Unicode
မြောက်ပိုင်းဒေသရဲ့ ရာသီဥတုပြောင်းလဲမှုက တစ်ကယ်မှန်းရခက်တယ်။ ဆောင်းရာသီက ရောက်ချင်တာနဲ့ ရောက်ချလာတာပဲ။ အဲ့လို ခန့်မှန်းလို့ မရမှုက အပူချိန်ရုတ်တရက် ပြုတ်ကျသွားတော့ တုတ်ကွေးဖျားနာတွေဖြစ်လာကြတော့တယ်။
ဒီတစ်ခေါက်တော့ တုတ်ကွေးရာသီက ပြင်းပြင်းထန်ထန်ကို ရောက်ချလာတာ ကျောင်းရဲ့စူပါမားကတ်က တစ်ရှူးတွေကိုတောင် ချက်ချင်းပဲ အဝယ်များလာကြတယ်။ ပြီးတော့ ကျောင်းဆေးခန်းကိုသွားပြီး ဆေးသွားယူတဲ့ နှုန်းကလဲ ရုတ်တရက်တိုးလာခဲ့တယ်။
ချောင်လန်က ထန်းမော့ကျွေးတာကို ၂နှစ်နီးပါးလောက်စားလာခဲ့တာလေ။ ပြီးတော့ သူမက နေ့တိုင်းလဲ ပြေးသေးတယ်လေ။ အဲ့တာကြောင့် သူမမှာက ကိုယ်ခံအားကောင်းကောင်းရှိတယ်။ ဒါပေမဲ့ သူမက သူမအဆောင်ကလူတွေဆီကနေ အဖျားကူးတာကနေ မလွတ်ခဲ့ဘူး။ အဲ့တာက တစ်ယောက်ကနေ တစ်ခြား၂ယောက်ကိုကူးတာက စတာပဲ။ ပြီးတော့ အဲ့တာကနေ တစ်ဆင့်ပြီးတစ်ဆင့် သူမဆီကို ကူးလာတော့တာပဲ။
အပြင်ဘက်က ရာသီဥတုက အနှုတ်တောင်ရောက်နေပြီ။ အရမ်းလဲအေးနေတယ်။ အခန်းထဲမှာ အပူပေးစက်တပ်ထားတယ်ဆိုပေမဲ့ သေချာပေါက် အရမ်းနွေးမနေဘူးလေ။
ချောင်လန်က မနက်ခင်းအစောနိုးတုန်းက စာကျက်မလို့လုပ်ကထဲက ခေါင်းကိုက်နေခဲ့တာ။ မနက်ခင်း study ချိန်ရောက်တော့ သူမအတန်းဖော်သူငယ်ချင်းတွေရဲ့ စာကျက်သံတွေက သူမနားထဲကို လည်နေခဲ့တယ်။ ပြီးတော့ သူမရဲ့မူးနေတဲ့ခေါင်းက ပိုပြီးတော့တောင် လေးလာတယ်။ ၂မိနစ်တစ်ခါလောက် နှာချေနေတဲ့ ပိုင်ယွီရဲ့ နှုန်းကိုလိုက်ပြီး ချောင်လန်က စားပွဲပေါ်မှာ အိပ်ပျော်သွားခဲ့တယ်။
အခုက မနက်ခင်းအစောစာကြည့်တဲ့အချိန်ပဲရှိသေးတယ်လေ။ ပြီးတော့ အတန်းချိန်က မပြီးသေးဘူး။ အခုအချိန်က အိပ်ဖို့အချိန်မဟုတ်ဘူးလေ။ ဒါပေမဲ့ ချောင်လန်က မထိန်းနိုင်တော့ဘဲ အိပ်ပျော်သွားတယ်။ သူမ နိုးလာလိုက် အိပ်ပျော်သွားလိုက်နဲ့ ဖြစ်တာ အချိန်ဘယ်လောက်ကြာသွားမှန်း သူမမသိတော့ဘူး။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...