Unicode
ထန်းမော့က ရယ်လိုက်တယ်။ " ဥပဒေအရဆိုရင် အသက်မပြည့်သေးတဲ့ကလေးတွေကို ရောင်းစားတာ၊ စွန့်ပစ်တာ၊ လိင်ပိုင်းဆိုင်ရာအကြမ်းဖက်တာ၊ ညှင်းပမ်းနှိပ်စက်တာ ဒါမှမဟုတ် ရိုက်နှက်နှိပ်စက်တာ တွေလုပ်ရင်၊ ပြီးတော့ အသက်မပြည့်သေးတဲ့ကလေးတွေကို မထောက်ပံ့ရင်၊ မစောင့်ရှောက်ပဲထားရင် တရားရုံးကို သွားပြီး တရားစွဲဆိုရင် မိဘတွေက အုပ်ထိန်းခွင့်ဆုံးရှုံးရမယ့်အပြင် ဥပဒေအရအရေးယူတာလဲ ခံရဦးမှာနော်။ "
အဖေချောင်က အမြန်ပြောလိုက်တယ်။ " ငါတို့မလုပ်..... "
" ခင်ဗျားတို့က ကိုယ့်ကလေးကို ကျောက်ကပ်လှူပေးဖို့ အတင်းဖိအားပေးလုပ်နေတာပဲလေ။ ပြီးတော့ ချောင်လန့်ကိုလဲ ဒီ၂နှစ်အတွင်းမှာ ပိုက်ဆံတစ်ပြားမှ မထောက်ပံ့ပေးခဲ့ဘူး။ တရားရုံးရောက်မယ်ဆိုရင် စကားပြောရုံလေးနဲ့တင် ပြီးသွားမှာ မဟုတ်ဘူးနော်။ " ထန်းမော့က ပြောလိုက်တယ်။ " ကိုယ့်ဘာသာကိုယ် သေသေချာချာစဥ်းစားလိုက်ပါဦး။ သဘောတူမှာလား သဘောမတူဘူးလား ဆိုတာကိုပေါ့။ "
အဖေချောင်နဲ့ အမေချောင်တို့၂ယောက်လုံးက ဥပေဒအကြောင်းအရာတွေကို မသိကြဘူးလေ။ သူတို့က သူတို့သမီးတွေကို ရောင်းစားတဲ့အလုပ်မျိုးကို ၁ခါမက လုပ်ဖူးတယ်လေ။ သူတို့က အရင်ကထဲက ဥပဒေကို ချိုးဖောက်နေခဲ့ကြမှန်း သူတို့မသိခဲ့ကြဘူး။ သူတို့က အခု ဥပဒေကို ချိုးဖောက်နေတယ်ဆိုတာကို ကြားလိုက်ရတော့ သူတို့က ချက်ချင်းကိုပဲ ရှုပ်ထွေးသွားကြတော့တယ်။
" ပြီးတော့ " ထန်းမော့ ဆက်ပြောလိုက်တယ်။ " သေသေချာချာစဥ်းစားနော်။ ခင်ဗျားတို့ သားရဲ့ခန္ဓာကိုယ်က အရေးကြီးလား၊ ဒါမှမဟုတ် ချောင်လန်နဲ့ ဆက်ဆံရေးက အရေးကြီးလား။ တစ်ကယ်လို့ ခင်ဗျားတို့သားက စောင့်နိုင်တယ်ဆိုရင် ကျွန်တော်ကလဲ ဖြေးဖြေးချင်း စောင့်ပေးနိုင်ပါတယ်။ "
ဒီကောင်လေးက သူ့ရုပ်ရည်လိုမျိုး အန္တရာယ်မရှိတဲ့ ကောင်လေးမဟုတ်ဘူးဆိုတာ နောက်ဆုံးတော့ အဖေချောင်က သိသွားခဲ့ပြီ။ သူနဲ့ အမေချောင်တို့က ဒီကောင်လေးရဲ့ ပြိုင်ဖက်တွေ လုံးဝကို မဟုတ်ဘူး။ ပြီးတော့ သူတို့က ဒီကောင်လေးဆီက ပိုက်ဆံလိုချင်သေးတယ်လေ။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...
