Unicode
ထန်းမော့က ဘာစကားမှ မပြောဘဲ ချောင်လန့်ကို ကြည့်နေတယ်။ အကြာကြီးနေတော့မှ သူက ထိုင်းမှိုင်းနေတဲ့အသံနဲ့ ပြောလိုက်တယ်။ " အဲ့တာဆို ငါမလာတော့ဘူး "
ချောင်လန် စိတ်သက်သာရာရစွာနဲ့ သက်ပြင်းတောင်မချရသေးခင်မှာပဲ သူက ဆက်ပြောလိုက်တယ်။ " ငါ ဦးလေးချန်ကိုပဲ နေ့တိုင်းနေ့ ပါဆယ်လာယူခိုင်းလိုက်မယ်။ " ချောင်လန် တံတွေး သီးတော့မလိုတောင်ဖြစ်သွားတယ်။
" မဟုတ်ဘူးလေ " ချောင်လန် နောက်ဆုံးတော့နားလည်သွားတယ် ထန်းမော့ကို ကွေ့ပတ်ပြီး ပြောလို့ လုံးဝမရဘူးဆိုတာကိုပေါ့။ သူမပြောချင်တာကို တိုက်ရိုက် ရှင်းရှင်းလင်းလင်း ပြောဖို့လိုတယ်။ " ဒီကိုညစာလာမစားနဲ့တော့။ ပြီးတော့ ဦးလေးချန်ကိုလဲ ပါဆယ်လာမယူခိုင်းနဲ့... "
ထန်းမော့ စိတ်ရှုပ်လာတယ်။ သူနားမလည်နိုင်တော့ဘူး။
" နင်က ပိုက်ဆံလဲ မလိုချင်ဘူး။ ပြီးတော့ ငါ့ကိုလဲ မလာစေချင်ဘူး။ အဲ့တော့ နင်ငါ့ကို ဘာလုပ်စေချင်နေတာလဲ။ "
" ထန်းမော့ နင်ဘာမှ လုပ်စရာ မလိုပါဘူး။ " ချောင်လန်က ထပ်ပြောလိုက်တယ်။ " နင်ဘာမှ လုပ်စရာမလိုဘူး။ နင်ငါ့ကို ပိုက်ဆံပေးပြီး ကူညီစရာလဲမလိုဘူး။ ငါ့မှာပိုက်ဆံရှိပါတယ်။ ငါ့ဘာသာငါလုပ်နိုင်... "
" တစ်ကယ်လို့ နင်လုပ်နိုင်တယ်ဆိုရင် ဘာလို့ ဒီကိုအလုပ်လာလုပ်နေတာလဲ "
ထန်းမော့က ခေါင်းမာတယ်။ ပြီးတော့ ချောင်လန်က ဘာလို့ဒီပြဿနာကို ရုန်းကန်နေရတာလဲ ဆိုတာ သူနားမလည်နိုင်ဘူး။ သူမက ပိုက်ဆံလိုတယ်။ သူ့မှာ ပိုက်ဆံရှိတယ်။ ဒါကယွမ်၇သောင်းထဲပဲဟာကို။ ဘာလို့ ဒီလောက်ပိုက်ဆံလေးက ခက်ခဲနေရမှာလဲ။
ချောင်လန်က သူမပြောနေတာကို ထန်းမော့အနေနဲ့ ဘာလို့သဘောမပေါက်တာလဲဆိုတာ သူမနားမလည်နိုင်တဲ့အတွက် ချောင်လန့်အသံက ပိုပြီးလေးနက်လာတယ်။ " ငါက ပိုက်ဆံလိုတာဟုတ်တယ်။ ဒါပေမဲ့ အဲ့တာနဲ့ နင်နဲ့မဆိုင်ဘူးလေ။ နင်ဘာလို့ နားမလည်ရတာလဲ။ ငါတို့က သူငယ်ချင်းတွေ ပြီးတော့ အတန်းဖော်တွေလေ။ ဘယ်သူငယ်ချင်း ဘယ်အတန်းဖော်ကမှ ဒီလိုလုပ်မှာ မဟုတ်ဘူး။ ထန်းမော့ နင်ငါ့ကို ထောက်ပံ့ပေးဖို့မလိုဘူး။ နင်အဲ့လိုလုပ်ပေးဖို့ ငါတို့ကြားမှာ ဘာ.. ဆက်ဆံရေးမှ မရှိဘူးလေ "
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...
