတာနဲ့တင် အလုပ်ရှုပ်နေလို့ အခန်းကိုလှည့်ကြည့်ဖို့ အချိန်မရလိုက်ဘူး။ အခုကျတော့ သူမအံ့အားသင့်သွားတယ်။ ထန်းမော့ရှိတဲ့နေရာကို လျှောက်သွားလိုက်ပြီး သူဘာဖတ်နေတာလဲဆိုတာ မြင်ရအောင် အောက်ကိုငုံ့လိုက်တယ်။

" ဒါကဘာစာအုပ်လဲ " ချောင်လန်က မေးလိုက်တယ်။

" The Silk Roads " ထန်းမော့က စာအုပ်ကိုပိတ်လိုက်ပြီး ချောင်လန့်ကို လှမ်းပေးလိုက်တယ်။ ခဏလောက်တွေးပြီးတော့ သူကထပ်ပြောလိုက်တယ်။ " ဒီစာအုပ်က Oxford တက္ကသိုလ်က သမိုင်းပါမောက္ခတစ်ယောက်ဖြစ်တဲ့ Peter Francopan ရေးထားတဲ့ ကမ္ဘာ့သမိုင်းအကြောင်းဝတ္ထု အသစ်လေ။ ကျန်းချန်ကနေ အနောက်ပိုင်းဒေသတွေအထိ၊ ရောမအင်ပါယာ ဘယ်လိုဖြစ်လာခဲ့တယ်ဆိုတဲ့အကြောင်း၊ ပါရှန်းအင်ပါယာကြီး ဘယ်လောက် ဂုဏ်ယူစရာကောင်းခဲ့တယ်ဆိုတဲ့ အကြောင်းတွေလေ။ အမေရိကန်နဲ့ ဆိုဗီယက်ပြည်ထောင်စုတို့ရဲ့ သွေးအေးတိုက်ပွဲတွေအကြောင်း ပြီးတော့ အရှေ့အလယ်ပိုင်းစစ်ပွဲတွေ၊ အီရတ်စစ်ပွဲတွေအကြောင်းရောပါတယ်။ ဒီစာအုပ်က Silk Road ဖြတ်သန်းသွားတဲ့နိုင်ငံတွေအကုန်လုံးရဲ့ အထွေအထွေသမိုင်းကြောင်းတွေပါတာမလို့ ဒီစာအုပ်ကို Silk Road လို့ခေါ်တာ။ ဖတ်ကြည့်ကြည့်။ "