Unicode
သူမ စာသင်ခန်းထဲကို ပြန်ရောက်လာတော့ ထန်းမော့က ရောက်တောင် ရောက်နှင့်နေပြီ။ သူက မနေ့ညက အရမ်းနောက်ကျမှအိပ်လိုက်လို့ နည်းနည်းအိပ်ချင်နေတဲ့ပုံပေါ်နေတယ်။ သူမကိုတွေ့တော့ သူက သူ့ကျောင်းလွယ်အိတ်ထဲ ပူပူနွေးနွေးမနက်စာဘူးကို ထုတ်လိုက်ပြီး ချောင်လန့်ကို လှမ်းပေးလိုက်တယ်။
" ........ ကျေးဇူးပဲ " ချောင်လန်က မနက်စာကို ထုတ်လိုက်တယ်။
သူမတို့ ' စစ်အေးတိုက်ပွဲ ' ဖြစ်နေတဲ့ အချိန်အတွင်းမှာတောင် ထန်းမော့က နေ့တိုင်းနေ့သူမအတွက် မနက်စာနဲ့ အာဟာရဖြည့်စွက်စာ ကို ယူလာပေးတယ်။ ချောင်လန်က ခေါင်းကိုလှည့်လိုက်ပြီး ထန်းမော့ကို ဘာပြောရင်ကောင်းမလဲဆိုတာ စဥ်းစားလိုက်တယ်။ သူမမျက်လုံးတွေနဲ့ ထိပ်တိုက်တွေ့တဲ့အချိန်မှာ ထန်းမော့က ရုတ်တရက် အကြည့်လွှဲသွားတယ်။
ချောင်လန် ကြောင်သွားတယ်။ သူမတို့က အခုထိ ' စစ်အေးတိုက်ပွဲ ' ဖြစ်နေတုန်းပဲလား။
ချောင်လန် သက်ပြင်းချလိုက်တယ်။
တော်သေးတာပေါ့။ သူမနောက်ဆုံးတော့ ဖြေရှင်းလို့ရမဲ့ နည်းလမ်းတစ်ခုကို ရှာတွေ့သွားပြီလေ။
နေ့လည်ခင်း ကျောင်းဆင်းတော့မဲ့အချိန်မှာ ထန်းမော့က ရုတ်တရက်ကြီး ထပ်စိတ်လှုပ်ရှားလာပြန်တယ်။ သူက သူ့လက်ကောက်ဝတ်က မီးတောင်ကျောက်ပုတီးစေ့လေးတွေကို အကြာကြီးစိုက်ကြည့်နေပြီးတော့ ချောင်လန့်ကို ပြောလိုက်တယ်။ " နင်ဒီနေ့ အိမ်ပြန်သွားမှာလား "
" မသွားဘူး " ခဏလောက်စဥ်းစားလိုက်ပြီးတော့ သူမသူ့ကို မေးလိုက်တယ်။ " ငါ့ကို နောက်တစ်ရက်လောက် ခေါ်ထားပေးလို့ရမလား။ "
ထန်းမော့က နှုတ်ခမ်းတွေကို စေ့လိုက်ပြီး " ငါ ဦးလေးချန်ကို နင့်ကိုလာကြိုခိုင်းလိုက်မယ်။ "
ချောင်လန်က ကောင်လေးကို စိုက်ကြည့်နေပြီး ပြုံးလိုက်တယ်။ " ရတယ်လေ။ ဒါပေမဲ့ ဒီနေ့ ငါနည်းနည်းစောစောပြီးမှာ။ ၇နာရီလောက်ပေါ့။ "
၇နာရီ?? ဘာလို့ ၇နာရီလဲ? ထန်းမော့က ကြောင်သွားတယ်။ ဒါပေမဲ့လဲ သူက ခေါင်းငြိမ့်ပြလိုက်တယ်။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...
