Unicode
သူမ ဦးလေးချန်ကိုသိလာတာ နှစ်ဝက်ကျော်လာပြီ။ ချောင်လန်က ဦးလေးချန်နဲ့ အရမ်းလဲ ရင်းနီးတယ်။ ပြီးတော့ သူ့ကိုလဲ အရမ်းကျေးဇူးတင်တယ်။ သာကြောင်းမာကြောင်း စကားနည်းနည်းလောက်ပြောပြီးတော့ ချောင်လန်က ဦးလေးချန်ကို ဘာကိစ္စရှိလို့လဲလို့ မေးလိုက်တယ်။ ဦးလေးချန်က မျက်မှောင်ကျုံ့လိုက်ပြီး အကြာကြီးစဥ်းစားနေတယ်။ ပြီးတော့မှ ရှက်ရှက်နဲ့ ပြောလိုက်တယ်။
" ကိစ္စသေးသေးလေးတစ်ခုတော့ ရှိတယ်။ "
အန်တီချန့်မိသားစုမှာ ပြဿနာလေးတစ်ခုဖြစ်လို့ အဲ့တာကြောင့် သူမက သူမမိဘအိမ်ကို ပြန်သွားရမှာလို့ ဦးလေးချန်ကပြောတယ်။ သူမက ဘယ်အချိန်ပြန်လာမလဲဆိုတာ သူမသိဘူး။ ဦးလေးချန်က ထန်းမော့ကို ပြုစုဂရုစိုက်ဖို့အတွက် လူတစ်ယောက်လောက် ရှာချင်တာ။ ဒါပေမဲ့ ထန်းမော့က အပြင်လူတွေကိုဆိုရင် အရမ်းမကြိုက်ဘူးလေ။ အဲ့တာကြောင့် ဒီကိစ္စလေးက ကိုင်တွယ်ဖို့ အရမ်းခက်ခဲနေတာပေါ့။
အဲ့တာနဲ့ သူက ချောင်လန့်ကို တွေးမိသွားတယ်။
" လန်လန် သမီးနဲ့ သခင်လေးတို့က သူငယ်ချင်းတွေလဲ ဖြစ်တယ်။ အတန်းဖော်တွေလဲ ဖြစ်တယ်လေ။ ဒီလိုအကူအညီတောင်းရတာ နည်းနည်း နေရခက်မယ်ဆိုတာတော့ ဦးလေးသိပါတယ်။ ဒါပေမဲ့ ဦးလေးတို့လင်မယားအပြင် သူက သမီးတစ်ယောက်ထဲကိုပဲ စကားပြောနိုင်တာလေ။ "
ချောင်လန်က သဘောမတူချင်ဘူး။
သဘောမတူရတဲ့ အဓိကအကြောင်းရင်းကတော့ ဦးလေးချန်နဲ့ ထန်းမော့တို့က သူမကသွားစရာနေရာမရှိဘူး၊ သူမကို ဂရုစိုက်ပေးမဲ့လူတစ်ယောက်မှ မရှိဘူးလို့ ထင်နေကြလို့ ဒီလိုလုပ်ဖို့ တွေးမိတာ ဖြစ်မှာကို သူမကြောက်နေလို့ပဲ။
ဘာပဲပြောပြော ထန်းမော့က စာမေးပွဲမှာ တမင်သက်သက် အဖြေလွှာဗလာကြီးတောင်အပ်ပြီး သူမကို scholarship ရအောင် လုပ်ပေးခဲ့တာလေ။ ဒီအပိုင်းမှာတော့ ဦးလေးချန်က ထန်းမော့ထက် အများကြီးပိုတော်တယ်။ အချိန်ခဏလောက်တော့ ဦးလေးချန်ကပြောနေတာတွေက တစ်ကယ်လား လိမ်နေတာလားဆိုတာ ချောင်လန်တစ်ကယ် မသိတော့ဘူး။
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...
