Unicode
ထန်းမော့ မျက်တောင်တွေကို အောက်ချလိုက်တယ်။ ဘာမှမဖြစ်ဘူး။ သူက ဒီလိုစကားလုံးတွေကို ကြားရတာ ကျင့်သားရနေပြီ။
" မင်းက သနားစရာကောင်းတယ်လို့ သူတို့ကပြောတယ်။ ဒါပေမဲ့ မင်းရဲ့ ဘယ်နားကအပိုင်းက သနားစရာကောင်းနေလို့လဲ?! တစ်ကယ်လို့ မင်းကသနားစရာကောင်းတယ်ဆိုရင်တောင် လူတွေက မင်းလိုလူလို ဘာလို့ ချစ်ရမှာလဲ။ မင်းက ဘာမှမခံစားတက်ဘူး။ တစ်ကိုယ်ကောင်းဆန်တယ်။ ကြောင်တောင်တောင်နဲ့... ဘယ်သူကမှ မင်းကို သည်းခံနိုင်မှာမဟုတ်ဘူး။ ဘယ်သူကမှ မင်းကို ချစ်မှာမဟုတ်ဘူး။ မင်းက မင်းဘဝတစ်သက်လုံး တစ်ယောက်ထဲ ဖြတ်သန်းသွားရမှာ!! "
wheelchairပေါ်က သူ့ရဲ့ ဖြူဖျော့နေတဲ့လက်တွေက ရုတ်တရက် တောင့်သွားတယ်။ ပြီးတော့ ထန်းမော့စိတ်ကလဲ တစ်ယောက်ယောက်ဆီကနေ လက်သီးနဲ့ အထိုးခံလိုက်ရသလို ဝေဝါးလာတယ်။
" သူက လူတွေကို ရိုက်တယ်။ ငါတို့ သူနဲ့ မကစားတော့ဘူး!!! "
" သူက အရူးကြီး မင်းတို့အားလုံး သူနဲ့ ဝေးဝေးကနေကြနော်။ "
" မင်းအဖေက မင်းငယ်ငယ်လေးတုန်းက မင်းကို မလိုချင်ဘူး။ ပြီးတော့ မင်းအမေက သူမသေတဲ့နေ့အထိ မင်းကြောင့် လုံးပါးပါးခဲ့ရတာ။ သူမကရော မင်းကိုလိုချင်တယ်လို့ မင်းထင်လို့လား။ "
" မင်းက ဘာမှမခံစားတက်ဘူး တစ်ကိုယ်ကောင်းဆန်တယ် ကြောင်တောင်တောင်နဲ့ ဘယ်သူကမှ မင်းကို သည်းခံနိုင်မှာ မဟုတ်ဘူး။ ဘယ်သူကမှ မင်းကို ချစ်မှာ မဟုတ်ဘူး။ မင်းက မင်းဘဝတစ်သက်လုံး တစ်ယောက်ထဲ ဖြတ်သန်းသွားရမှာ။ "
သူ့ဦးနောက်ထဲမှာ အော်သံတွေနဲ့ ပြည့်နေတယ်။ တစ်ခြားသူတွေ မကြားရပေမဲ့လို့ပေါ့။ သူ့အရှေ့မှာ အမှောင်ထုကြီးရှိနေတယ်။ ပြီးတော့ သူဘာကိုမှ မြင်ရဘူး။ အချိန်အကြာကြီး သူ့စိတ်ထဲမှာ ဖိနှိပ်ထားခဲ့ရတဲ့ မှတ်ဥာဏ်တွေက ပြန်ပေါ်လာတယ်။ ပြီးတော့ သူ့အမြင်အာရုံကို ဖုံးလွှမ်းသွားပြီး သူ့အတွေးတွေထဲမှာ ပြည့်နှက်နေတယ်။
သူ့အဖေက သူကလေးလေးကထဲက သူ့ကို မချစ်ခဲ့ဘူး။ ပြီးတော့ သူ့အမေကလဲ သူ့ကြောင့်မလို့ ၁၀နှစ်ကျော်လောက် လုံးပါးပါးခဲ့ရတယ်။ သူယုံကြည်လို့ရတယ်လို့ သူထင်ထားခဲ့တဲ့သူကလဲ သူ့ကို တစ်စက်ကလေးမှ ဂရုမစိုက်ဘူး။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...
