Unicode
အပတ်တိုင်းချောင်လန်လာပြီဆိုရင် အန်တီချန်က အစားအသောက်တွေအများကြီးပဲ ပြင်ဆင်ပေးတယ်။ ချောင်လန်စားလို့ပြီးသွားတော့ သူမက အန်တီချန့်ကို သွားပြီး ပန်းကန်သွားကူဆေးတယ်။ ဒါပေမဲ့ အန်တီချန်က သူမကို ကန်ထုတ်လိုက်ပြီး ထန်းမော့နဲ့ စကားသွားပြောချည်လို့ ပြောလိုက်တယ်။
ချောင်လန်က ပြုံးလိုက်ပြီး မီးဖိုချောင်ထဲက ထွက်လာခဲ့တယ်။ သူမထန်းမော့ကို ရှာတွေ့တော့ ထန်းမော့က စာပဲဖတ်နေတာကို သူမတွေ့လိုက်ရတယ်။
ချောင်လန်က သူ့ဘေးမှာထိုင်လိုက်ပြီး သူ့ကိုအကြာကြီးကြည့်နေကာ ပြောလိုက်တယ်။ " ထန်းမော့ တစ်ခါတစ်လေကျရင် စာဖတ်တာအပြင် နင်တစ်ခြားဟာတွေလဲ လုပ်လို့ရသေးတယ်။ ရုပ်သံဇာတ်လမ်းတွဲတွေ ပြီးတော့ ရုပ်ရှင်ကားတွေက စာအုပ်တွေကိုဖတ်တာထက်ပိုပြီး နားလည်ရလွယ်တယ်။ အဲ့တာတွေထဲမှာဆိုရင် အထူးသဖြင့် ဇာတ်ကောင်တွေရဲ့ ခံစားချက်တွေကို နင်ပိုမြင်နိုင်တယ်။ "
ထန်းမော့က စာအုပ်ကိုပိတ်လိုက်ပြီး ပြန်ပြောလိုက်တယ်။ " နင်က ဘာကြည့်မှာလဲ "
ချောင်လန်က ဒီတိုင်းပဲ ပြောကြည့်တာပါ။ ဒါပေမဲ့ ထန်းမော့က ဒီလောက်မြန်မြန်ကြီး လက်ခံလိုက်လိမ့်မယ်လို့ သူမမထင်ထားခဲ့ဘူး။ ခဏလောက်စဥ်းစားလိုက်ပြီး အမြန်ပြောလိုက်တယ်။ " ငါ့အထင်တော့ နင်က သိပ္ပံစိတ်ကူးယဥ်ဇာတ်ကားတွေကို အရမ်းစိတ်ဝင်စားလောက်မယ် ထင်တာပဲ။ ဒါပေမဲ့ ငါကတော့ နင့်ကို ခံစားရတဲ့ ရုပ်ရှင်ကားတွေကို ကြည့်သင့်တယ်လို့ အကြံပေးချင်တယ်။ "
အချစ်၊ မိသားစု၊ သူငယ်ချင်း..... အစရှိသဖြင့်ပေါ့။ အကုန်ရတယ်။
" ငါအသေးစိတ်ကိုတော့ ခဏလေးနဲ့တော့ စဥ်းစားလို့မရဘူး။ ငါအချိန်ရရင် အွန်လိုင်းပေါ်မှာ ရှာထားမယ်လေ။ အဲ့ဒီ့ ဂန္တာဝင်ဇာတ်ကားတွေက အရမ်းကောင်းတာနော်။ "
ထန်းမော့က သူ့ဖုန်းကိုထုတ်လိုက်ပြီး စာအချို့ကိုရိုက်လိုက်ပြီး ရုပ်ရှင်ခေါင်းစဥ်တွေ တစ်သီကြီးကို ရှာလိုက်တယ်။ ကမ္ဘာကျော်နာမည်ကြီး ရုပ်ရှင်မျိုးစုံပဲ။ The Legend of 1900, Titanic, Edward Scissorgands,..... အစရှိသဖြင့်ပေါ့။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...